Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / “...Ял иткәндә — гармунчы”

28.10: “...Ял иткәндә — гармунчы”

“...Ял иткәндә — гармунчы”Миякә районының Җилдәр авылы ир-егетләре оста куллылыгы, уйлап табуда маһирлыгы белән аерылса да, яңарак 77 яшен тутырган Кәбир Шәриповка тиңнәр юктыр.
Кәбир Вәли улын авылдашлары төрлечә атый, төрлечә олылый – Кәбир-оста да, Кәбир-гармунчы да диләр. Миңа калса, аңа “уйлап табучы” дигән исем дә бик килешер иде. Ул бәләкәйдән нәрсәдер уйлап чыгарырга, уйлаганын ясарга, тормышка ашырырга бик һәвәс була. Җилдәр — бүген райондагы иң төзек, иң матур авылларның берсе. Моңа иң зур өлеш керткән кеше Кәбир Шәрипов дисәм, иманым камил, җилдәрлеләр минем белән ризалашыр. Кәбир Вәли улы гомер буе пилорамада, төзелештә авылның беренче егете була...


Без балта остасы турында сүз йөрткәндә аның балтасы сакал-мыек кырырлык дәрәҗәдә үткер булырга тиеш, дияргә өйрәнгәнбез. Чөнки безнең ата-бабаларыбыз борын-борыннан балта-пычкы белән дөнья көткән, аршын белән үлчәгән, бау белән тигезләгән. Шулай итеп өй төзегән, йорт-курасын тергезгән. Әле генә ул без балта-пычкының нәрсә икәнен онытып барабыз, барлык эшне электр кораллары белән башкарырга өйрәнеп алдык. Чүкеч белән кадак каккан кеше күрсәк, бармак төртеп көләбез. Чөнки “шуруповерт” һәм “саморез” бик күпкә уңайлырак та, ышанычлырак та.
Рам ясаучы, пыялачы да кирәкми хәзер, пластиктан ясалган “стеклопакет”ларны күз ачып йомган арада китереп урнаштыралар. Акчаң гына җитсен! Хәер, мондый төзелеш оҗма­хында яши башлавыбызга ике дистә ел да юк әле. Ә инде Кәбир абзыйлар дөнья корган 50-60нчы елларда, сугыштан соңгы юклыкта төп төзелеш коралы шул балта-пычкы булган. Без үскән 70-80нче елларда да авылда чын балта осталары бармак белән генә санарлык иде. Ә инде ишек-тәрәзә куя, пыяла кисә белүчеләргә таң кала идек. Кәбир Шәрипов кебек осталар үзе бер могҗиза иде ул чорда, чөнки алар вакытны узып яшәде.
Әйтик, шул ук Кәбир Вәли улы балта-пычкы хөкем сөргән 50-60нчы елларда ук төзелештә кирәк булган барлык электр станокларын үзе ясый. Аның остаханәсе сәнәгать дәрәҗә­сендәге төзелеш комбинатына тиң.
— Балтага көне калган оста ул оста түгел инде! — ди Кәбир абый.
Бүген, билгеле, кем дә шулай дияр иде. Ә Кәбир Шәрипов бу фикерне моннан ярты гасыр элек әйткән. Һәм... Җилдәрне, башлыча, үзе уйлап тапкан электр кораллары белән төзегән.
Әйткәндәй, авылда кулдан җыелган беренче тракторны да ул ясый.
— Монысына авыл белән атсыз калуыбыз сәбәпче булды, аптыраганнан тотындым. Юкка гына тракторны “тимер ат” димибездер. Йорттагы вак-төяк эшне башкару өчен менә шушы “самоделкин” да бик җиткән. Бәрәңге бакчасын эшкәртү өчен генә “К-700” яисә “ДТ-75” тракторын яллап булмый бит инде! — дип, үзенең тимер атын сыйпаштырып куя Кәбир абый.
— Тракторыңның кушаматы ничек соң, Кәбир абый? — дим.
— “Тух-тух” инде аның исеме! — дип көлә авылның легендар уйлап табучысы.
Чынлап та, эш исемдә түгел — җисемдә. Менә шундый “тух-тух”лар белән бүген ярты авыл үз дөньясын көтә — бакча эшкәртә, печән хәзерли, утынга бара. Әйткәндәй, тракторлар барысы да диярлек рәсми исәптә, аларга дәүләт номерлары алынган. Техник күзәтүләрне дә үз вакытында, яхшы күрсәткеч белән үтеп торалар.
...Җилдәрне бизәп яшәүче Кәбир абый Шәрипов белән сөйләшеп сүзләр бетми. Аның оста итеп гармунда уйнавы — үзе бер могҗиза! Сигезенче дистәне тутырганда ялгыз калуы гына бераз ямансурак — балалары барысы да читтә, карчыгы гүр иясе булган. Шуңадырмы, аның барлык куанычы да, юанычы да ихатасындагы “тух-тух”ы, остаха­нәсе һәм үзе белән бергә картайган гармуны.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Октябрьский американнары
22-07-2017 :: Дөнья бу...
Октябрьский американнары
Сыер турында җыр
20-07-2017 :: Дөнья бу...
Сыер турында җыр
“Исмәгыйль караклары”
18-07-2017 :: Дөнья бу...
“Исмәгыйль караклары”
Ана йөрәге сизенгән...
15-07-2017 :: Дөнья бу...
Ана йөрәге сизенгән...
Аянычлы язмыш
13-07-2017 :: Дөнья бу...
Аянычлы язмыш
Әгәр көтүче  ач калса...
11-07-2017 :: Дөнья бу...
Әгәр көтүче ач калса...








Новости русской версии сайта


Яңа номер

85 (25089)

от 25 июля 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»