Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Ата-баба рухы шат булсын

29.10: Ата-баба рухы шат булсын

Ата-баба  рухы шат булсынХезмәт сөюче гаиләләр — авылның терәге.

Безнең авылларның көзгесе, аларның ныклы терәге – хезмәт сөйгән гаиләләр. Илеш районының Иске Күктаү авылында яшәүче шундыйларның берсе – Сөгъдә һәм Өлфәт Солтановлар гаиләсе.


Өлфәт абыйның әтисе Нигъмәтҗан ага – Башкорт кавалерия дивизиясе составында Берлингача барып җиткән яугир. Фашист оясына ул үз атында бәреп кергән. Аның күкрәгендә ике Дан ордены булган. Әмма документлар белән ниндидер аңла­шыл­­маучанлык килеп чыгу сәбәпле, алар архивта сакланмаган, Илеш районы­ның батыр яу­гирләре арасында аның исеме юк. Хәер, ул үзе дә, орденнарын тагып, күк­рәк киереп йөрү­не хуп күрмәде, тыйнак булды, пенсиягә кадәр “Урожай” колхозында ат караучы булып эшләде, аннан соң каравылда торды. Хатыны Вафирә апа белән дүрт бала үстереп, олы тормыш юлына бастырдылар.

Аларның төпчекләре Өл­фәт, ата-бабадан калган гадәт буенча, әти-әнисе янында, авыл­да төпләнде, электрик һөнәрен үзләштерде. Тиздән тырыш колхозчыны партия сафларына алдылар, ферма мөдире, бригадир эшен йөк­ләт­­теләр. Алар авыл клубына эшкә килгән Сөгъдә бе­лән чәч­ләрен чәчкә бәйләде, икәүлә­шеп җәмәгать эшлә­ренә җи­гел­де, бәйрәмнәрнең уртасында булды. Ә беренче уллары Илшат тугач, яшь әни балалар бакчасына эшкә күчте һәм хаклы ялга чыкканчы биредә намус белән хезмәт салды.

1987 елда мин “Урожай” кол­хозында рәис булып эшли башладым. Бу елларда мал саны җитәрлек, әмма техникага кытлык иде. Ничек итсәм иттем, яңа КСК-100 комбайны юллап алдым. Әмма аны кемгә ышанып тапшырырга? Әлбәт­тә, Өлфәт Солтановка! Шушы елны кукурузның яшел массасы 640 центнерга җитте. Силос салу буенча отряд төзелде. Егетләрне дәртлән­дерү өчен көн дә 35-40 сум премия яза идек, ул вакытта бу күп акча.

Туксанынчы еллар азагында районда авыл хуҗа­лы­гындагы электр двигатель­ләрен хезмәтләндерү цехы ябылды. Двигатель төяп төрле якларга чапканчы, цехны үзебездә ачарга булдык. Анда Өлфәт Солтанов белән Гәрәй Нәфыйков эшли башлады. Егетләрнең осталыгы турындагы даны тирә-якка таралды, аларга күрше хуҗалыклардан, районнан күпләп заказлар килә башлады. Шул рәвешле хуҗа­лык кассасына өстәмә керем булды. Цех тәҗрибәсен өйрәнү буенча республика семинары үтте, анда элекке Премьер-министр Рим Бакиев та катнашты һәм эшчәнлеккә зур бәя бирде.

2000нче елларда әлеге цех ябылгач, Өлфәт Нигъмәт­җан улы шундый ук эшне үзаллы оештырды, улларын җәлеп итте. Бүген биредә Илдар Солтанов эшли, заказлар тирә-як хуҗа­лык­лардан, районнардан агылып тора.

Солтановларның хезмәт династиясе ныклы, нәсел тамырлары тирән. Шуңа да Өлфәт белән Сөгъдәнең өч улы да бүген аякларында нык басып тора. Алар ата-баба нигезенә йортлар сала, үзләре кебек уңган, игелекле балалар үстерә. Ә Җиңү бәйрәмендә олы горурлык белән “Үлемсез полк” маршында катнаша. Оныклары кулындагы портреттан батыр яугир Нигъмәт­җан Солтанов, алардан канәгать булуын белдереп, тыйнак кына елмая...

Рәзит НУРЛЫГАЯНОВ,
авыл хуҗалыгы
фәннәре докторы.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Уфага күпме туристлар килә?
Вчера, 15:25 :: Җәмгыять
Уфага күпме туристлар килә?
Уфа кызы Сочида чыгыш ясый
24-07-2017 :: Җәмгыять
Уфа кызы Сочида чыгыш ясый








Новости русской версии сайта


Яңа номер

85 (25089)

от 25 июля 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»