Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Үзем төзеткән кадерле, Булсын озын гомерле!

16.03: Үзем төзеткән кадерле, Булсын озын гомерле!

Үзем төзеткән кадерле, Булсын озын гомерле!
Урындагы башлангычларга ярдәм программасының тәрбияви әһәмияте дә гаять зур.

Мәгълүм булуынча, ай башында Уфада “Урындагы үзидарә орган­нары­­ның гражданлык җәмгыяте институтлары һәм урындагы мәсьә­ләләрне хәл итүдә халык белән хезмәттәшлек итү буенча төп эшчәнлек юнәлешләре” темасына урындагы үзидарәне үстерү буенча Округ консультатив советы утырышы үтте. Аның эшендә Русия Президентының Идел буе федераль округындагы Тулы вәкаләтле вәкиле Михаил Бабич, Башкортстан Башлыгы Рөстәм Хәмитов катнашты. Әйтергә кирәк, республика очраклы гына мондый чараны үткәрү урыны итеп сайланмады. Башкортстанның урындагы башлангычларга ярдәм итү тәҗрибәсе илдә иң яхшылардан санала.


Әйткәндәй, республикада 2014 елда ук Бөтендөнья банкы алымы буенча социаль һәм коммуналь инфраструктураны үстерү буенча урындагы башлангычларны үстерү проектына старт бирелде. Бу юнәлештә былтыр аеруча күләмле эш башкарылган. Атап әйткәндә, конкурска 661 гариза тәкъдим ителгән. Шуларның 487се җиңгән. Проектларның 29ы – шәһәрләрнеке, 458е – муниципаль районнарныкы һәм авыл биләмәләренеке. Аларның 40 процентка якыны гамәлгә ашырылган. Калганнары буенча быел эш дәвам итәчәк. Җиңүче проектларның (үзләре туплаган акчаны исәпкә алып) бюджеты – 450 миллион сум. Шуның 300,7 миллион сумын – республика, 67,5 миллион сумын – урындагы бюджетлардан бүлү, 25,8 миллион сумны иганә­челәрдән җәлеп итү күздә тотыла. Халык үз теләге белән җыйган акча 56,3 миллион сум тәшкил итәчәк.

Проект кысаларында халык өчен мөһим мәсьәләләр хәл ителә. Муниципаль берәм­ле­кләрдә, башлыча, мәгариф һәм мәдә­ният учреждениеләре, юллар ремонтлана. Су тәэминаты да игътибардан читтә калмый. Шәһәрләрдә спорт объектларына ихтыяҗ зур. Саннарны мисаллар да дәлилли. 2014-16 елларда тормышка ашырылган проект­ларның берни­чәсенә игътибар итик. Зилаер районының Кананикольское авылында су тәэминаты мәсьә­ләсе хәл ителгән. Шул ук районда Ивано-Кувалат авылы урамнары яктыртылган. Учалы районының Мансур һәм Абзак авылларында энергияне сакчыл тотынуга ирешкән­нәр. Учалы авылында көнкү­реш калдыкларын җыю мәсьәләсе хәл ителгән. Авылда һәрберсе биш кубометр сыйдырышлы 32 җир асты чүп контейнерлары урнаштырылган. “Учалы шәһәрендәге яктыртылган роллерлы чаңгы трассасын төзекләндерү” проектының бюджеты 7 миллион сумнан артып киткән. Яртысыннан күбесе – бизнес ярдәме. Аның каравы, 1,5 чакрым озынлыктагы һәм 4,5 метр киңлектәге трасса халыкны савыктыруга хезмәт итә. Мисалларны арытаба да дәвам итеп булуы күп нәрсә турында сөйли.

Республика җитәкчелеге ирешелгән­нәрдә генә тукталырга җыенмый. Былтыр Башкортстан “2016-18 елларда Русия Федерациясе төбәклә­рендә инициатив бюджетлауны үстерү” федераль программасында катнашу хокукына иреште. Һинд­станда үткән БРИКС илләренең тематик форумында республика­ның инициатив бюджетлауны үстерү тәҗри­бәсе иң яхшылар исәбенә керде. Быел бездә “Граж­дан­нарның биләмәләр инфраструктурасын үсте­рүдә катнашуы” темасына БРИКС иллә­ренең халыкара форумын оештыру күздә тотыла.

Урындагы башлангычларга ярдәм итүнең әһәмияте халыкны борчыган социаль мәсьәләләрне хәл итүгә генә кайтып калмый. Аның тәрбияви әһәмиятен дә онытырга ярамый. Җәмгыятьтә яңа гына төзелгән корылмаларны, объектларны вату, җимерү, пычрату күренешләренә еш тап буласың. Шул ук вакытта, беркем дә үз йортында алай итми. Киресенчә, һәр нәр­сәнең кадерен белә, сакчыл тотына. Йорт, җиһазлар озак еллар хезмәт итсен, игелек китерсен өчен кулдан килгәннең барысын да эшли. Бу җәһәттән беркем дә үз акчасын кушып төзелгән объектка зыян салмас дияргә кирәк. Кире­сенчә, аны сакларга омтылачак. Шушы күзлектән чыгып караганда, проект кысаларында салынган акчаның озак еллар халыкка игелек китерәчәгенә ышаныч зур.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Дуслык – Freundschaft!
22-06-2017 :: Икътисад
Дуслык – Freundschaft!
Ике икең... ун була
8-06-2017 :: Икътисад
Ике икең... ун була








Новости русской версии сайта


Яңа номер

73 (25077)

от 24 июня 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»