Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Караиделнең үз эшлекле гамәлләре

30.06: Караиделнең үз эшлекле гамәлләре

Караиделнең үз эшлекле гамәлләреПартия проекты кысаларында районда гражданнар җыеннары үтә.

“Эшлекле гамәлләр” проекты халык тормышын яхшыртуны гына түгел, карарлар кабул итүдә һәркем­нең катнашу мөмкинлеген, власть белән аралашуын җанландыруны да күз уңында тота.


Бу җәһәттән урындагы мәсьәләләрне хәл итү өчен Караидел районы үзәге Мәдәният йорты алдында 50гә якын кеше җыелды. Караидел авыл Советы башлыгы вазыйфасын башкаручы Владимир Шерстобитов авыл биләмәсендә башкарылган эшләр турында сөй­ләде. Җәй­ге чорда биредә төп игътибар территорияләрне тәр­типкә китерүгә юнәлтелә.
Проект бюджетының гомум күләменнән 20 процентка кадә­рен гражданнар үзләре финанслаган очракта авыл билә­мәләренең теге яки бу мәсьә­ләсен республиканың бюджеттан тыш фонды ярдәмендә хәл итеп булачак. Матди ярдәм, төрле хезмәтләр күрсәтү, шул исәптән, түләүсез хезмәт төрен­дә өстәмә финанслау, рөхсәт ителә.
Җыенда катнашучыларның яртысыннан күбе “Сәламәтлек сукмагы”н төзүне хуплады. Сәламәтлекне ныгыту максатында һәм транспорт чараларына түләүгә экономияне истә тотып, сорау алуда катнашкан бистә халкының 86 проценты, “Сәламәтлек сукмагы” булса, район үзәгенә җәяү йөрергә әзер булуын белдерде.
“Яшьләр” бистәсендә туристларга күрсәтү, никах, фото­сессияләр үткәрү өчен күзәтү мәйданчыгы булдыру мәсьәлә­сенә килгәндә, җыендагылар­ның 66 проценты аны телевышка янында төзү урынлы булуын белдерде.
Район үзәге халкы “Яшь­ләр” бистәсендәге паркны реконструкцияләүне үтенеп еш мөрәҗәгать итә. Анда 3,5 мең кеше яши һәм шәхси йортлар төзү дәвам итә, әмма яшьләргә һәм балаларга ял итү һәм спорт белән шөгыльләнү өчен урын юк. Паркта бернинди дә шартлар тудырылмаган, велосипед, йөгерү өчен юллар төзелмәгән, спорт мәйданчыгы юк. Тиешле тәртип һәм уңайлыклар булмау сәбәпле, андагы өч балалар аттракционына да йөрүчеләр аз.
Балаларның юлларда һә­лак булу очраклары арту алар­ның хәвефсезлеген кайгыртуны көчәйтүне таләп итә. Паркта махсус юллар булмаганлыктан, җәйге чорда балалар велосипедта машина юлыннан йөри. Шуларны искә алып, район җитәкчелеге “Эшлекле гамәл­ләр” проекты кысаларында паркны рекон­струкцияләргә кирәк дигән карарга килде.
Алдагы планнарга карата шунда яшәүчеләрнең фикерен белү өчен “Яшьләр” бис­тәсендә җыен үткәрелде. Җыенга килгән актив яшьләр проектка карата үз фикерләрен һәм тәкъдимнәрен әйтте, ярдәм күрсәтергә әзер булуларын белдерде. Хатын-кызлар — парк территориясенә чәчәкләр утырту, ирләр — спорт мәйданчыгы төзүдә катнашу, урындагы эшкуарлар техника белән ярдәм итү теләге белдерде.
Караидел авыл Советы башлыгы проект сметасын укып ишеттерде, хакимиятнең мәгълүмат-аналитика эше буенча сектор мөдире Зилә Закирова проектның өстенлек­ләре турында сөйләде. Район үзәгендә яшәүчеләр якын киләчәктә парк яңа төс алыр һәм актив ял итү, спорт белән шөгыльләнү урынына әйләнер, дип өметләнә.
Алдан расланган графикка ярашлы, халык белән очрашу Кортлыкүл авылында да үтте. Анда район хакимияте баш­лыгының социаль мәсьәләләр буенча урынбасары Илдус Мусин, авыл Советы башлыгы Фларит Фәйзрах­манов һәм урындагы депутатлар катнашты.
“Эшлекле гамәлләр” проекты турында Илдус Гаяз улы сөйләде. Аны гамәлгә ашыру буенча ул үз тәкъдимнәрен кертте, авыл активистларын тыңлады, проект биргән мөм­кинлекләр турында сөйләде.
169 ихаталы авылда күтәр­телгән юллар юк. Шул сәбәпле, язгы-көзге чорда махсус техника да, коткару хезмәте машиналары да авылга керә алмый. Торак пунктында ветераннар да яшәвен искә алганда, юллар булмау халыкның сәламәтлеген һәм хәвефсез­леген тәэмин итү мөмкинлеге бирми.
Авыл халкы бу кискен мәсьәлә буенча җыеннарда да, муниципалитет җитәк­челегенә дә берничә тапкыр мөрәҗәгать итте, әмма райондагы юлларның гомум озынлыгы 430 километрга сузылуын исәпкә алсаң, төзек­ләндерүгә акча җитмәве аңлашыладыр.
Җыенда фикер алышулардан соң, Кортлыкүл авылында “Юллар төзү” проекты сайлап алынды.

Вәсилә ГАЛЛӘМ.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



"Бүсер сурәте" төшерүчеләр
Сегодня, 10:19 :: Көнүзәк
"Бүсер сурәте" төшерүчеләр
Сабыйлар пешмәсен!
20-07-2017 :: Көнүзәк
Сабыйлар пешмәсен!








Новости русской версии сайта


Яңа номер

85 (25089)

от 25 июля 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»