Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
/ / Каз өмәсе – муллык бәйрәме

29.12: Каз өмәсе – муллык бәйрәме

Каз өмәсе – муллык бәйрәмеБүздәк районы Түреш авылында ул заманча бизәкләр белән баетылды.

Бүздәктәге Татар тарихи-мәдәни үзәге алдына куелган бурычларның берсе — милли йолаларыбызны саклап калу, аларны бөтен тулылыгы белән халыкка җиткерү. Түреш авылында үткән Каз өмәсе халык бәйрәмендә гасырлардан килгән йола заманча бизәкләр белән баетылды.


Авылның иң төзек урам­нарының берсендә урнашкан Мостаевлар йорты янында иртән үк җанлылык сизелде. Гаилә башлыгы Рудил Сәлим­җан улы гомерен намуслы хез­мәттә үткәргән: элекке “Кызыл байрак” колхозында бригадир булып хезмәт салды, аннары авылда кулла­нучы­лар җәм­гыятенә караган сәүдә челтәрен җитәк­ләде, пенсиягә якынлаш­канда исә аңа “Башкир-агро­инвест” җәм­гыятендә ашлык амбары мөдире вазыйфасын йөкләт­те­ләр. Флүрә Фәнил кызы хезмәт эшчәнлеген колхозда хисапчы сыйфатында башлап, Түреш авыл би­лә­мәсе хаки­миятендә эшләр идарәчесе булды. Мос­таевларның җәмәгать эшчән­легендә кайнап, үзләрен авыл активистлары итеп танытуын да билгеләргә кирәк.

Рудил, мәсәлән, дүрт чакырылыш дәвамында авыл Советы депутаты итеп сайланды. Флүрә даими рәвештә төбәкнең сайлау комиссиясе составына керә. Рудил белән Флүрә татулыкта һәм берлектә 34 ел гомер кичереп, ике кыз Айгөл һәм Гөлназны тәрбияләп үстергәннәр. Бүген алар үз тормышы белән яши.

Бу гаилә тормыш-көнкүреше белән дә авылда үрнәкле санала. Йорт-җирләре ныклы, абзар-куралар төзек, мал-туар, кош-корт белән тулы. Сыер маллары, сарыклар ишле, янә дә быел, мәсәлән, 30 үрдәк, 40 каз үстергәннәр. Кыскасы, абруйлы гаилә. Шуңа да Мостаевлар каз өмәсе үткәрә икән, дигән хәбәр ирешү белән авыл халкы дәррәү алар йортына ашыкты.

“Каз өмәсе” йоласының төп мәгънәсе — халкыбызда, бигрәк тә яшь буында хезмәткә олы ихтирам, хөрмәт тәрбияләү. Авыл йортына муллык тырыш хезмәт нәтиҗәсендә генә килә. Әлеге хакыйкать бәйрәм барышында бөтен тулылыгы белән ачылды. Әйтик, эшкәрткәннән соң казларны үлчәп карадылар — биш килограммнан җиңелрәге табылмады. Хезмәтнең нәтиҗәсе менә кайда беленә. Аннары, каз өмәсе анда катнашучыларның эшкә осталыгын да күрсәтеп тора.

Әйтергә кирәк, Түреш авылында шәхси хуҗалыклар шактый зур үсеш алган. Атап әйткәндә, кош-корт, мәсәлән, һәрбер ихатада асрала. Түреш авыл биләмәсе хакимияте башлыгы Рима Мусина бу уңайдан Динара һәм Ринат Сәйфуллиннар, Нәзифә һәм Риф Гайнетдиновлар, Рүзилә һәм Динар Дәүләтбаевлар гаиләләрен билгеләп үтте.

Гомумән, мондый киңкүләм чараларны Бүздәк районында үткәрә беләләр, дип ышанычлы әйтергә мөмкин. Түрештәге чарада район хакимияте башлыгы урынбасары Графит Шакиров, Башкортстан Халыклар дуслыгы йорты директоры урынбасары Фидрат Ямалетдинов, район мәдәният бүлеге җитәкчесе Гөлназ Шәяхмәтова, Татар тарихи-мәдәни үзәк җитәкчесе Гүзәл Гәүһәрова катнашуы аңа мәртәбә өстәде.

Түрешкә күрше төбәкләрдән мәдәният хезмәткәрләре дә килгән иде. Әлфәрит Насыйров җитәкчелегендәге гармунчылар ансамбле үзе генә ни тора! Түреш мәдәният йорты каршында эшләп килгән Фәнүзә Әхмәтшина җитәчелегендәге “Асылъяр” хатын-кызлар вокаль төркеме чыгышы да бәйрәм бизәге булды. Түреш мәктәбе укучылары өчен исә ул хезмәт осталыгы дәресенә әверелде.

Мостаевлар йортында бәйрәм мул табын артында кичкә кадәр дәвам итте.





Басып чыгарырга



Армиягә китә егетләр
Сегодня, 00:00 :: Җәмгыять
Армиягә китә егетләр
Бавырсагы телеңне йотарлык!
Сегодня, 00:00 :: Җәмгыять
Бавырсагы телеңне йотарлык!
Кабак  утыртыргамы?
Вчера, 00:00 :: Җәмгыять
Кабак утыртыргамы?
  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных









Новости русской версии сайта


Глазная клиника Ретина



Яңа номер

Вступить в нашу группу Вконтакте


sendmail


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF




Антитеррор

Антитеррор




Рубрикалар




Материаллар архивы


Гәзит номеры
Номерлар










Печать книг

Безнең иске сайтыбыз

Филиалы ГУП РБ ИД
«Республика Башкортостан»