Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / “Кинолы елларымны сагынам”

10.01: “Кинолы елларымны сагынам”

“Кинолы елларымны  сагынам”Бакалы районында “Русия киносы елы” былтыр зурлап билгеләнде. Гыйнвар-апрель айларында “Безнең кинематограф моңнары” дигән халык иҗаты фестивале гөрләп узды. Аның барышында 8000 тамашачы алдында барлыгы 1600гә якын үзешчән сәнгать остасы чыгыш ясады. Аларның иң кечесенә — 4, иң өлкәненә 75 яшь иде. Иҗади коллективлар 9 номинациядә бүләкләнде.

7 июньдә исә “Кино елы”на багышланган республика марафоны штандартын тапшыру чарасы узды. Анда “Башкортостан” киностудиясе режиссеры, Русия Кинематографистлар берлеге әгъзасы Вилүр Исәндәүләтов, шул ук киностудиядән рәссам-куючы, рәссам-мультипликатор Айгөл Бәйрәмголова, Русия Кинематографистлар берлеге әгъзасы Рафаил Сарваев, тавыш операторы Гүзәл Петряева кебек танылган шәхесләр катнашты.

2 декабрьдә исә “Бакалинские зори”-“Авыл таңнары” гәзитенең 85 еллык юбилеенда “Кино. Авыл. Тарих” район конкурсына йомгак ясалды. Җиңүче дипломнары кино хезмәте ветераннарына: Бакалыдан — СССР кинематографиясе отличнигы Игорь Бякшевка, Камышлытамактан — Марсель Раяновка, Дияштән мәдәни эшләрне оештыручы Вениамин Туйдимировка тапшырылды. Шулар арасыннан Марсель Раянов белән без дә якыннанрак таныштык.

— Киноның ниндидер тылсым көче бар бит ул. Элек халык авыл клубында куелучы киноларга агылып йөри иде. Бигрәк тә һинд кинолары аларның күңелләренә хуш килә иде. Кайвакытларда клубта утырырга урын да калмый иде, — дип сагынып искә ала ул елларны Марсель ага.

Марсель Раяновка киномеханик эшен иске бинада урнашкан клубта башлап җибәрергә туры килә. Ул 35 миллиметрлы тасма куела торган “КН-16” маркалы корылма белән эш итә. 1989 елда яңа мәдәният йорты төзелгәч, яңа корылма да алына. Тик бу вакытта инде видеомагнитофоннар барлыкка килү сәбәпле, халыкның кинога булган кызыксынуы кими башлаган була. Хәзер инде ул кинокорылма мәдәният йортындагы музейда экспонат буларак саклана.

— Киномеханик һөнәре читтән караганда гына җиңел кебек. Ә бит уйлап карасаң, безгә кеше ял иткән вакытларда — кичләрен һәм ял көннәрендә эшләргә туры килә иде. Ул елларда хатыным Зилә Әхкәметдин кызының да ярдәме зур булды, ул билет сатучы вазыйфасын башкарды. Кичләрен гел эштә үткәрсәк тә, шөкер, балалар бик итагатьле һәм тәүфыйклы булып үсте, йөзгә кызыллык китермәделәр. Әнә шунысына куанып бетә алмыйбыз, — ди Марсель ага.

Марсель Раянов, киномеханик булып эшләүдән тыш, комбайнчы һөнәрен дә башкара. Хәзер инде ул хаклы ялда. Телевизор каршына кино карарга утырган саен киномеханик булып эшләгән чакларын сагынып искә ала.

— Русиядә “Кино елы” игълан ителүен ишетү белән үк, нәрсәнедер алдан сизенгәндәй, йөрәк җилкенеп куйган иде. Тикмәгә булмаган икән. “Кино елы”нда “Кино. Авыл. Тарих” конкурсында җиңүем барлык гаиләбез өчен зур сөенеч булды. Шушы конкурсны уйлап тапкан һәм оештырган һәммә кешегә ихлас рәхмәтләремне белдерәм, — ди Марсель ага.

Без дә аны шушы җиңүе белән ихлас күңелдән котлыйбыз, исәнлек-саулык, тигез һәм тыныч тормыш телибез.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



“Йолдыз”лы күргәзмә
24-11-2016 :: Русия киносы елы
“Йолдыз”лы күргәзмә
“Яшел планета”  яшәячәк!
27-10-2016 :: Русия киносы елы
“Яшел планета” яшәячәк!
Туган яктан илһам алган
27-09-2016 :: Русия киносы елы
Туган яктан илһам алган
“Аксакал корына җиткерергә кирәк!”
27-08-2016 :: Русия киносы елы
“Аксакал корына җиткерергә кирәк!”
Онытылмый ул дәвер...
23-08-2016 :: Русия киносы елы
Онытылмый ул дәвер...
Кино килгән, кино!
16-08-2016 :: Русия киносы елы
Кино килгән, кино!
Объективта —  тормыш үзе!
9-08-2016 :: Русия киносы елы
Объективта — тормыш үзе!
Һәр буын өчен  мавыктыргыч сәнгать
23-06-2016 :: Русия киносы елы
Һәр буын өчен мавыктыргыч сәнгать








Новости русской версии сайта


Яңа номер

96 (25100)

от 19 августа 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»