Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Башкортстанда “генераль җыештыру” башланды

25.02: Башкортстанда “генераль җыештыру” башланды

Башкортстанда “генераль җыештыру” башландыГомумрусия халык фронты проекты һәркемгә законсыз чүплекләр белән көрәшергә мөмкинлек бирә.

Мәгълүм булуынча, 2017 ел Русиядә, шул исәптән Башкортстанда да, “Экология һәм аеруча сакланучы табигый территорияләр елы” дип игълан ителде. Төбәктә экология мәсьәләсенә һәрвакыт җитди игътибар бүленә. Моңа карамастан, хәл итәсе мәсьәләләр дә юк түгел. Урман-кырларга, сулыкларга, рөхсәт ителмәгән башка урыннарга чүп түгү заман бәласенә әверелде. Гомумрусия халык фронтының старт алган “Генераль җыештыру. Чүплекләрнең интерактив картасы” проекты мәсьәләне уртак көч һәм игътибар белән хәл итәргә тәкъдим итә. Проектта кемнәр катнаша ала? Аның үзенчәлеге нидә? “Башинформ” мәгълүмат агентлыгында үткән матбугат конферециясендә сүз шул хакта барды.


– Элегрәк экология мәсьәләсе, башлыча, иҗтимагый оешмаларны гына борчыса, бүген бу хакта илдә һәркем җитди уйлана, – диде Гомумрусия халык фронтының Башкортстандагы “Экология һәм урманны саклау” төбәк төркеме җитәкчесе, Дәүләт җыелышы-Корылтай депутаты Заһир Хәкимов. – Мондый күре­неш экологик хәлнең үзгәрешенә генә кайтып калмыйдыр. Киләчәкнең тирә-як мохит чисталыгына бәйле булуын аңлаучылар артты. Былтыр Гомумрусия халык фронтына экология мәсьләсе белән мөрәҗәгать итүчеләр күп булды. Шул исәптән коммуналь, каты көнкүреш калдыкларының рөхсәт ителмәгән урыннарга түгелүе турында да еш ишеттек. Чүплекләр мәсьәләсе Гомумрусия халык фрон­тының Мәскәүдә үткән “Действие” форумында да күтәрелде һәм лидерыбыз Владимир Путинга да җитке­релде. Форумнан соң бу хакта республика Башлыгы Рөстәм Хәмитовка да хәбәр иттек. Нәтиҗәдә, “Генераль җыештыру. Чүплекләрнең интерактив картасы” проекты эшләнде һәм старт алды.

Проект ничек эшләячәк? Республикада законсыз хасыйл булган чүплекләр белән көрәштә һәркем катнаша ала. Бу хакта проект координаторы Морад Шәфыйков сөйләде. Моның өчен, kartasvalok.ru интернет-чыганагына кереп, Башкортстанны табарга кирәк. Арытаба Яндекс-картада чүплек урынын күрсәтеп язу мөһим. Әлбәттә, бу урын иң элек тикшереләчәк. Картада барлыкка килгән кызыл нокта – мөрәҗәгатьнең игътибарга алынуы, сары нокта – эш башлану һәм яшел нокта җыеш­тыру тәмамлануы турында сөйли. Иң мөһиме – мөрәҗәгать чынбарлыкка туры килергә тиеш. Проект старт алгач, Русиядә 530 чүп түгү урыны ачыкланган. Шуларның 9ында эш тәмам­ланган һәм 56сында дәвам итә. Башкортстанда 9 чүплек ачыкланган.

Проект тулы көченә эшли башласа, Башкортстанда чүп түгү урыннары җитәрме? Респуб­ликаның табигатьтән файдалану һәм экология министры урынбасары Филүс Яхин белдерүенчә, төбәктә 31 полигон эшли. Якын киләчәктә тагын алтыны сафка кертү планлаштырыла. Филүс Флүр улы фикеренчә, проект кысасында чүп җыю кинәт арткан очракта да аны кабул итү буенча киеренкелек булмаячак.

Чүплекләр белән көрәшергә проект кына ярдәм итә алырмы? Әйтергә кирәк, моңа кадәр дә халкыкны борчыган көнүзәк мәсьәлә­ләр­не Яндекс-карта ярдәме белән хәл итү очраклары теркәлде. Иң уңышлыларның берсе – Мәскәү мэры Сергей Собя­нинның “Наш город” геомәгъ­лүмат порталы. Портал аша алты елда 1557622 мәсьәлә хәл ителгән. Шул ук вакытта, урынында таптанган, өметне акламаган мисаллар да бар. “Генераль җыештыру. Чүплекләрнең интерактив картасы” проектының уңышлы гамәлгә ашачагына өмет зур. Чөнки һәркемнең чиста мохиттә сау-сәламәт булып яшисе килә. Мондый максатка чүп түгүне җитди конт­рольгә алып, бу юнә­леш­тәге мәдә­ниятебезне арттырган очракта гына ирешеп булачак. Проект нәкъ шушы нәтиҗә ирешергә ярдәм итәчәк.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Су күтәрелү дәвам итә
Сегодня, 00:00 :: Көнүзәк
Су күтәрелү дәвам итә
Төп игътибар –  Кеше капиталына
Сегодня, 00:00 :: Көнүзәк
Төп игътибар – Кеше капиталына








Новости русской версии сайта

sendmail

Яңа номер

49 (25053)

от 27 апреля 2017 Архив номеров газеты






Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»