Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Уңышлар яңа үрләргә әйди

29.08: Уңышлар яңа үрләргә әйди

Уңышлар яңа үрләргә әйдиБлаговар районы укытучылары
узган уку елына йомгак ясады, алдагы чорга бурычлар билгеләде.

Биредәге мәгариф челтәре бай традицияләргә ия, аның саллы казанышлары бар. Мәгариф хезмәткәрләренең зур җыены да моны раслады. Яңа уку елы алдыннан укытучылар, мәктәпкәчә учреждениеләр хезмәткәрләре узган чордагы эшчәнлеккә йомгак ясап, ирешелгәннәрне барлады, тоташ мәгариф челтәре, педагогик коллективлар алдында торган көнүзәк бурычларны тикшерде, проблемаларны хәл итү юлларын билгеләде.


Конференциянең пленар утырышында район хакимияте башлыгы Юрий Коземаслов мәгарифне үстерү, аның матди-техник нигезен ныгыту, гому­ми белем бирү мәктәп­ләренең һәм балалар бакча­ларының көндәлек эшчәнле­ге хакимият­нең һәрдаим игътибар үзәгендә торуын ассызыклады. Гомумән, мәга­риф учреждение­ләренең уңышлы эшләве — район бюдже­тның социаль юнәлешле булуы нәти­җәсе. Икътисади-финанс авырлыкларга карамастан, соңгы чорда мә­га­рифкә акча арттырыла. Мәсә­лән, тоташ бюджет чыгымнарында мәга­риф өлеше 2014 елда 56 процент тәшкил итсә, агымдагы елда ул 58 процентка күтәрел-гән. Шулай итеп, мә­гариф өл-кә­сенә 2015 елда 293 миллион сум юнәлтелә.
Район хакимияте башлыгы мәгариф хезмәткәр­ләренең уртача эш хаклары­ның даими арттырылуын да билгеләде. 2014 ел буенча ул 26 мең 991 сум тәшкил иткән, ягъни алдагы үсеш 20 процент булган. Мәктәпкәчә учреждениеләр челтәрендә уртача айлык хезмәт хакы 16 мең 622 сум дәрәҗәсендә, өстәмә белем бирү педагогларыныкы – 18 мең 667 сум. Әйтергә ки­рәк, хезмәт хак­ларының үсеше сизелерлек. Моннан тыш, районда мәга­риф хезмәткәр­ләре­нең эш шартларын яхшырту буенча да күләмле чаралар күре­лә, бу да, үз чиратында, финанслар салуны сорый.
Бюджет акчасын янга кал­дыру киң колач алган шарт­ларда да район хакимияте мәгариф учрежде­ние­ләрен яңа уку елына әзер­ләүгә средстволар таба ал­ган. Иң беренче чиратта, район белән ныклы хезмәт­тәшлектә торучы Дәүләт думасы депутаты Ән­вәр Мәхмүтов, Дәүләт җые­лышы-Корылтай депутатлары Альберт Әхмәтшин, Вадим Зәй­нул­линның финанс ярдә­мен билгеләү мөһим. Гомум тырышлык нәтиҗәсендә мәк­тәп­­ләр һәм балалар бакчала­рының һәммәсе дә яңа уку елын яхшы әзерлектә каршы ала. Бер сүз белән әйткәндә, мәгариф челтәренә зур күләм­дә финанслар салына, эш хаклары күтәрелә, ә шушы уңай үзгәрешләр тармак­ның нәти­җәлелегенә китергәнме соң? Район мәгарифенең бүгенге торышы заман таләпләренә туры киләме? Әлеге җитди сорауларга җавап рәвешендә конференциядә анык мисаллар китерелде. Район үзәге Языково авылында 110 урынга исәпләнгән балалар бакчасын файдалануга тапшырылу иң зур казанышларның берсе булып тора. Нәтиҗәдә, үткән уку елында бакчаларга 3-7 яшь­тә­ге балалар чиратлары бетерелде. Әмма бу юнәлештә эшлисе бар әле. Көнүзәк бу­рыч­ларның берсе сыйфатында гомум белем бирү мәктәп­ләрендә мәктәп­кәчә төркемнәр ачу билге­ләнде.
Мәктәпләрдә профильле укыту, заманча технологияләр кертү, укыту процессын камил­ләштерү, Бердәм дәүләт имтиханы нәтиҗәләре, төрле фәннәр буенча олимпиадаларда катнашу – болар барысы да педагоглар җыелы­шының игътибар үзәгендә булды.
Районның мәгариф чел­тәрендә өстәмә белем бирү учреждениеләрен саклап калу үзенең матур нәтиҗә­ләрен бирә. Әйткәндәй, алар йөк­лә­телгән бурычларны үтәүдән тыш, күп кенә башлангычлары белән районны республика күләмендә дә танытты.
