Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Салаватны өйрәнүдә яңа чор

23.07: Салаватны өйрәнүдә яңа чор

Төгәл биш ел элек — 2003 елның шундый ук эссе июль көннәрендә Башкортстанның 14 журналисты “НефАЗ” автобусына утырып, Уфа-Казан-Чабаксар-Владимир-Бөек Новгород-Тверь-Палдиски маршруты буенча сәфәргә чыккан иде. Алга төп өч максат куелды. Беренчесе — тоткын Салават Юлаев үткән төбәкләрдә һәм мәңгелеккә йокыга талган Балтыйк диңгезе буенда аның турында өстәмә мәгълүматлар туплау, батырның 250 еллыгына кадәр калган бер ел эчендә нинди мәсьәләләргә игътибарны арттырырга кирәклеген ачыклау. Икенчесе — ерак субъектларда яшәүче якташлар, башкорт һәм татар диаспорасы белән элемтә урнаштыру, аларның хәл-әхвәлләрен, ихтыяҗларын белешү. Өченчесе — республикабызның казанышларын пропагандалау, бездә җитештерелгән товарларның Русия һәм халыкара базарларга киң юл яруына булышлык итү.

Башкортстанның Матбугат һәм киңкүләм мәгълүмат министрлыгы оештырган һәм министр урынбасары Фәнил Кодакаев җитәкчелек иткән экспедиция 12 көнгә сузылды. Аның йомгаклары буенча гәзит-журналларда бихисап юл язмалары басылды, радио һәм телевидение аша тапшырулар яңгырады, хәтта китап та нәшер ителде.
2003 елның июлендә Салават Юлаевны өйрәнү, тоткынлыктагы язмышын ачыклау, аны халык арасында пропагандалау, республикабыздан читтә дә таныту юнәлешендә яңа чор башланды дип әйтергә мөмкин. Арытабангы елларда журналистлар Татарстанда, Удмуртиядә, Пермь краенда, Чиләбе һәм Свердловск өлкәләрендә милли батыр эзләреннән йөрде. Ул сәфәрләр йомгаклары да киңкүләм мәгълүмат чараларында җентекле яктыртылды, тагын бер китап чыгарылды.
Салават тематикасында шушы яңа чорга башлангыч салган беренче — Палдиски экспедициясендә катнашкан каләм осталарының берничәсе очрашуга җыелды. Изге традиция буенча, тәүдә Салават Юлаев һәйкәленә чәчәкләр салынды. Аннары соңгы 5 елда үткәрелеп килүче сәфәргә бәя бирелде, киләчәккә максатлар куелды. Башкортстан Хөкүмәте каршындагы Матбугат, нәшрият һәм полиграфия эшләре буенча идарә начальнигы урынбасары Фәнил Кодакаев, Салават турында бик күп хезмәтләр һәм берничә әдәби әсәр авторы, БДУ профессоры Мирас Иделбаев, радио журналисты Флүрә Солтанова, “Йәшлек” гәзите мөхәррире Артур Дәүләтбәков, Уфаның Ленин район гәзите мөхәррире Фәния Хәсәнова һәм башкалар үткән 5 елда башкарылган эшләрне искә төшерделәр, киләсе экспедицияләргә бәйле тәкъдимнәр һәм фикерләр әйттеләр. Мәсәлән, 2003 елда җаваплы миссиянең үтәлеше турында Хөкүмәткә, Салават Юлаевның 250 еллыгын үткәрү комиссиясенә отчет бирелде һәм андагы тәкъдимнәр, фикерләр юбилей чараларын әзерләүгә, гомумән, батырыбызның исемен мәңгеләштерүгә саллы өлеш булды. Палдискида Салават музеен яңадан тергезү, элек Салават исемен йөрткән урамга, мәктәпкә ул исемне кабат кайтару, тоташ алганда, Башкортстан белән Эстония арасындагы күпьяклы элемтәләрне ныгыту һәм башка чараларга да тәүге эскпедиция көчле этәргеч бирде.
Салаватның республикабыз халкының горурлыгы гына түгел, символы, хәзергечә әйткәндә бренды булып әверелүен исәпкә алганда, аның эзләреннән сәфәр кылу Матбугат, нәшрият һәм полиграфия эшләре буенча идарә хәстәрлеге һәм спонсорлар ярдәме белән генә тормышка ашырылмаска, ә дәүләт финанславына нигезләнергә тиеш, дигән теләк тә әйтелде очрашуда.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Уфага күпме туристлар килә?
Сегодня, 15:25 :: Җәмгыять
Уфага күпме туристлар килә?
Балаларны веспиннар чаккан
Вчера, 15:56 :: Җәмгыять
Балаларны веспиннар чаккан
Уфа кызы Сочида чыгыш ясый
Вчера, 14:48 :: Җәмгыять
Уфа кызы Сочида чыгыш ясый








Новости русской версии сайта


Яңа номер

85 (25089)

от 25 июля 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»