Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
/ / Алар 41дә туган

29.10: Алар 41дә туган

Алар 41дә туганӘлшәй районының Никифар авылында яшәүче Венера һәм Фоат Мусиннар 75 яшьләрен билгеләде.

Быел шундый матур юбилейларын билгеләүчеләрнең күбесе дөньяга аваз салганда ук ятимлеккә дучар ителгән була – илебез тарихында иң каһәрле 1941 елда туган алар. Без Фоат абый белән – авылдашлар. Үземнән 15 яшькә олырак бу абый миңа һәрвакыт үрнәк булды. Без малай чакларда ул инде медицина училищесын тәмамлаган фельдшер иде. Никифардан бүленеп утырган утыз йортлы Айдаголның зур кешесе иде Фоат абыебыз. Слак дәваханәсендә баш табиб вазыйфасын да башкарган, медицинаны су кебек эчкән, ышанычлы булган Фоат абыйның Айдаголга ялга кайтуын авылдашлары көтеп ала иде. Һәрберсен ачык йөз белән каршылаучы Фоат абый дәваханәләргә йөрергә яратмаган авыл халкы өчен зур ярдәм булды.



Күз терәп килүчеләр аңар­дан бүген дә өзелми – Фоат абыйның буынчы сәләте күптән тирә-юньгә таралган.

Фоат абый соңгы елларда дин юлына басты, хәзер авылдашларына дини йолаларны башкарырга да теләп ярдәм итә.

Гомерен башкаларга ярдәмгә ашыгып үткәргән Фоат абыйның үз язмышы бик үкенечле. Сугыш башланганда Айдаголда бригадир булган әтисе Мәскәү юнәлешендә барган аяусыз алышларда һәлак була. Авылга ул чор өчен гадәтигә әверелгән “Хәбәрсез югалды” язуы гына килә. Итәк тулы баласын ялгызы үстергән Әминә апа ниләр кичерүен үзе генә белгәндер. Ульяновск өлкәсендә үскән Әминә апа авылыбызда үзе бер якты нур иде. Дин тыелган Совет чорында ул авылдашларыма борынгы йолаларны башкарырга ярдәм итте.

— Әниебезнең гөмбә җыя белүе, алардан ел әй­ләнәсенә төрле ризыклар хәзерләп ашатуы аркасында без ач үлемнән калдык, — дип рәхмәт белән искә ала йөз яшькә җитә язып гүр иясе булган Әминә әбине Фоат абый.

Кызганычка каршы, Фоат абыйның ятимлегенә көт­мәгәндә килгән гариплек өстәлә — бергә уйнаганда икетуган абыйсы, каравылда торган аталарының мылтыгыннан атып, малайны күзсез калдыра. Дәваханәләрдә бик озак яткан Фоат: “Малайлар ирештерә!” — дип, бер ел укуын да калдыра. Шулай да яшьтәшләре арасында иң укымышлысы, иң сәләтлесе ул булып чыга. Фоат абый өздереп гармунда уйный, профессионал җырчылар көн­ләшерлек тавыш белән моңлы итеп җырлый, ши­гырьләр яза, гәзитләр белән хезмәттәшлек итә. Берничә ел элек “Кызыл таң”ның иң актив авыл хәбәр­чесе дип танылды.

Әйткәндәй, “Кызыл таң”дагы бер язмасы гомер иткән хатынын югалткан Фоат абыйга җитмеш яшендә икенче ярын табарга ярдәм итә. Венера апа аңа үзе шалтырата. Бүген алар – ике сугыш ятиме, яшьтәшләр һәм язмышташлар бер-берсенә ныклы терәк булып, бик тату яши. Хәер, ятимлек әле ул язмыш түгел, ятимлеккә бирешмичә үсү, кеше булу һәм кешеләргә кирәк булу – монысы язмыш. Бәхетле язмыш.





Басып чыгарырга



“Кеше гомерен кеше яшәми...”
Вчера, 00:00 :: Дөнья бу...
“Кеше гомерен кеше яшәми...”
Саумы,  имам-шагыйрь!
15-06-2018 :: Дөнья бу...
Саумы, имам-шагыйрь!
Каһәрле күлмәк
14-06-2018 :: Дөнья бу...
Каһәрле күлмәк
Разведчик Әхмәров
8-06-2018 :: Дөнья бу...
Разведчик Әхмәров
Рәнҗешле фатир
7-06-2018 :: Дөнья бу...
Рәнҗешле фатир
Ятып калганчы – атып кал
5-06-2018 :: Дөнья бу...
Ятып калганчы – атып кал
  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных









Новости русской версии сайта

Глазная клиника Ретина



Яңа номер

Вступить в нашу группу Вконтакте


sendmail


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF




Антитеррор

Антитеррор




Рубрикалар




Материаллар архивы


Гәзит номеры
Номерлар










Печать книг

Безнең иске сайтыбыз

Филиалы ГУП РБ ИД
«Республика Башкортостан»