Мәгариф бүлеге җитәкче­се Зәбит Ишмәтов үткән уку елына йомгак ясап, бу чорда белем бирү тармагы үсешендә ныклы адым ясалуын билге­ләде.
— Былтыргы август ки­ңәшмәсендә без белем бирү сыйфатын яхшырту мәсьә­ләләрен тикшерсәк, быел исә мәгариф челтәрен заман таләп­лә­ренә ярашлы үстерү­нең төп юнәлешләрен билгелибез, — диде ул. — Тоташ ал­ганда, бу элекке теманың да, эшчәнлекнең дә дәвамы булып тора.
Районның мәгариф тармагын 18 гомум белем бирү, 21 мәктәпкәчә, 4 өстәмә белем бирү учреждениесе һәм балалар савыктыру лагере тәшкил итә. Мәктәпләрдә 2754 бала укый, бакчаларда 1021 сабый тәрбияләнә.
Үткән уку елының төп нә­тиҗәсе булып чыгарылыш сыйныф укучыларының Бер­дәм дәүләт имтиханнарын уңышлы тапшыруы һәм үзаллы тормыш юлына чыгуы тора. Урта мәк­тәп­не 138 укучы тәмам­лады, алар барысы да дәүләт имтиханнарын уңышлы тапшырды. 16 укучы мәктәпне медальгә тәмамлады. Шунысы игътибарга лаек, быелгы чыгарылыш укучыларының 60 процентка якыны югары уку йортларына кергән. Үткән ел бу күрсәткеч 48 процент кына тәшкил иткән.
Тугызынчы сыйныфны 243 укучы тәмамлады, алар­ның барысы да дәүләт йомгаклау имтиханына кертелде.
Мәгариф бүлеге укытучы­ларның белемнәрен камил­ләш­терү юнәлешендә зур эшчәнлек алып бара. Әлеге максатта республиканың махсус һөнәри уку йортлары, шулай ук районның методик бер­ләшмәләре мөмкинлекләре нәтиҗәле файдаланыла. Район мәктәпләре базасында предметлар буенча семинарлар, педагогик укулар үткәрү матур гадәткә әверелде. Аларда республика күләмендә билгеле педагоглар да еш кына чыгыш ясый. Атап әйткәндә, Языково урта мәктә­бендә директорлар өчен мәга­рифне үстерү институты доценты И. А. Гайнуллин катнашлыгында өйрәнү семинары уңышлы килеп чыкты.
Төбәк мәктәпләрендә бай тәҗрибәгә ия булган, алдынгы карашлы, яңа методологик технологияләрне нәтиҗәле кулланучы укытучылар бихисап. Аларның тәҗрибәсен тоташ район күләмендә куллану максатында сыйныф сәгать­ләре, һәртөрле педагогик чаралар даими оештырыла.
Узган уку елында 57 педагог, аттестация үтеп, беренче квалификация катего­риясенә ия булды, 21 укытучыга югары категория бирелде.
Укытучы һөнәренең абруен күтәрү, иҗади эшләүче педагогларны ачыклау максатында “Ел укытучысы” конкурсы да үзенең нәтиҗәләрен бирә. Быелгы чарада 11 педагог имтихан тотты, югары исемгә исә Дмитриевка мәктә­бенең математика укытучысы Юлия Салихова лаек булды. Ул “Ел укытучысы-2015” республика конкурсында чыгыш ясады. Таң мәктәбе укытучысы Зенфира Кинҗәбаева башкорт теле укытучылары арасында республика бәй­гесендә район данын яклады.
Гомумән, районның мә­гариф тормышы республика, Русия киңлекләрендә дә киң чагылыш таба. Республика дәрәҗәсендә нәтиҗәле хез­мәте белән күптән танылу алган район педагоглары бер­ни­чә ел дәвамында марканы югары тота.
Мәгариф бүлеге мөдире педагоглар җыелышында уку-укыту өлкәсендә Благовар районы укытучылары, укучылары яулаган биеклек­ләр­не исемләп атады, һөнәри бәйгеләрдә, олимпиадаларда җиңүче­ләр­нең исемнәрен яңгыратты. Бик тә урынлы булды бу, чөнки бо­лар барысы да педагогик кол­лективларның хезмәт җи­мешләре. Нәтиҗәле эш лаеклы бәһаланса гына янә дә фидакарь хезмәткә әйди.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Уфа кызы Сочида чыгыш ясый
Сегодня, 14:48 :: Җәмгыять
Уфа кызы Сочида чыгыш ясый








Новости русской версии сайта


Яңа номер

84 (25088)

от 22 июля 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»