Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Аның моңы әсир итә!

25.11: Аның моңы әсир итә!

Аның моңы әсир итә!Район сәхнәсе аша халкыбыз күңеленә бу җырчылар — милли рухыбызны саклаучы, олы йөрәкле шәхесләр бер дәвердә килеп керде. Аларның башкару осталыгы да, репертуары да үзенчәлекле, милләтебезгә, яшь буынга хезмәт итү үрнәге булып тора. Эльвира Гәрәева (табиб), Рәзидә Әхмәтова (укытучы) һәм Руслан Халиков, соңгы елларда дәрәҗәле конкурсларда жиңүләр яулап, районда сәнгать һәм мәдәният үсешенә лаеклы өлеш кертте һәм кертә.


Бүген сүз тамашачыбыз яратып өлгергән Руслан Халиков турында. Хезмәтем буенча еш кына Руслан Халиковның җыр бишеген тибрәткән гаиләсендә булырга, концертлардан соң аралашырга туры килә. Аның аһәңле җыр­ларын тыңлау күңелләрне җы­лытып җибәрә.
Сәхнәгә юллар урау. Башкортстан дәүләт аграр универ­ситетының биотехнология факультетын тәмамлый Руслан. Анда җәмәгать эш­ләрендә актив катнаша, “Яшьлек” халык вокал ансамб­лен­дә үзен уңышлы гитарачы буларак та таныта. Җи­тәк­чесе Софья Лившицка рәхмәтле ул. Үзешчән композиторлар белән иҗади бәйләнеш корган университет Русланны сизелерлек би­еклеккә күтәрә. Төрле концертларда катнаша егет. Екатеринбург, Уфа сәхнәләре аңа тамашачы сөюен тоярга, изге теләкләр ишетергә мөмкинлек бирә. Районга кайтканда яшь җырчы Руслан Халиков сәхнәгә бик теләп чыга. Моңлы, үзенчәлекле лирик баритон тавышы белән күпләрне әсир итә. Гитарачы Руслан Халиковны Николай Родионов житәкчелеген­дәге районның халык музыка кораллары ансамбленә чакыралар. Ул музыка теориясен үзаллы үзләштерә. Сәхнәдә үзен бик гади, табигый тота. Район хорында солист буларак актив катнаша. Үзенең репертуарына киң билгеле “Язның унҗиде мизгеле” фильмыннан берничә саунтрек кертә. “Мизгелләр”, “Ерактагы Ватан турында” җыр­ларын аһәңле, йөрәк өзгеч итеп башкара. Минем үземә Салават Юлаев исемен­дәге премия лауреаты Нур Даутовның “Туган илем, газиз җирем” җырын башкаруы ошый. Йөрәк­ләргә үтеп керә торган җыр!
2010 елда төньяк районнары сәнгать осталарының “Яшь тавышлар” конкурсында Гран-при яулады егет. Классик җырлардан Федор Шаляпинның “Вдоль по Питерской” җырын башкарды һәм отты. Репертуарны дөрес сайлау — уңышның яртысы. Руслан — киң диапазонлы җырчы. Талантын 2011 елда Дүртөйле шәһәрендә үткән “Туган тел” татар җырларын башкаручылар конкурсы ачык күрсәтте. Татар халык җыры “Алмагачларым”ны яңгы­ратты ул. Үзенчәлекле, кабат­ланмас итеп, иҗади эзлә­нүләр җимеше сыйфатында тәкъ­дим итте аны. Идрис Газиев, Рәсим Низамов, Алик Локманов, Нәзифә Кадыйро­ваның югары бәһасен алды якташыбыз, ул бәйгенең Гран-при бүләгенә лаек булды.
Бөре шәһәрендә булган бер вакыйга хәтеремдә уелып калган. Шыгрым тулы залда — төрле буын вәкилләре. Бөек Җинүнең 65 еллыгына багышланган төбәкара конкурс бара. Балтач районыннан килгән 100 кешелек хорга кушылып, Руслан Халиков “Поклонимся великим тем годам” җырын башкара. Җыр илебез батырларына ода рәвешендә горур яңгырый. Беренче куплеты тә­мам­лануга залдагы барлык ветераннар, тол калган чал чәчле апалар, башка районнардан килгән конкурсантлар, жюри әгъзалары бер миз­гелдә торып басты, җыр тәмамланганчы аягүрә калдылар. Руслан, хор белән бербөтен булып, илаһи көч, үтә зур осталык белән җырны башкарып чыкты. Ватан­пәрвәрлек рухы, тембр, иҗади осталык залга бердәмлек һәм җиңүчеләргә мәңгелек дан тойгысы булып яңгырады.
Бүген Руслан сәхнәдә үз урынын тапкан популяр җырчы. Башка районнарда, Казан һәм Екатеринбург шәһәрләрендә Башкортстан исеменнән уңышлы чыгыш ясады, анда яшәгән якташ­ларыбызның күңел дәрьясын тибрәтте: туган якның хуш исле мәтрүшкәле болыннарын, чел­терәп аккан көмеш сулы йөгерек чишмәләрен искә төшерде.
Җырчы буларак Руслан күзгә күренеп үсә, камилләшә, гастроль­ләр географиясе киңәя. Салават шәһәрендә үткән Салават җы­енында, Уфа “Нур” татар дәүләт театрында “Кызыл таң”­ның җыр­лы кичләре”ндә уңышлы чыгыш ясаганнан соң, халык аны үзенең җырчысы итеп таныды, тавышына гашыйк булды. Үзен коллегалары да, тамашачы да хөрмәт итә. Мәдәният елы алдыннан Эльвира Гәрәева белән зур концерт программасы тәкъдим итте. Русланның җырлан­маган җыр­лары алда әле. Аңа уңышлар телик! Дөнь­ялар моңга тулсын.

Ханис Хаҗимов,
Русия һәм Башкортстан
Журналистлар берлеге әгъзасы.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Татарстанда драматурглар семинары үтте
Сегодня, 14:20 :: Мәдәният һәм сәнгать
Татарстанда драматурглар семинары үтте
Кечкенә йолдыз
22-07-2017 :: Мәдәният һәм сәнгать
Кечкенә йолдыз
Сергей Безруков Башкортстан героен уйнаячак
21-07-2017 :: Мәдәният һәм сәнгать
Сергей Безруков Башкортстан героен уйнаячак
"Маскерадъ"ка без дә шат!
20-07-2017 :: Мәдәният һәм сәнгать
"Маскерадъ"ка без дә шат!
Республика турында фильм төшерелә
20-07-2017 :: Мәдәният һәм сәнгать
Республика турында фильм төшерелә
Бүләкле сезон булды
20-07-2017 :: Мәдәният һәм сәнгать
Бүләкле сезон булды
Владимир Спиваков чакыра!
19-07-2017 :: Мәдәният һәм сәнгать
Владимир Спиваков чакыра!
Баймакта башкорт яшьләре җыены узачак
19-07-2017 :: Мәдәният һәм сәнгать
Баймакта башкорт яшьләре җыены узачак








Новости русской версии сайта


Яңа номер

85 (25089)

от 25 июля 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»