Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Колмый белән Сталин

07.02: Колмый белән Сталин

Колмый белән СталинАлтмышынчы еллар. Якуп Колмыйның шагыйрь дә, журналист та булып киң танылган чагы. Аның сүзләренә язылган җырлар һәркайда яңгырый, күңелләргә сары май булып ята. Үзе радиода эшли, сәнәгать темасы буенча чыгышларын яратып тыңлыйм, Салават шәһәренең “Ленинский путь” гәзите хезмәткәре буларак, үземә фәһем алырга тырышам. Якуп абый һәм аның хезмәттәшләре белән якыннан танышасы килә.

Бервакыт Уфага юл төште. Йомышларымны йомышладым да Якуп абый эшләгән телеүзәк бинасына киттем. Очраштык, таныштык. Башкортстан нефте тарихы белән кызыксынуым, Ишембай шәһәрендә 30нчы елларда нәшер ителгән “Башкирская вышка” гәзите төпләмәләрен укуым, анда Якуп Колмыйга кагылышлы материаллар да очратуым турында сөйләгәч, шагыйрь шаяртып куйды:

— Мине алдынгы нефть­че итеп атамаганнардыр бит!

— Алай гына дисезме? Сезне тагын да югарырак чөйгәннәр!

Һәм мин теге гәзиттә очраган бер мәкаләнең эчтәлеген кыскача гына сөйләп бирдем. Бер мас­тер җитәкләгән бораулаучылар бригадасында тәрбияви-аңлату эшләре тиешле дәрәҗәгә куелмаган. Мәдәни үзәк өчен тәгаенләнгән вагончыкта гәзит-журналлар юк, стена гәзите күптән чыгарылмый. Өстәлдә нибары ике китап ятимсерәп ята. Берсе — Иосиф Сталинның милли мәсьәләләр турында брошюрасы, икенчесе — Якуп Колмыйның шигырьләр җыентыгы...

— Чынлап та шулай язылганмы? Син үз күзләрең белән күрдең­ме? Ничәнче елда чыккан гәзит ул? — дип кабынып китте шагыйрь.

— Мин Сезне алдап тормам бит инде. 1938 елгы гәзит иде ул.

— Сиңа үтенечем бар, кустым. Шуны сүзмә-сүз яңадан сөйләп чыга алмассыңмы? Хәзер тү­гел, тәмәке тартып кергәч.

Кинәт үзгәреп, ялкынланып киткән Якуп абый миңа баскан урынымнан бер адым да читкә тайпылмаска боерды да үзе юк булды.

Берәр ялгыш сүз ычкындырып, үземә бер-бер хәл булмагае, дип шөб­һәләнеп куйдым. Җәмгыя­тебез шәхес культы афәтеннән арынып та бетмәгән чор иде бит әле.

Ул арада, биш-алты ир-ат ияртеп, күзләре очкынланып торган Якуп абый әйләнеп керде. Тагын да кемнәрдер керәчәк икән әле, тик аларны көтеп тормаска булды.

— Баягыны урысча иркенләп сөйлә әле, — дип миңа янә боерды.

Күрәм: мин сөйләгән тарих шагыйрьдән башка кешеләргә һич тә тәэсир ясамады. “Ну и что?” — дип куйды хәтта берсе. Колмый аны кул ишарәсе белән туктатты да карашы белән барысын да сөзеп чыкты.

— Монда нәрсә турында сүз барганын аң­ламадыгызмыни? Әллә аңлатып бирергә кирә­к­ме? — диде, тавышын күтәрә биреп. — Уйлап карагыз! Сугышка кадәр өч ел элек үк мине иптәш Сталин белән бер рәткә куйганнар! Башыгызга барып җиттеме инде хәзер?

Барысы да шаркылдап көлеп җибәрде. Кемдер шагыйрьнең аркасыннан сөйде, кемдер кул селтәп китеп барды. Абзыйның кәефе гаять күтәренке иде. Әйтерсең лә дәүләт бүләге тапшырдылар.

— Рәхмәт, кустым, син миңа бик күңелле хәбәр китердең! — дип, кабат-кабат кулымны кысты.

Уфаның иң биек ноктасында күркәмлеге белән әллә кайлардан күренеп торган бинаның дүртенче катында гына түгел, күпкә югарырак, болытлар өстендә тоя сыман иде үзен. Мин аның бу халәтен соңрак кына аңладым. Утлы яу яланнарын үткән, икенче дәрәҗә “Ватан сугышы” ордены, “Батырлык өчен” медале белән бүләк­ләнгән каһарман кавалерист Якуп Колмыйга туган якка кайткач та тынгы бирмәгәннәр: абыйсын һич гаепсез “халык дошманы” дип репрессия­ләгәннән соң, энесенең дә эшеннән, иҗатыннан гаеп эзләгәннәр, яла якканнар, эшсез дә йөргән вакытлары булган аның...


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



“Зимагур кыз”
Вчера, 00:00 :: Дөнья бу...
“Зимагур кыз”
Теләк кенә кирәк!
18-03-2017 :: Дөнья бу...
Теләк кенә кирәк!
Зөлхиҗә каены сере
16-03-2017 :: Дөнья бу...
Зөлхиҗә каены сере
Бәхетле булырсыңмы?
14-03-2017 :: Дөнья бу...
Бәхетле булырсыңмы?








Новости русской версии сайта

sendmail

Яңа номер

34 (25038)

от 23 марта 2017 Архив номеров газеты






Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»