Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Алты якта – алты гөл

29.09: Алты якта – алты гөл

Алты якта – алты гөлУфа “Нур” татар дәүләт театры яңа сезонны ачты.

Яңа сезон ачу һәр театр коллективы өчен зур дулкынландыргыч вакыйга. Аны тамашачы да зур түземсезлек белән көтеп ала. Быел да җәй айларында тамашага сусап өлгергән халык театрга шәһәрнең төрле ягыннан агылды...

Хәер, 25нче сезонны “Нур”лылар бәйрәмчә күтәренке рухта ачып җибәрде. Фойеда – тамашачыны җыр-бию, сәхнәдә заманча вакыйгаларга корылган тамаша көтеп алды. Әйтергә кирәк, Т. Миңнуллин­ның иҗатына мөрәҗәгать итү очраклы түгел. “Нур”лылар аның әсәрләрен сәхнәләштерүгә зур урын бирә. Чөнки бу авторның иҗаты – үзе зур бер дөнья. Андагы тематик төрлелек һәм жанр байлыгы һәммәбездә соклану уята. Драматургның әсәрләре аеруча шәхесне өйрәнергә, аның төрле төсмерләрен, рухи дөньясын ачарга ярдәм итә. Шуңа аның геройлары тормышчан, үзенчәлекле холыклы булуы белән аерылып тора.


“Алты кызга бер кияү” спектаклен театрның баш режиссеры, Башкортстанның һәм Татарстанның атказанган сәнгать эшлеклесе Байрас Ибраһимов июнь аенда сәхнәгә чыгарган иде. Аны сезонны ачуга куеп “Нур”лылар уңды, чөнки комедия тамашачы күңеленә хуш килде. Артык катлаулы сюжетка корылмаган булса да, бу көнне ул кирәкми дә иде, театр мохитенә тамашачыны җиңел генә алып кереп китте. Спектакльнең үзенчәлеге – анда яшәеш, замандашларның характерын һәм эчке дөньясын күреп хушлану.

Вакыйгалар бухгалтериядә бара. Андагы эш бертөрле, күңелле хәлләргә урын юк кебек. Әмма биредә алты хатын-кыз һәм бер ир-ат эшли. Мондый җирдә бөтен нәрсә икенчерәк икән. Өстәвенә, героебыз бик җор телле, мәзәкчән һәм киң күңелле булып чыкты. Алты хатын-кызның да аны үзенеке итәсе килә, ә ул бирешми, барысын да шаяртуга бора. Башкортстанның атказанган артисты Рушат Мөдәрисов бу рольне бик оста башкарды. Хатын-кыз рольләрен башкарган сәхнә алиһәләреннән дә бу көнне күзне алырлык түгел иде. Залда утыручылар арасында тамашаның эченә кереп китеп: “Әйе, шул!..” дип төп геройның сүзенә кушылып китүләре, спектакльне тагын да җанландырып җибәрде.

Әйе, сәхнәдә беренче карашка гади генә нәрсәләр турында сүз барса да, һәр диалогта кешене аңлау, аның серле дөньясын ачуга омтылыш ясала. Язмыш тарафыннан кыерсытылган һәм күп очракта гаилә йөген ялгызы тарткан хатын-кызларның назлы сүзгә дә, тәмле телгә һәм урынлы киңәшкә мохтаҗ булып яшәгәннәре аз түгел. Аларны сүз белән юатучы геройның тормышы да ал да гөл түгел икән. Чөнки ул бик күп еллар авыру хатынын тәрбияли, әмма бу хакта хезмәттәшләренә сөйләми. Болар спектакльнең ахырында гына ачыклана. Авторның фәлсәфәсе, тормыш материалына таянып, яшәешнең мәгънәсен аңлауга корылган.

Спектакль, әлбәттә, бик моңсу тоелыр иде. Әмма ул музыкаль яктан бик матур бизәлгән, җыр-моң белән үрелеп бара. Монда Башкортстанның атказанган сәнгать эшлеклесе, композитор Ришат Сәгыйтов һәм җыр сүзләре авторы Илдус Фазлетдиновның хезмәтен билгеләп үтәргә кирәк. Сәхнә бизәлеше һәм костюмнар да рәссам, Русиянең “Алтын битлек” премиясе лауреаты Альберт Нестеров тарафыннан зәвык белән, заманча эшләнгән.

Театр залыннан чыкканда: “Спектакль ошадымы?” дигән сорауга: “Мондагы театраль мохит ошамый мөмкин түгел!”, “Рәхәтләнеп тамаша кылдым һәм ял иттем”, “Бу театрга беренче килүем, хәзер инде йөриячәкмен...”, “Бүген чын бәйрәм булды!” кебек җаваплар ишеттем. Ә халык сүзе хак ул...


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Тәрҗемәчеләр бүләкләнде
27-05-2017 :: Мәдәният һәм сәнгать
Тәрҗемәчеләр бүләкләнде
Яңавылда "Гармун фестивале" ачыла!
25-05-2017 :: Мәдәният һәм сәнгать
Яңавылда "Гармун фестивале" ачыла!
Егетләр шатлык өләшә
25-05-2017 :: Мәдәният һәм сәнгать
Егетләр шатлык өләшә
Халыкара балет фестивале ачылды
25-05-2017 :: Мәдәният һәм сәнгать
Халыкара балет фестивале ачылды
Яңгырады курай моңнары
25-05-2017 :: Мәдәният һәм сәнгать
Яңгырады курай моңнары
“Туйганчы җырлыйсым килә!”
23-05-2017 :: Мәдәният һәм сәнгать
“Туйганчы җырлыйсым килә!”
Наташа Королева терсәген тешли.
23-05-2017 :: Мәдәният һәм сәнгать
Наташа Королева терсәген тешли.








Новости русской версии сайта


Яңа номер

61 (25065)

от 27 мая 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»