Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Нык тоталар дөнья тезгенен

31.03: Нык тоталар дөнья тезгенен

Нык тоталар дөнья тезгененИгезәкләр тормышында һәрвакыт ниндидер серлелеккә, чагу вакыйгаларга урын буладыр, күрәсең. Күптөрле тикшеренүләр ачыклавынча, алар бер-берсенең күңел халәтен, тирән кичерешләрен меңнәрчә чакрымнан да тоярга сәләтле.

Дүртөйле районында гомер кичерүче игезәкләр Альфира Исхакова һәм Альфрит Мирзаянов та — берсе өчен берсе өзелеп торучы туганнар. Ягымлы яз аенда 60 яшьлек гомер бәйрәмнәрен билгеләүче игезәкләр Дүртөйле районының Таубаш-Бадрак авылында дөньяга килә.

— Без туганчы әти белән әниебезгә кайгы диңгезендә озак йөзәргә туры килә: бер-бер артлы ике кыз, бер ир балалары сабый чакларында ук үлә, — дип сөйли алар. — Ниһаять, сау-сәламәт кызлары, аңардан соң теремек игезәкләре якты дөньяга аваз салгач, шатлыклары эчлә-ренә сыймый, әлбәттә.

Бездән соң тагын өч кыз балага гомер биргән әти-әниебез искиткеч сабыр холык­лы, шәфкатьле күңелле, эшсөяр кешеләр иде. Әтиебез Әмирҗан колхозда бригадир, ферма мөдире, умартачы булып хез­мәт салды. Кайда гына эшләсә дә, рәсеме мактау тактасыннан төшмәде, авылдашларыбыз арасында зур ихтирамга лаек булды. Әнкәебез Талибәнең дә бер минут кул кушырып утырганын күрмәдек: ул колхозда гектарлап чөгендер дә, мәк тә утады, бозау караучы булып та эшләде. Яшьлеге дәһрилек алга сөрелгән болгавыр заманга туры килсә дә, күңелендә иман нурын саклап кала алган шәхесләрдән иде ул, шуңа олыгайган көнендә ныклап дин юлына басуы һич гаҗәп түгел. Биш вакыт намазын калдырмады, җентекләп Коръәнне өйрәнде. Авылда “Ак әби” дип йөрттеләр үзен. Әхирәткә күчкәнче йортыннан кеше өзел­мәде: дога багышлавын үтенеп тә, киңәш сорап та килә иде аның янына яше-карты.

Мирзаяновлар балаларын кечкенәдән хезмәтне яратырга өйрәтеп үстерә, шуңа кызлары да, уллары да тормышта үз урыннарын табып, матур итеп яши. Альфрит Әмирҗан улы бүген өч авылның – Таубаш-Бадрак, Бишкурай, Быргатаның имам-хатыйбы вазыйфасын башкара. Альфира ханым да, лаеклы ялдамын дип, оныкларына оекбашлар гына бәйләп утырмый, Дүртөйле шәһәренең үзәк базарында малтабар улы белән берлектә балык сату эшен оештырып, уңышлы алып бара.

Күңелдә — хезмәт дәрте, беләктә дәрман булганда, ничек итеп эшсез тормак кирәк! — ди алар. Ә Альфрит хәзрәт гомер юлдашы Резеда Гакыйф кызы белән, төп нигезне таркатмыйча, авылдашларын сокландырып яшиләр. Дүрт бала тәрбияләп үстергән алар.

Бу булдыклы парның ихатасы тулы мал-туар. Сыер, тана гына түгел, атлар да асрый алар. Ел саен каз өмәсе оештырып, 25-30ар баш каз чала, 50шәр бройлер, үрдәкләрнең төрле токымын үстерә. Моннан тыш, Альфрит хәзрәтнең 90 баш умартасы бар.

“Егет кешегә җитмеш төрле һөнәр дә аз” диләр бит, — дип елмая ул. — Әти-әниебез дә белемгә омтылырга кирәклеген сеңдереп тәрбияләде.

Дүрт ел туган авылларында башлангыч мәктәптә укыгач, игезәкләр сигез чакрымдагы күрше Кәңгештә тугызынчы сыйныфны тәмамлый. Альфрит — Уфада электр һәм газ белән эретеп ябыштыручы, ә Альфира Бөредә штукатур-маляр һөнәрләрен үзләштерәләр.

