Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Балаларны саклау - мөһим бурычыбыз!

26.09: Балаларны саклау - мөһим бурычыбыз!

Балаларны саклау - мөһим бурычыбыз!Уфадагы коточкыч фаҗига җәмгыятебезгә зур кисәтү булып яңгырады.

Мәгълүм булуынча, атна коточкыч вакыйга белән башланып китте. 21 сентябрьдә Уфада 11 яшьлек Виолетта Токарчук мәете табылды. Башкалабызның Совет районында яшәүче бишенче сыйныф укучысы Беляков урамы буенча 96нчы лицейга юл тоткан. Кызганычка каршы, мәктәпкә барып җитә алмаган. Аның мәетен Пархоменко урамында гаражлар арасында тапканнар. Илне тетрәндергән җинаять урынына тикшерү-оператив төркемнән тыш, Башкортстан Республикасы буенча эчке эшләр министры, полиция генерал-лейтенанты Михаил Закомалдин да килде. Җинаять эше кузгатылды һәм җинаятьчене эзләү башланды.


Җанөшеткеч вакыйгага җәмәгатьчелек битараф калмады.

— Уфа урамында бер гаепсез бишенче сыйныф укучы­сының башына җитүче йөри, — дип белдерде 22 сентябрьдә үзенең Интернеттагы блогында Русия Президенты каршындагы Бала хокуклары буенча вәкил Павел Астахов. — Аны табарга һәм хөкем итәргә кирәк. Бала вакытында мәктәпкә килеп җитми икән, бу хакта әти-әниләргә хәбәр итеп, сәбәбен ачыкларга кирәк.

Шул ук көнне респуб­л­ика­ның мәгариф министры Әлфис Гаязов муниципаль район­нарда һәм шәһәр округларында мәгариф өлкә­сенә идарә итүче урындагы үзидарә җитәкчеләре белән киңәшмә үткәрде. Анда мәктәп эчендә генә түгел, урамда вакытта да балаларның хәвеф­сезлегенә игътибарны арттыру зарурлыгы сызык өстенә алынды.
— Балалар педагогларның гына түгел, әти-әниләрнең дә күзәтүе астында булырга тиеш, – диде министр. – Әйе, мәктәптә алар педагогларның игътибар үзәгендә. Ә менә мәктәптән тыш вакытта гаилә җавап­лы­лыгын арттыру зарур. Барыбыз да игътибарлы булган­да, күңелсез хәлләргә чик куелачак.

Башкортстанда Бала хокуклары буенча вәкил Милана Скоробогатова вакыйгага карата үз фикерен белдерде.
— Сакланган гына якланган, дип юкка әйтмиләр. Берен­чедән, әти-әниләр балаларына чит һәм таныш булмаган кешеләр белән бәйләнешкә керергә ярамаганлыгын аң­латырга тиеш. Иң мөһиме — дистанция саклау. Хәвефле хәл килеп чыккан очракта кычкыру гомерне саклап калырга мөмкин. Бу хакта баланың исенә төшереп торырга кирәк. Таныш булмаган урынга әти-әни белән килешкәч кенә бару мөһим. Мәктәпкә йөрүче бала­сының хәвефсезлеге өчен әти-әни җаваплы. Ул баласы белән белем учагына барырга, га­дәттән тыш хәлдә нәрсә эшләргә кирәклеген аңлатырга бурычлы, — диде балалар омбудсмены.

Шул ук вакытта, тикшерү эшләре дәвам итте. Җинаять урыныннан алынган әйберләр энә күзеннән үткәрелде. Башкортстан Республикасы буенча Эчке эшләр министрлыгының Эксперт-криминалистика үзәге хезмәткәрләре җинаять һәм административ җаваплылыкка тарттырылган миллионнан артык кешене өйрәнгән. Тик­шеренү нәтиҗәләре буенча, гаепләнүченең генотибы ачыкланган. Генотип Башкортстан Республикасы буенча Эчке эшләр министрлыгының мәгъ­лүмат базасындагы мәгъ­лүматлар белән тәңгәл килгән. Җинаятьче моңа кадәр көч­ләгән өчен төрмәдә утырып чыккан 36 яшьлек уфалы булып чыккан. Аның яшәгән урыны ачыкланган. 24 сентябрьдә оператив хезмәткәрләр җи­наятьчене “Үзәк базар” җә­мәгать транспорты тукталышы янында кулга алганнар.

P.S. Җинаятьче кулга алынган көнне Виолетта Токарчукны соңгы юлга озаттылар. Туганнарыннан, сыйныфташларыннан тыш, аның белән хушлашырга вакыйгага битараф булмаган уфалылар да җыелды. 24 сентябрьдә көн аеруча кояшлы, җылы торды. Әйтерсең дә табигать мәңгелеккә салкын җир куенына керәсе кызны җылытып калырга ашыкты...


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Балалар ялы - дәүләт игътибарында
Сегодня, 14:56 :: Җәмгыять
Балалар ялы - дәүләт игътибарында
Аларга ышанабыз бит!
Сегодня, 12:35 :: Җәмгыять
Аларга ышанабыз бит!
Уфада рекорд куелырмы?
Вчера, 13:28 :: Җәмгыять
Уфада рекорд куелырмы?
Уфада крематорий төзелерме?
Вчера, 11:27 :: Җәмгыять
Уфада крематорий төзелерме?
“Чүп машинасы”
Вчера, 10:47 :: Җәмгыять
“Чүп машинасы”
Дуслык канатында яз килә!
Вчера, 00:00 :: Җәмгыять
Дуслык канатында яз килә!








Новости русской версии сайта

sendmail

Яңа номер

36 (25040)

от 28 марта 2017 Архив номеров газеты






Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»