Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Күбрәк ягаргамы? Җылыны сакларгамы?

27.10: Күбрәк ягаргамы? Җылыны сакларгамы?

Күбрәк ягаргамы?  Җылыны сакларгамы?Уфада үткән Русия энергетика форумында бу мәсьәләне гадәти булмаган ысуллар белән хәл итү юллары тәкъдим ителде.

Мәгълүм булуынча, үткән атнада Уфа янә халыкара энергетика үзәгенә әверелде. Мәртәбәле чара “ВДНХ-ЭКСПО” күргәзмәләр комплексында дүрт көн дәвам итте. Форум күргәзмәләрдән, пленар өлештән, киңәшмәләрдән һәм секцияләр эшеннән торды. “Урал энергетикасы” һәм XXII “Җылылык белән тәэмин итү. Электротехника. Кабель” күргәзмәсендә 150дән артык компания үз продукциясен тәкъдим итте. Кытай, Германия компанияләренең Русиядәге вәкилләре дә бар иде. “Инновацион энергетика: модамы, әллә ихтыяҗмы?” дигән темага пленар утырышта биш меңнән артык белгеч катнашты. БДБ Электр энергетикасы советының 50нче юбилей утырышы чараның дәрәҗәсен арттырды. Шул ук вакытта, форумның әһәмияте катнашучылар саны, дәрәҗәле кунаклар исемлеге белән генә билгеләнми. Иң мөһиме – тәкъдим ителгән фикерләрнең, продукциянең гамәлдә сынатмавы һәм җәмгыятькә энергетика мәсьәләсен хәл итәргә ярдәм итүе. Форум турында шушы күзлектән фикер йөртеп карыйк.


Моңа кадәр энергетика форумнарында куәтләр һәм тәгаен нәтиҗә игътибар үзәгендә булды. Әйтик, лампочка икән – нык яктыртсын. Җылыткыч икән – салкын йортны “ә” дигәнче җылытсын. Җиһазларның күпме энергия сарыф итүенә әллә ни зур игътибар бирелмә­де. Хәзер исә продукция кулланучылар игътибарын, барыннан да бигрәк, энергияне аз сарыф итүе белән җәлеп итә. Бу мода түгел, көн таләбе. Торак-коммуналь хуҗалыктагы үзгәрешләр күпкатлы йортларда яшәүчеләрне акчаны янда калдыру турында уйланырга мәҗбүр итте. Тәгаен нәтиҗәләр дә бар. Әйтик, хәзер подъездларда ут тәүлек әйләнәсенә янмый. Хәрәкәт датчигы утны кеше килгәндә кабыза, киткәч сүндереп куя. Агач тәрәзәләр пластикка алыштырылды. Нәтиҗәдә, подъезд озаграк суына һәм җылыту чыгымнары кими. Күргәзмәдә бу юлы да коммуналь түләүләрне киметергә мөмкинлек бирүче экспонатлар хәтсез иде.

– Без җитештергән җылылык энергиясе узелы акчаны 15 процентка янда калдырырга мөмкинлек бирә, – диде “Теплоком-Уфа” компаниясе баш инженеры Артем Трифонов. – Мондый җиһазлар күпкатлы йортларның һәркайсында урнаштырылырга тиеш. Уфада барлык йортларның 40 процентында нәкъ шушындый узел эшли. Әлегә кадәр җитештерелгән шундый ук җиһазлардан өстенлекле яклары акчаны янда калдыру белән генә чикләнми. Электр-магнит җиһазы механик исәпләгечләргә караганда озаграк, уртача 12 ел хезмәт итә. Детальләре Башкортстанда, ил төбәкләрендә җитештерелә. Шуңа күрә, санкцияләр йогынтысын тоймадык.

