Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / “Атның даны безнең кулда”

29.12: “Атның даны безнең кулда”

“Атның даны безнең кулда”Яңа елга аяк басарга санаулы гына көннәр калды. Үтеп баручы ел мәктәп укучылары һәм аларга белем бирүче укытучылар тормышына кызыклы һәм мавыктыргыч дәресләр, дәрестән соң оештырылган күңелле чаралар, үзенчәлекле сәяхәтләр, көтелмәгән очрашулар һәм, әлбәттә, ирешелгән уңышлар белән кереп калачак. Уфа районының Алексеевка мәктәбендә белем алучы кызлар һәм малайлар тормышы да быел кызыклы вакыйгаларга бай булды.

Бу уңайдан яңа федераль дәүләт стандартлары буенча белем алучы башлангыч сыйныфлар мәктәптәге үзгәреш­ләр белән аеруча мактана ала. Биредә 1-5нче сыйныф­ларының укудан бушаган вакытын файдалы үткәрү өчен төрле мөмкинлекләр ачылган. Мәктәптә дәрестән тыш эшләр биш юнәлештә алып барыла. Шунысы мөһим, һәр укучы күңеленә ошаган шөгыльне сайлап, үзе теләгән түгәрәккә йөри.

Яңа стандартка ярашлы, башлангыч сыйныфлар өчен оештырылган дәрестән тыш эшләр дә укыту программасына салынган материалларны үзләштерүгә юнәлтелгән. Бездә алар интеллектуаль, спорт-сәламәтләндерү, рухи-әхлакый, мәдәни һәм иҗ­тимагый юнәлештә алып барыла. Балалар бу түгәрәк­ләрдә бик теләп шөгыльләнә, әти-әниләре дә канәгать, — ди директорның укыту-тәрбия эшләре буенча урынбасары Альбина Мөфтиева.

Кечерәкләр “Кызыксынучылар клубы”, “Китаплар дөньясы”, “Уңган куллар” түгәрәкләренә йөрсә, башкалар “Сәламәт бул!”, “Акыллы башлар”, төрле иҗат түгә­рәкләрен сайлый. Әйтергә кирәк, авыл Мәдәният йортында балалар өчен бию, театр түгәрәкләре эшләп килә, андагы музыка мәктәбенә йөрүчеләр дә байтак.

Дүртенчеләр исә сыйныф җитәкчеләре Гөлнара Мө­хәммәтҗанова белән бер­гәләп атлар белән кызыксына башлаган. Атнасына ике тапкыр үткәрелгән “Ат үрчетүчелек” түгәрәгендә бүген 21 бала шөгыльләнә. Алар берничә ай эчендә халкыбызның яраткан хайванкайлары турында шактый мәгълүмат туплаган.

— Түгәрәккә килгәч, Башкортстанда атларның бик яхшы махсус токымнары барлыгын белдек. “Акбузат” ипподромына бардык, анда төрле токымлы атлар белән танышу кызыклы булды. Дагаланган атларны да беренче тапкыр шунда күрдек, хәтта дага да алып кайттык, — дип сөйли түгәрәктә иң актив шөгыль­ләнүче Даша Прываева.

Ат сөюче кызлар һәм малайларга Алексеевка совхозындагы фермага да юл һәрвакыт ачык. Укучылар, шулай ук, кымызның файдалы эчемлек булуын белә. Әти-әниләр белән сөйләшеп, түгәрәктә кымыз белән сыйлану гадәтен дә керткәннәр.

— Республика Башлы­гының мәктәп укучылары үзебезнең халыкка хас шөгыльләрне белеп, өйрәнеп үсәргә тиеш, дигән сүзләрен, Уфа районы мәктәпләре арасында берен­челәрдән булып тормышка ашыра башладык. Кемнәрдер умартачылык белән шөгыль­ләнсә, без халкыбызга борынгыдан бик якын булган акыллы һәм эшчән атларны сайладык, — ди Алексеевка мәктәбе укытучылары.

Шунысы мөһим, Алексеевка укучылары үзенчәлекле башлангычка тотынган. Әлегә алар ул матур һәм акыллы малкайларны яратырга, кадерен белергә өйрәнә, аларның файдалы якларын ачарга тырыша. Киләчәктә бу кызлар һәм малайлар атны оста итеп тәрбияләргә дә, атта чабарга да өйрәнер әле. Ни дисәң дә, алар кечкенәдән белеп, күреп, өйрәнеп үсә.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Сочидан җиңү белән!
25-05-2017 :: Очкын
Сочидан җиңү белән!
Сандугачтай моңлы ул!
27-04-2017 :: Очкын
Сандугачтай моңлы ул!








Новости русской версии сайта


Яңа номер

73 (25077)

от 24 июня 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»