Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Эшкуарлыкка – яшел юл!

28.04: Эшкуарлыкка – яшел юл!

Эшкуарлыкка –  яшел юл!Агыйдел шәһәрендә тармак үсешендәге мәсьәләләр буенча “түгәрәк өстәл” утырышы үтте.

Аны оештыручы­лары­ның берсе – Хөкүмәт премьер-министры урынбасары Дмитрий Шаронов. Ул эшкуарларны дәүләт тәкъдим иткән ярдәмнән файдаланырга, оешканлык күрсәтергә һәм хакимият белән бәйләнеш булдырырга чакырды. Ягъни дәүләт эшкуарларга ярдәм кулы суза һәм алар белән ике як өчен дә файдалы, кирәкле мөнәсә­бәтләр урнаштырырга омтыла.


Бу мөһим чарага эшкуарлар хокукларын яклаучы җәмә­гать оешмалары, эшкуарлык буенча координацион совет әгъзалары да чакырылган иде. Кунаклар Агыйдел шәһә­рендә сәнәгать үсеше проекты белән танышты, БашАЭС объектларында булды. Дмитрий Шаронов һәм Башкортстанда Эшкуарлар хокукларын яклау буенча вәкил Рафаил Гыйбадуллин гражданнарны кабул итте.

“Түгәрәк өстәл” күргәзмә­ләр белән ачылды. Аларда Агыйдел шәһәренең 4 предприятиесе җитештергән продукция үрнәкләрен күрергә була иде. Леонид Пановның мебель цехын “ветеран” дип атарга мөмкин. Аңа Агыйдел шәһәре икътисади уңайлы­лык зонасы дип игълан ител­гән 1996-2003 елларда нигез салынган. Ягъни пред­прия­тиене исәпкә кую авыр­лык­лар тудырмаган ул салым ташламалары алган. Дөрес, сәүдә нокталары бе­лән бәй­лә­неш булдырганчы, диван-кәнәфиләрне базарда сатарга туры килгән. Ә бүген инде Пановның мебель цехын күр­ше Татарстанда, Удмур­тия­дә, Пермь краенда да яхшы белә­ләр. Дөрес, икътисади көрчек шартларында пред­приятиедә эшчеләр санын икеләтә кыскартырга туры кил­гән. Ә җитәк­ченең үзенә электрик та, юрист та, хез­мәт­­не сак­лау һәм салымнар буенча инспектор да булырга туры килә.

– Эшләве беркайчан да җи­ңел булмады, – ди Леонид Пет­рович.

Салават Локманов исә металлдан чүкеп әйберләр ясый. Үз эшен ачарга аңа дәүләт ярдәм иткән – эшкуар, шәһәр бизнес-проектлар конкурсында җиңеп чыгып, субсидия алуга ирешкән.

Җылылык блоклары җи­теш­терү предприятиесе директоры Марсель Миңлега­лиев яңа бинага күчү эш­ләре белән мәш­гуль икән. Предприятие җитеш­тергән блоклар өч функцияне бер­ләштерә: төзү элементы буларак кулланыла, бизәүне яки штукатурлауны таләп итми, җылыткыч катламы да бар.

“Стандарт” җитештерү компаниясе (директоры – Өлфәт Афзалов), 2013 елда дәүләт­тән субсидия алып, төзелеш һәм агач эшләнмә­ләр җитеш­терә башлаган.

Гомум алганда, күргәзмә Агыйдел шәһәрендә булдырырга планлаштырылган “Индустриаль парк” концепция­сенә туры килә. Шул ук вакытта Башкортстан Үсеш корпорациясе шәһәр сәнәгате­нең үсеш концепциясен тү­бән­дәгечә күзаллый: Баш­АЭСның төзе­леш базаларын файдаланып, 75 гектарда урнашкан әзер объектларны куллану, 50 гектарда яңа объектлар төзү, 80 гектарны исә елга портына бүлү. Беренче этапта, ким дигәндә, бина­лар­ның яртысы арендага бирелсә яки сатылса, төзе­леш эше алып барылса, бу мәйданнарга өстенлекле үсеш территориясе статусы бирелер иде. Ул очракта 1 квадрат метр өчен аренда хакы 100-120 сум урынына 14-20 сум тәшкил итәр, җир салымына, керемгә, бердәм социаль салымга сизелерлек ташламалар ясалыр, инфраструктура проектларына акча бүле­нер иде.

Ләкин агыйделлеләрне һәм күрше район эшкуарларын, киләчәктәге мөмкинлек­ләргә караганда, бүгенге проблемалар ныграк борчый булып чыкты. Чыгыш ясаучылар, аерым алганда, йөк ташучыларга карата кулланылучы кайбер чикләүләрнең искерүенә, авырлык контро­ленең артык таләп­чәнлегенә, кадастр бәяләре күтәрелү нәтиҗәсендә җиргә аренда хакының ел дәвамында 1,5 тапкыр күтәрелүенә һәм башка мәсьәләләргә тукталды. Шунысы мөһим, “түгәрәк өс­тәл”дә барлык сорауларга җентекле җаваплар бирелде. Эшкуарлык һәм туризм буенча дәүләт комитетының беренче урынбасары Вадим Үтәшев бизнес өчен нинди ташламалар каралуы хакында аңлатып үтте. Алар хакында мәгълү­матны tou­rism.­­openre­public.­ru сайтыннан да табарга мөм­кин.

Дмитрий Шаронов кабул иткән гражданнар электр энергиясе һәм коммуналь түләүләр өчен бәяләр арту, БашАЭСны төзү (әйтергә кирәк, станцияне төзүдән тулысынча баш тартмаганнар бу 30нчы елларга кадәр кичек­терелгән), традицион дә­валау ысуллары ярдәм итмәгән авыруга ярдәм, коттеджлар микрорайонына газ үткәрү, эш хакы тоткарлану, арендага җир алу һәм башка мәсьәләләргә кагылышлы сораулар күтәрде.

Лилия ЗАҺИТОВА,
Дилбәр СӨЛӘЙМАНОВА.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Киләчәккә карыйм, акча саныйм...
Вчера, 00:00 :: Җәмгыять
Киләчәккә карыйм, акча саныйм...
Ил иминлеге өчен тырышабыз!!
Вчера, 00:00 :: Җәмгыять
Ил иминлеге өчен тырышабыз!!
Төбәкнең хокук сакчысы
Вчера, 00:00 :: Җәмгыять
Төбәкнең хокук сакчысы
Киләчәгең ничек, авылым?
23-03-2017 :: Җәмгыять
Киләчәгең ничек, авылым?








Новости русской версии сайта

sendmail

Яңа номер

35 (25039)

от 25 марта 2017 Архив номеров газеты






Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»