Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Казлар кризистан коткара

30.12: Казлар кризистан коткара

Италиянең башкаласы Рим шәһәрен дошманнардан казлар коткарган дигән риваять бар. Дөрестән дә, бу йорт кошлары кеше тормышында гаять мөһим урын алып торалар. Бигрәк тә, ата-бабаларыбыз алардан башка көнкүреш-яшәешләрен күз алларына да китерә алмаганнар. Каз итеннән әзерләнгән телеңне йотарлык ризыклар бәйрәм өстәлләрен бизәгән, йомшак мамыгыннан ясалган мендәр-ястыкларда йоклау күпкә тәмлерәк булган.

Бүген дә каз асрау авыл кешесенең яраткан шөгыле. Аларның кыйгаклаулары су буйларына ямь, ә ит түшкәләре һәм эчендәге “ деликатеслары” шактый табыш бирә.
Сер түгел, кризис тормыштагы бөтен тармакларның да бәкәленә сукты. Аннан хәтта мәгариф өлкәсе дә зыян күрде. Күп төбәкләрдә уку-укыту кирәк-яраклары алу, мәктәп биналарын, сыйныф бүлмәләрен төзекләндерү өчен акча җитми башлады.
— Ярдәм сорап мәгариф бүлеге мөдире тупсасын таптап туйганнан соң, үзебез акча эшләү мөмкинлеге хакында җитди уйланырга тотындык, — ди Мәчетле районының Әбдрәхим төп гомуми белем бирү мәктәбе мөдире Наил Әхмәтханов. – Мин җитәкләгән коллектив зур түгел, шулай да уйладык-уйладык та, казлар үстерергә булдык. Саклыкта иске мәктәп биналарын саткан берникадәр акча бар иде. Шуңа 80 баш каз бәбкәсе һәм урындагы фермердан 1 тонна бодай сатып алдык. Башта аларны мәктәпнең җылыту казаннары торган бинада карадык. Бәбкәләр үскән арада, мәктәптә эшләп йөрүче ир-егетләр элекке колхозның ташландык фермасының бер өлешен төзекләндердек һәм аларны бераздан иркен һәм коры бинага яба башладык.
Бәбкәләргә азык-ризыкларны тик пешереп кенә ашатырга тырыштык. Мәктәп яны бакчасы зур безнең. Башка елларда кая куярга белмәгән кабак, кишер, бәрәңге, һәм башка тамыразыклар һәм яшелчәләр бик тә кирәкле булып чыкты. Нигездә, казларыбыз шуларны ашап тазарды — симерделәр. Суга да кытлык юк бездә. Мәктәбебез яныннан гына җәйрәп Әй елгасы агып ята.
“Каз каравы мәшәкатьле шөгыль, укучыларыгызга каникул, укытучыларыгызга ял күрсәтмәгәнсез икән?” — диярсез. Һич тә юк. Каз карау мәшәкатьләре аларга төшмәде дә. Ярдәмгә районның мәшгульлек бүлеге килде. Ул авылның эшсезләрен җәмәгать эшләренә җәлеп итү максатында мәктәпкә вакытлыча эшчеләр җибәреп торды. Шулар казларыбызны көтте дә инде. Шуңа карап, беребез дә казларыбызга битараф булмадык. Укыткан балаларыбыз көн саен мәктәпкә килеп аларга булышып һәм казларны санап кына тордылар. Казларның йокламавын барыбыз да беләбез, шуңа төнгә дә азыкны мул итеп калдырдык. Мавыгып һәм намуслы итеп тәрбияләп торучылар булгач, казларыбызның берсе дә югалмады, үлмәде дә.
Быел кыш соң килде. Шуңа каз өмәсен декабрь башында гына үткәрдек. Каз өмәсен зурлап, халкыбыз йоласына туры китереп, бәйрәм дәрәҗәсенә күтәреп уздырдык. Анда бөтен мәктәп, ата-аналар катнашты. Кыз балалар җырлар җырлап, көянтәләргә эленгән симез казларны елгага төшеп чайкадылар.
Гомумән, тырышлыгыбыз бушка китмәде. Казларның һәрберсе дүрт-биш килограмм тартты. Әйткәндәй, каз түшкәләрен сорап районның ерак авылларыннан да килә башладылар инде. Кыйммәткә сатмыйбыз, бер түшкәсен 1 мең сумга биреп җибәрәбез.
Каз ите һәм яшелчә сатудан мәктәп казнасына сиксән мең сумнан артык акча керер дип өметләнәбез. Керемне кая кую мәсьәләсен дә күптән хәл иттек. Уку бүлмәләренең һәрберсен телевизор һәм DVD белән җиһазлаячакбыз. Укучылар видеокамера сорый. Спорт кирәк-яракларын да яңартасы бар. Әлбәттә, шулкадәр табыш булдыруда катнашучыларның укучы, укытучы булуына карамастан, барысына да акчалата дәртләндерүче премияләр таратачакбыз.
Мәктәп мөдире киләсе елда да коллективның күңеленә хуш килгән шөгыль — казлар үстерүне дәвам итү яклы.
— Мәктәп янында крестьян-фермер хуҗалыгы булдырып, дәүләт ярдәмен алып буа төзергә һәм балык үрчетеп тә карарга иде, — ди ул.
Күрәсез, юньчел һәм булдыклы Наил Әхмәтхановның планнары зурдан. Аның башлангычын хуплап һәм гамәлгә ашырырга әзер торучы бу тату коллективка уңышлар телик.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Тарихыбыз үзебезнеке
25-05-2017 :: Җәмгыять
Тарихыбыз үзебезнеке
Яшелчә дә монда җырлап үсә!
23-05-2017 :: Җәмгыять
Яшелчә дә монда җырлап үсә!
Ике республика —  бер дөнья
23-05-2017 :: Җәмгыять
Ике республика — бер дөнья
Сәләтле балалар бүләкләнә!
22-05-2017 :: Җәмгыять
Сәләтле балалар бүләкләнә!








Новости русской версии сайта


Яңа номер

61 (25065)

от 27 мая 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»