Республикабыз башкаласындагы нефть эшкәртү заводында яхшы гына эшләп киткән Альфритка олыгайган әти-әнисе янына ике елдан авылга кайтып урнашырга туры килә. Колхозда аеруча кирәкле шофер һөнәренә дә, биредә озак еллар күмәк хуҗалыкның умарталыгында хезмәт салган әтисенә алмашчы булыр өчен умартачыга да укып чыга. Алган белемнәре берсе дә артык булмый. Авылны су белән тәэмин итү челтәрен дә ул тәртиптә тота.

Бүген дә авылдашлары ни булса да Альфрит Әмирҗан улы янына йөгереп килә. Оста куллы булуы өстенә, Ислам институтын тәмамлаган имам-хатыйп олысын-кечесен дин кануннары буенча яшәргә өйрәтә, акыллы сүзе, анык эше белән ярдәм күрсәтә. Бәби туса да, никах укырга кирәк булса да, мәрхүмнәрне соңгы юлга озату да Альфрит хәзрәттән башка үтми.

— Күңелендә иман нуры балкыган адәм баласына яшәү күпкә җиңелрәк, — ди имам-хатыйп. — Әтиебез ягыннан да, әниебез ягыннан да картәтиләребез хәзрәтләр, үз заманының укымышлы кешеләре булган. Шуңа, күрәсең, яшьтән дингә тартылганмындыр.

Альфрит Әмирҗан улы күңелендә йөрткән изге хыялы белән дә бүлеште: туган авылында Аллаһ йорты – мәчет төземәкче икән ул. Бу эшне озакка сузмыйча башлап җибәрергә ниятли. Күркәм башлангычы уңышлы булыр дип ышанабыз.

— Безне туганым белән ниндидер күзгә күренмәгән җепләр бәйли сыман, — дип уртаклаша Альфира Әмирҗан кызы. — Көн саен телефон аша хәллә­ребезне белешеп, көн аралаш күрешеп торабыз. Гадәттә, нинди дә булса вакыйгага, күренешкә карата фикерләребез туры килә. Альфрит авырыбрак китсә, мин шунда ук сизәм.
Ире Вәкил белән (кызганычка каршы, ул күптән гүр иясе) бер кыз һәм бер ул үстергән Альфира ханымның тормышы да намуслы хезмәттә үткән. Яшьлегендә төзелештә дә, заводта да эшләгән ул, һәм менә лаеклы ялында да, җил-җил ат­лап, көн дә иртә таңнан эшкә чыгып китә.

— Балаларыма, оныкларыма кирәк булуыма, җәмгыятькә әле файда китерә алуыма сөенеп яшим, — ди ул.
Алтмыш яшьләрен билгеләүче, әле дә егәрле, гөрләтеп дөнья көтүче, күпләргә матур үрнәк күрсәтеп яшәүче Альфира ханым һәм Альфрит хәзрәткә тагын бик күп юбилейларын сәламәтлектә, җан тынычлыгында каршы алуларын, бүгенгедәй, янәшәдәгеләрнең тирән ихтирамын тоеп гомер кичерүләрен телибез!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Монда йортлар чәчәк ата, торналар оя кора
18-03-2017 :: Календарьда бу көн
Монда йортлар чәчәк ата, торналар оя кора
Каракларны атканнар!
12-03-2017 :: Календарьда бу көн
Каракларны атканнар!
“Кызыл таң”да гүзәл затлар тәбрикләнде
8-03-2017 :: Календарьда бу көн
“Кызыл таң”да гүзәл затлар тәбрикләнде
Еллар бәясе
25-02-2017 :: Календарьда бу көн
Еллар бәясе
Җырлы-моңлы лирик
16-02-2017 :: Календарьда бу көн
Җырлы-моңлы лирик
Җәза бирүче түгел, хокук яклаучы орган
12-01-2017 :: Календарьда бу көн
Җәза бирүче түгел, хокук яклаучы орган
Язмышы үз җырларына охшаш
5-01-2017 :: Календарьда бу көн
Язмышы үз җырларына охшаш
СССР дигән бөек ил...
24-12-2016 :: Календарьда бу көн
СССР дигән бөек ил...








Новости русской версии сайта

sendmail

Яңа номер

35 (25039)

от 25 марта 2017 Архив номеров газеты






Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»