Русиядә кышны ягып җылытудан башка имин чыгып булмый. Шуңа күрә шушы чордагы чыгымнарны киметү, җылылыкны нәтиҗәлерәк файдалану турында уйланабыз. Бу уңайдан Уфаның “АНН Монтажлау идарәсе”нең “Рапресол” җиһазына аерым игътибар итү мөһим. Мәгълүм булуынча, юшкын – кер юу машиналарының, электр чәйнекләренең “кан дошман”ы. Шул ук вакытта, юшкын йортларны җылытыр­га, казанлыкларның куәтен тулы көченә файдаланырга да комачаулый. Мәсьәләне хәл итәргә төрле фильтрлар ярдәм итә итүен. Ләкин бу шактый зур чыгымнар таләп итә. Чөнки суны үткәрүче фильтрлар бик тиз сафтан чыга һәм аларны еш алыштыру таләп ителә. Нәтиҗәдә, йомшак су шактый кыйммәткә төшә. Ә “Рапресол” суны электромагнит дулкыннар белән эшкәртә һәм каты тозларның төзелеше үзгәртүгә китерә. Нәтиҗәдә, юшкынның 98 процентын тәшкил итүче кальций карбонаты белән магний, кристалл рәвешен алып, торбаүткәргечләргә, җиһазларга утырмый. Бер миллиметр калынлыгында утырган юшкын җылы бирү сәләтен 10 процентка киметүен дә күздә тоту мөһим. Мондый җиһаз­лардан шәхси йортларда да, эре предприятиеләрдә дә файдаланырга мөмкин.

Күргәзмәдә Германиянең Мәскәү­дәге фән һәм инновацияләр йорты да үзенчәлекле проектлар тәкъдим итте. Табигый байлыклар чикле булган Көнбатыш Европа энергиянең альтернатив чыганакларын файдалану буенча югары казанышларга ирешкән. Су, кояш, җил энергиясен эшкә җигү буенча безнең тәҗрибәбез бар. Биогаз турында да хәбәрдарбыз. Германиядә болар яңалык түгел. Анда Җир төшенең энергиясен файдаланырга өйрәнгәннәр. Мәгълүм булуынча, Җирнең үзәге шактый кайнар. Статистика мәгълүматлары күрсәтүенчә, Җир төше тирәсендә эсселек 5000 градустан артып китә. Мондый форсаттан нәтиҗәле файдалану максатында җиргә тирән чокырлар казылып, җиһазлар урнаштырыла һәм су әйләнеше тәэмин ителә. Җир төше ярдәмендә җылытылган су турыдан-туры кулланучыларга тәкъдим ителә. Шулай ук, су пары турбиналарны әйләндерә һәм электр энергиясе җитештерергә булышлык итә. Кем белсен, бәлки киләчәктә без дә мондый алымны үзләштерербез?

Халыкара дәрәҗәдәге форум җәмгыятьтә энергияне җитештерү һәм куллану мәдәнияте үзгәрүен ачык күрсәтте. Азрак көч белән күбрәк энергия җитештереп, аны мөмкин кадәр нәтиҗәле файдалану алгы планга куелды. Табигый байлыклар чиксез түгел. Икътисади көрчек акчаны янда калдыруның төрле юлларын эзләргә мәҗбүр итә. Бу темага чыккан бәхәсләрдә Башкортстан тыңлаучы гына булып калмады. Безнең тәҗрибә кунакларда зур кызыксыну уятты. Димәк, киләчәк республикасы киләчәк энергетикасына таяна дияргә тулы нигез бар.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Уртаклашыр тәҗрибәбез бар
25-05-2017 :: Икътисад
Уртаклашыр тәҗрибәбез бар
Форум бездән башланды!
13-05-2017 :: Икътисад
Форум бездән башланды!
Дәүләт ярдәме нинди була?
13-05-2017 :: Икътисад
Дәүләт ярдәме нинди була?
Эшлекле ял көннәре көтә
10-05-2017 :: Икътисад
Эшлекле ял көннәре көтә








Новости русской версии сайта


Яңа номер

61 (25065)

от 27 мая 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»