Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Җылылык исәпләгеч күңелне җылыта ала

06.04: Җылылык исәпләгеч күңелне җылыта ала

Олег ИРЗА исәпләгеч төзеклеген тикшерә.Олег ИРЗА исәпләгеч төзеклеген тикшерә.Моның өчен нинди шартларны үтәү мөһим?

Торак-коммуналь хуҗалыкны үзгәртеп кору фатир хуҗаларын сакчыллыкка өйрәтте. Капиталь ремонт, гомумйорт ихтыяҗы зур чыгымнар таләп итә. Боларга коммуналь түләүләрне дә өстәсәң, ай саен ярыйсы гына сумма килеп чыга. Мондый хәл-шартларда бер сумны түгел, һәр тиенне янда калдыру да зур әһәмияткә ия. Максатка ирешергә газ, су, электр энергиясе һәм күрсәтелгән башка хезмәтләр өчен исәпләгечләр күрсәткече буенча түләү ярдәм итә. Бу очракта идарәче компанияләр дә, чыганак белән тәэмин итүчеләр дә фатир хуҗаларына һавадан алып бурыч өсти алмый. Җылылык исәпләгечләрнең төзек булуы да квитанциядәге түләүләрнең кискен артуына чик куя ала. Ләкин мондый нәтиҗәгә ирешү өчен уяу булырга һәм кайбер шартларны үтәү мөһим. Башкортстанның Стандартлаштыру, метрология һәм тәҗрибәләр үзәгендә бу хакта яхшы беләләр.


– Җылылык исәпләгечләр күпкат­лы һәр йортта урнаштырылган, – диде Үзәкнең коммуналь хезмәтләр өлкәсендә үлчәү җиһазларын тикше­рү бүлеге җитәкчесе Руслан Әхмәт­җанов. – Җылылыкныкы су исәп-лә­геченнән катлаулырак. Аның җы­лылыкны, торбаүткәргеч аша аккан суны, аның басымын исәпләгечләре дә бар. Дүрт елга бер тапкыр мондый җиһазның төзеклеге тикшерелергә тиеш. Бу эш вакытында башкарылмаса, коммуналь түләүләр арта. Чөн­ки фатир хуҗалары җылылык өчен исәпләгеч буенча түгел, норматив буенча түли башлый. Норматив торба диаметры буенча билге­ләнә. Йортта яшәүче һәр фатир хуҗасының бу исәпләгечнең төзеклеген тикшерергә хокукы бар. Йортка җылылыкның дөрес бирелүен һәркем ачыклый ала. Йортта ай дәвамында сарыф ителгән җылылык күрсәткечен төгәл язып алырга кирәк. Чыганак белән тәэмин итүчегә дә шушы ук күрсәткеч җиткерелергә тиеш. Әгәр дә төрле сәбәп буенча арттырып язылса, фатир хуҗалары коммуналь хезмәтләр өчен тиешеннән артыграк түләячәк. Яңа төзелгән йортларда җылылык исәпләгеч һәр фатирда урнаштырыла. Бу очракта мәшәкатьләр кими һәм бәхәсле сораулар тумый.

Килешергә кирәк, бүген без үз хокукларыбызны белеп бетермибез. Идарәче компанияләр дә, торак-файдалану идарәсе дә, чыганак белән тәэмин итүчеләр дә төпченеп, мәгълүмат таләп итеп йөрүчеләрне колач җәеп каршы алмаячак. Каршылыкларны үтәргә әзер булырга кирәк. Иң мөһиме – күпкатлы йортта яшәүчеләрнең һәммәсе милекче санала. Димәк, җылылык счетчигы да – күпмедер дәрәҗәдә аларның милке. Шулай булгач, аның эшен контрольдә тоту, теләгән мәгълүматны таләп итү хокукына да ия. Фатир хуҗалары исәпләгечнең таныклыгын сорарга хаклы. Әгәр дә йорт норматив буенча түли икән, димәк, счетчик сафтан чыккан. Бу хакта да тиешле документлар тәртиптә булырга тиеш. Чөнки исәпләгечне тикшертү, яңага алыштыру фатир хуҗалары иңенә төшә. Бу юнәлештә дә уйланырга урын бар.

– Бер ел элек тикшерелергә тиешле җылылык исәпләгече алып килделәр. Җиһазның төзек булмавын бер уяу фатир хуҗасы ачыклаган, чөнки чыгымнар кискен арткан. Исәпләгечләрнең төзеклеген тикшер­тү эшенә игътибарлы булу мөһим. Әйтик, Башкортстанның бер районында күпкатлы йортның җылылык исәпләгечен тикшертергә Мәскәүгә җибәргәннәр. Мондый хезмәт өчен фатир хуҗаларыннан 40 мең сум таләп ителгән. Ә безнең үзәктә нибары 8 мең сум булыр иде.

Килешәм, исәпләгечләрне Уфада һәм республиканың башка төбәк­ләрендә дә тикшертергә мөмкин. Бәлки, хакы бездәгедән дә арзанрак булыр. Шул ук вакытта сыйфат турында да онытырга ярамый. Үзәктә счетчиклар өр-яңа “УПСЖМ-150” җиһазында тикшерү үтә. Эшне төгәл үтәргә тиешле программа тәэминат­лары булу да ярдәм итә. Былтыр Бөтенрусия расходометрия фәнни-тикшеренү институты бездәге җиһаз­ны тикшерде һәм икенче эталонга лаек дип тапты. Республикада мондый дәрәҗәдәге җиһаз бүген башка беркемдә дә юк. Шуңа күрә һәркем нәтиҗәне үзе ясасын.

Лабораториягә кереп, республикадагы иң төгәл җиһазларның берсен якыннан күрергә насыйп булды.

– Җиһаз берьюлы дүрт счет­чикның төзеклеген тикшерергә мөмкинлек бирә. Бер исәпләгечкә ким дигәндә өч сәгать таләп ителә. Көн дәвамында барлыгы дүрт счетчик тикшерә алабыз. Сан мөһим булса да, сыйфатка төп игътибар бүленә, – диде үзәкнең техник-метрологы Олег Ирза.

Бүген исәпләгечләрнең төзеклеген тикшерүче шәхси фирмалар да күп. Алар хаклары, хезмәтләндерү тизлеге белән дә җәлеп итәргә мөмкин. Шул ук вакытта, саран икеләтә арттырып түли, дигән әйтемне дә хәтердән чыгарырга ярамый. Югарыда әйтеп үтүебезчә, төзек булмаган исәпләгеч фатир хуҗаларының кесәсенә ярыйсы гына сугачак.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Яшьләр Сколковода
19-04-2017 :: Икътисад
Яшьләр Сколковода








Новости русской версии сайта


sendmail

Яңа номер

48 (25052)

от 25 апреля 2017 Архив номеров газеты






Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»