Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Авыл сәхнәсенең җаны ул!

28.04: Авыл сәхнәсенең җаны ул!

Авыл сәхнәсенең җаны ул!Ринат Мәҗитов җитәкчелегендә Иске Кыргыз мәдәният йортында рухи тормыш кайнап тора.

Авыл халкының мәдәниятен үстерүдә, аның сәнгатькә булган ихтыяҗын канәгатьләндерүдә мәдәният йортлары мөһим эш башкара. Бу җәһәттән районыбызның Иске Кыргыз модельле мәдәният йорты хезмәткәрләренең эш алымнары игътибарга лаек. Үткән Мәдәният елында авылның мәдәни тормышы гөрләп торды. Агымдагы елда да мәдәни эшләр үз югарылыгында дәвам итә. Аның уңышлы баруында мәдәният йорты оештыручысы, Башкортстанның атказанган мәдәният хезмәткәре Ринат Мәҗитовның өлеше зур. Ул һәр эшне җиренә җиткереп башкара.


— Авыл сәхнәсен фәһемле чаралар бизәсен, халыкның күңеле күтәренке булсын дип янып йөрибез. Үткән елда республика “Ауаз” башкорт этник мәдәнияте һәм бүгенге сәнгате республика фестивалендә уңышлы чыгыш ясадык. Безнең “Агыйдел таңнары” халык эстрада-фольклор ансамбле өченче урын яулады һәм диплом белән бүләкләнде. Авы­лыбызның аксакалы, Русиянең һәм Башкортстан­ның атказанган укытучысы, гомере буе бию сәнгатен үз иткән Сәгыйть Муллахмә­тов­ны хөрмәтләп әзерләнгән “Гомер йомгагын сүткәндә” әдәби-музыкаль кичәсе дә бик матур үтте. Быел районда оештырылган “Җиңү салюты” смотр-конкурсында безнең коллективның бию, егетләрнең вокаль һәм халык уен кораллары ан­самбль­ләре чыгышлары финалга сайлап алынды, — дип хезмәт уңыш­лары белән бүлеште Ринат.
Райондашларыбыз арасында булдыклы җитәкче, талантлы һәвәскәр композитор, оста музыкант, моңлы җырчы булып танылган Ринат Мә­җитов хезмәт юлын 1978 елда авыл клубында башлый. Стәрлета­мак мәдәни-агарту училищесына укырга керә. 1982 елда, укуын тәмамлап кайткан яшь белгечкә ышаныч күрсәтеп, аны авыл клубы мөдире итеп тәгаенлиләр. Шул елларда Иске Кыргыз авылы мәдәният учагының эшчән­леге җанланып китә.
— Халыкның ялын оештыруга көчемне кызганмыйм. Бәйрәмнәр үткәрүдә үзебезнең җирлектәге материалларга таянып эш итәбез. Фольклор, вокал, драма, бию түгәрәкләре уңышлы эшли. Авыл клубында эшләү җиңелдән түгел. Сценарий язучы, режиссер, музыкаль яктан бизәүче, алып баручы да булырга, халык белән уртак тел табып, аны төрле мәдәни чараларга җәлеп итә белергә кирәк, — ди Ринат Имамнур улы.
Авыл күрке булып торган мәһабәт бинада мәктәп, китапханә, клубның бергә урнашуы бар яктан да уңайлы. Мәктәптәге сыйныфтан тыш чаралар да Ринатның ярдә­меннән башка узмый. Иҗади эзләнүләр юлында башкарган эшеннән ямь, тормыштан тәм табып яшәүче җитәкче — шушында ук урнашкан туган якны өйрәнү музеен оештыруга, аны саклауга күп көч салган шәхес.
Күптән түгел район үзә­гендә, шулай ук Иске Кыргызда якташыбыз, танылган татар язучысы Хәсән Сарьян­ның тууына 85 ел тулуга багышланган зур чаралар үтте. Мәртәбәле кунакларны тиешле дәрәҗәдә каршы алуда, Иске Кыргыз мәдәният учагында шаулап-гөрләп үткән “Үз илендә кабат туа Сарьян, бүтән китмәс өчен туа ул...” дигән әдәби-музыкаль кичәне оештыруда, аны музыкаль яктан бизәүдәге Ринат Имамнур улының роле зур булды. Бигрәк тә Уфадан, Казаннан, Дүртөйледән килгән әдипләрне бай эчтәлекле музей, аның туган як тарихына, Бөек Ватан сугышы истәлекләренә, сугыш һәм тыл ветераннарының батырлыгына, якташ язучыларга кагылышлы бөртекләп җыел­ган экспонатлар, күргәзмә залының торышы, андагы тәртип таң калдырды.
— Музейда укучылар еш була. Монда “Батырлык дәрес­ләре”, ветераннар белән очрашулар, сыйныф сәгатьләре үтә. Күрше авыллардан да киләләр. Бары тик үткәнен белгән халыкның гына килә­чәге бар, ди халкыбыз. Борынгы тормыш-көнкүреш әйбер­ләре, савыт-саба, элекке милли киемнәр халкыбызның яшәү рәвеше, катлаулы үткәне турында сөйләсә, һәр сугыш коралы, каска, фляга, кашык кебек шәхси әйберләр шанлы тарихыбыз, аяусыз сугыш еллары, совет сугышчыларының тиңсез батырлыгы хакында төшендерә. Боларның барсын да киләчәк буын үз күзләре белән күрергә тиеш, — ди зур ышаныч белән Ринат Имамнур улы.
Әйе, халык хөрмәтен тынгысыз хезмәт нәтиҗәсендә генә яуларга мөмкин. Килә­чәктә дә кешеләргә рухи азык өләшүче Ринат Мәҗитовка, аның белән бергә эшләүче мәдәният хез­мәткәрләренә уңышлар телибез.

Зәлифә КАШАПОВА,
Башкортстан Язучылар, Русия һәм Башкортстан
Журналистлар берлекләре әгъзасы.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Татарстанда драматурглар семинары үтте
Сегодня, 14:20 :: Мәдәният һәм сәнгать
Татарстанда драматурглар семинары үтте
Кечкенә йолдыз
22-07-2017 :: Мәдәният һәм сәнгать
Кечкенә йолдыз
Сергей Безруков Башкортстан героен уйнаячак
21-07-2017 :: Мәдәният һәм сәнгать
Сергей Безруков Башкортстан героен уйнаячак
"Маскерадъ"ка без дә шат!
20-07-2017 :: Мәдәният һәм сәнгать
"Маскерадъ"ка без дә шат!
Республика турында фильм төшерелә
20-07-2017 :: Мәдәният һәм сәнгать
Республика турында фильм төшерелә
Бүләкле сезон булды
20-07-2017 :: Мәдәният һәм сәнгать
Бүләкле сезон булды
Владимир Спиваков чакыра!
19-07-2017 :: Мәдәният һәм сәнгать
Владимир Спиваков чакыра!
Баймакта башкорт яшьләре җыены узачак
19-07-2017 :: Мәдәният һәм сәнгать
Баймакта башкорт яшьләре җыены узачак








Новости русской версии сайта


Яңа номер

85 (25089)

от 25 июля 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»