Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Азык-төлек карточкасы кертәчәкләр...

18.02: Азык-төлек карточкасы кертәчәкләр...

Азык-төлек карточкасы кертәчәкләр...Бу нәрсә турында сөйли?

Халык фикерен өйрәнү үзәкләре мәгълүматларыннан күренүенчә, русиялеләр, азык-төлеккә акча күп китә, дип зарлана. Моның сәбәпләре билгеле: беренчедән, ризыклар кыйммәтләнә, икенчедән, акчалата керемнәр кими, газ-электр хаклары арта. Ил халкының чиреге, гомумән, ит, колбаса һәм сыр сатып алырга акча җиткерә алмый. Аеруча кышкы айларда яшелчә-җимеш аларның өстәлендә бөтенләй юк. Русия Фәннәр академиясенең Икътисад институты директоры Руслан Гринберг әйтүенчә, бу – хурлыклы хәл. Галим фикеренчә, мондый катлаулы хәлдән ресурсларны ярлы катлам ихтыяҗларын канәгатьләндерүгә бүлеп кенә чыгарга мөмкин. Бу гадел дә, икътисади үсешкә илтүче адым дә булачак. Чөнки, ди Руслан Семенович, ил икътисады халыкка хезмәт итәргә тиеш. Юкса, бездә кеше икътисади күрсәткечләрне яхшырту өчен яши сыман. Ярлылыктан котылу өчен, минималь хезмәт хакын күтәрүдән башлап, аерым категорияләргә ярдәм итү өчен азык-төлек карточкалары кертү кебек чараларны тормышка ашырырга кирәк.


Дөрес, мондый карточкалар турында сүз ике ел элек үк күтәрелгән иде. Хәзер исә әлеге юнәлештә эш башланды. Русиянең Сәнәгать һәм сәүдә министрлыгы хәбәр итүенчә, аз керемле гражданнарга ярдәм итү программасы әзерләнә. Бу документ ярлы катламга азык-төлек карточкалары (банкларныкына охшаш) бирүне күз уңында тота. Азык-төлек карточкалары дигәч, күпләр узган гасырның 80-90нчы елларындагы талоннарны искә төшерә. Министрлык вәкилләре, бүгенге башлан­гычның ул чордагы хәл-вакыйгалар белән бернинди дә уртаклыгы юк, дип тынычландыра. Ул вакытта карточкалар товар дефициты белән көрәш ысулы булса, хәзер аз керемле катламга ит, сөт, яшелчә-җимеш сатып алырга мөмкинлек бирү күз уңында тотыла.

Ярдәм программасының (аз керемле катламны субсидияләү) нигезе итеп АКШтагы food stamps (азык-төлек талоны) программасы алынган. Әйткән­дәй, аз керемле катламны тәэмин итү системасы Русиядә 2020 елга кадәр сәүдәне үстерү стратегиясендә дә язылган иде. Ул системаны гамәлгә кертү буенча Киров өлкәсендә эш башланган да инде.

Программаның асылы нидән гыйбарәт соң?

Айлык керемнәре аз пенсионерлар, күп балалы гаиләләр һәм башка категория гражданнар субсидиягә хокуклы дип танылгач, аларга акча салынган банк карточкасы бирелә. Андагы акчаны ай дәвамында дәүләтнең шушы программасында катнашучы кибет­ләрдә билгеле төр продуктларны сатып алырга тотынырга була. Киров өлкәсендә, әйтик, карточкага 1000 сум салына. Киләчәктә бу сумманы 1400 сумга җиткерә­чәкләр. Карточкадагы сумманы кулакчага әйләндереп тә, оныкларыңа бүләк итеп тә булмый. Сатып алына торган продуктлар исем­легенә урындагы җитеш­терүчеләр товарлары (он, ярма, сөт, май, сыр, ит, чәй, шикәр, яшелчә, җимеш һ.б.) кер­те­лә. Бу, ярлыларны тукландыру белән бергә, урындагы авыл хуҗалыгы җитештерүчеләренә акча эшләү мөмкинлеге дә бирәчәк. Һәрхәлдә, исемлектә аракы, тәмәке, консервалар булмаячак. Әлеге программаны гамәлгә кертү өчен 240 миллиард сум бүле­нә­чәк.

Рәсми статистикадан күре­нүенчә, былтыр Русиядә ярлылар 22,5 миллионга җиткән. Кием-салым, көнкүреш товарлары сатып алуны кичектереп була, ә азык-төлексез яшәп булмый. Шунысын да ассызыкларга кирәк: илдә гади халыкның акчалата кереме өченче ел рәттән кими, уртача керемле дип саналучы гаиләләр дә эшләп тапканның яртысыннан күбесен азык-төлеккә тотына. Тормыш дәрәҗәсен билгеләүче халыкара стандартлар буенча, әгәр дә халык зшләп тапкан акчасының 35 процентын ризыкка тотына икән, бу ил ярлы исәпләнә. Ирексездән, совет чорындагы “Тормыш яхшырган саен яшәү авырлаша”, дигән йөремсәк әйтем искә төшә...

Икътисади үсешкә юнәлеш алу өчен үз җитештерүчеләребезнең куллану товарларына ихтыяҗ артырга тиеш. Мәсәлән, әлеге программа, алда билгеләнгәнчә, үзебезнең авыл хуҗа­лыгын җанландыруга бер этәргеч булырга мөмкин, дип күзаллана. Аннан соң, социаль киеренкелеккә тарымас өчен дә ярлыларга ярдәм программасын ашыктырырга кирәк. Әлбәттә, бу ярдәмне билгеләгәндә, тәү чиратта, гаделлек принцибы сакланырга тиеш. Ярдәмне чыннан да мохтаҗлар гына алырлык булсын. Чөнки безнең халык, гаделсезлектән башка, властьларга күп нәрсәне гафу итә. Власть исә, үз чиратында, социаль гаделлек аша халыкның сәяси ризалыгына ирешеп булганлыкны яхшы аңлый.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Тел белү – зур бәхет!
17-08-2017 :: Көнүзәк
Тел белү – зур бәхет!
Ә безгә нәрсә комачаулый?
17-08-2017 :: Көнүзәк
Ә безгә нәрсә комачаулый?
Поездда йөрмә икән...
12-08-2017 :: Көнүзәк
Поездда йөрмә икән...








Новости русской версии сайта


Яңа номер

96 (25100)

от 19 августа 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»