Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Котырды җил, боз яуды, имәннәр елап ауды...

07.08: Котырды җил, боз яуды, имәннәр елап ауды...

Озак көттергән яңгыр Тәтешле районы халкына шатлык алып килмәде. 3 августта күк йөзендә болытлар күренгәч, күпләр, тагын урап узмаса ярар иде, дип теләкләр теләде. Болытлар бу юлы урап узмады. Ул районның төньяк өлешен кап-кара булып каплап алды. Матур итеп тыныч кына яңгыр явасы урынга ул җиле-давылы һәм баш бармактай эре бозы белән килде. Яңгыры ява башлаганчы ук кинәт кенә көчле давыл күтәрелде. Юлында очраган бөтен нәсәне җимереп барды ул. Өй түбәләреннән шиферлар очты, күп урыннарда түбәнең яртысын алып ыргытты, урманнарда агачларны екты. Яңгыр ява башлау белән бөтен дөнья ап-акка әверелде — баш бармак кадәрле боз яуды. Яңгыры да үсемлекләр өчен файдалы булмады. Чөнки кыска вакытта чиләкләп түгелгән суның күп өлеше коры җир өстеннән агып китте.

Давыл тынычланып, кешеләр ни булганын аңлап өлгергәнче 21 сәгать 50 минутта аның икенче дулкыны килеп җитте һәм тагын байтак зыян салды. Бу кичтә 10 авылдан 189 хуҗалык зыян күрде. Шулай ук “Октябрь”, “Фәнгә” кооперативлары, “Рассвет” крестьян хуҗалыклары ассоциациясе, “Агро “Танып” җәмгыяте фермаларына, амбарларына һәм башка объектларына зыян китерде ул. Электр линияләренә, телефон челтәренә дә зыяны тиде давылның. Район буенча 10 киловольтлы линияләрдә — ике, 4 киловольтлы линияләрдә дүрт багананы аударды һәм 3,5 чакрым электр линияләрен яраксыз хәлгә китерде. Электр челтәрләре хезмәткәрләре бу төнне керфек тә какмады. Иртәнгә барлык авылларга, шәхси хуҗалыкларга, беренче чиратта социаль, сәнәгать һәм авыл хуҗалыгы объектларына электр бирелде. Элемтәчеләр дә авылларны һәм объектларны үзара бәйләнешсез калдырмады.
Давылдан иң күп зыянны шәхси хуҗалыклар күрде. Мәсәлән, Кәлтәү авылында — 35, Вязовкада — 40, Бигәнәйдә — 28, Кальмиярдә 70 йортка зыян килгән. Калган авылларда да шундый ук күренеш. Мәктәпләргә, авыл хуҗалыгы кооперативлары һәм җәмгыятьләре фермаларына да килгән зыян аз түгел. Мәсәлән, Бигәнәй урта мәктәбе түбәсеннән давыл 70 шиферны очырган, әле болар күренгәне генә, күпмесе урынында калса да, ярылган, тишелгән. Иске Кальмияр мәктәбенә килгән зыян тагын да зуррак. “Фәнгә”, “Октябрь” хуҗалыкларында да 500әр шиферга зыян килүе ачыкланды.
Боз да зыянны күп салды. “Рассвет” крестьян хуҗалыклары ассоциациясендә 170 гектар бодай һәм 100 гектар арпа басулары юкка чыкты. Корылык булса да, бу ассоциациядә уртача гектар көче 12 центнер чамасы иде. Боз сугу нәтиҗәсендә 2000 центнердан артык ашлык югалды. Күрше “Агро “Танып” хуҗалыгында да 80 гектар мәйданда солы, арпа һәм суперэлита бодай басуларына комбайннар кертеп торасы калмады дияргә була. Шәхси хуҗалык бакчалары да зыян күрде. Бик күп кәбестә, кыяр, помидор, шулай ук чөгендер һәм бәрәңге сабаклары теткәләнеп бетте.
Килеп туган хәлдә халык ялгызы калмады. Шул ук кичтә, давыл туктар-туктамас ук район хакимияте башлыгы, аның урынбасарлары, районның гадәттән тыш хәлләр комиссиясе әгъзалары зыян күргән авылларга чыкты, килгән бәла-казаның якынча күләмен, кичекмәстән башкарылырга тиешле эшләрне билгеләде. Икенче көнне иртән бу комиссиянең чираттан тыш киңәйтелгән утырышы үтте һәм давыл китергән бәла-казадан чыгу юллары билгеләнде. “Иң беренче чиратта халыкка ярдәм итәргә һәм бүген төп әһәмияткә ия объектларның эшләвен тәэмин итәргә кирәк”, — диде район хакимияте башлыгы Рушан Гәрәев.
Комиссия утырышы барышында төзелеш материалларын таләп ителгән күләмдә тизрәк кайтару мәсьәләсе дә тикшерелде, эшкуарларга һәм район кулланучылар җәмгыятенә бер-ике көн эчендә бу мәсьәләне хәл итү бурычы куелды. Ә алар аз түгел, шифер гына 5 мең данәдән артык кирәк булачак. Шул ук утырышта каза күргән хуҗалыкларга һәм авылларга чыгып, давыл китергән зыянны тулысынча билгеләү бурычы куелды. Белгечләрдән төзелгән төркемнәр авылларда булып, шул ук кичне нәтиҗә ясадылар.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Тарихыбыз үзебезнеке
Сегодня, 00:00 :: Җәмгыять
Тарихыбыз үзебезнеке
Яшелчә дә монда җырлап үсә!
23-05-2017 :: Җәмгыять
Яшелчә дә монда җырлап үсә!
Ике республика —  бер дөнья
23-05-2017 :: Җәмгыять
Ике республика — бер дөнья
Сәләтле балалар бүләкләнә!
22-05-2017 :: Җәмгыять
Сәләтле балалар бүләкләнә!








Новости русской версии сайта


Яңа номер

60 (25064)

от 25 мая 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»