Кызыл таң » Кызыклы яңалыклар » 19-03-2017: Чикерткә ашарга әзерсезме?

Чикерткә ашарга әзерсезме?

Чикерткә ашарга әзерсезме?“Башинформ” агентлыгы хәбәр итүенчә, Русия Федерациясе Президенты каршындагы Башкортстанның Мәскәүдәге Тулы вәкаләтле вәкиллегендә республика эшкуарлары Израильдәге коллегалары белән эшлекле очрашу үткәргән. Якташларыбызга анда чикерткә үрчетергә тәкъдим ителгән.

Израильнең «Steak TzarTzar» (“Чикерткәләрдән стейк”) компаниясе вәкилләре мондый бизнесны бик отышлы дип саный. Бөҗәкләр махсус экологик фермаларда үстерелә. Аларны протеиннан ризыклар, эчемлекләр җитештерүче компанияләр чират торып ала. Алардан алынган компонентларны кушып җитештерелгән продукция – спортчыларның алыштыргысыз ризыгы.
Үзенчәлекле бизнес безнең җирлектә дә тернәкләнерме? Монысын вакыт күрсәтер. Шунысы да мәгълүм булсын: чикерткә аксымга, протеинга, витаминнарга һәм минералларга бик бай икән. Кем белсен, киләчәктә, бәлки, чикерткәдән җитештерелгән ризыклар ашарга да туры килер.

Кире күчергәБасып чыгарырга