Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Халык “Себер сәламәтлеге”нә күчә

31.01: Халык “Себер сәламәтлеге”нә күчә

“Себер сәламәтлеге” корпорациясенең Югары Яркәйдәге хезмәтләндерү үзәге җитәкчесе Гүзәл Әхмәтҗанова.“Себер сәламәтлеге” корпорациясенең Югары Яркәйдәге хезмәтләндерү үзәге җитәкчесе Гүзәл Әхмәтҗанова.Корпорациянең Илеш районындагы хезмәтләндерү үзәге җитәкчесе Гүзәл Әхмәтҗанова шуның өчен тырыша.

1996 елда Новосибирск шәһәрендә нигез салынган “Сибирское здоровье” (арытаба — “Себер сәламәтлеге”) корпорациясе продукциясе соңгы вакытта кулланучылар базарында аеруча популярлаша бара: бүген инде ул Русиянең генә түгел, дөньяның 40 илендә тарала. Корпорация төрле юнәлешле БАД*лар җитештерү белән шөгыльләнә. Ул, шулай ук, Русиянең иң алдынгы карашлы галимнәре эшләгән фәнни-тикшеренү үзәген дә үз эченә ала.


Әлеге компания товар­ларының киң таралуының, башкалар арасында өстен­лек алуының сере бик гади: соңгы вакытта халык сәла-мәт тормыш рәвеше алып баруга, экологик чиста продукция куллануга ныклы игътибар бирә. “Себер сәламәт­леге” корпорациясе чыгарган продукция әнә шул таләп­ләр­гә туры килә: шуңа да аны халык яратып ала.

Корпорациянең төп бурычы — ул Алтай һәм Байкал урманнарында үскән дару үләннәреннән эшлән­гән биологик актив матдәләр (БАДлар) ярдәмендә кеше­ләр сәламәт­леген ныгыту. Шуңа да халыкка якынрак булу максаты белән корпорация эре шәһәрләрдә генә түгел, район үзәкләрендә дә үзенең хезмәтләндерү үзәк­ләрен ача башлады. Шундый үзәкләр­нең берсе Илеш районы Югары Яркәй авылында да бар. Аңа яшь эшкуар Гүзәл Әхмәтҗанова җи­тәкчелек итә. Гүзәл Рөстәм кызы белән әңгәмәдә сүз “Себер сәламәтлеге” продук­циясе һәм аның үзенчә­лек­ләре, аларның кайсыла­рының халык арасында их­тыяҗ белән файдалануы, сәламәт булыйм дисәң, ни өчен шул продук­ция­гә күчәргә кирәк­леге, үзеңне челтәрле маркетинг өлкәсен­дә сынап карау мөмкинлекләре турында бара.

— Гүзәл, “Себер сәла­мәт­леге” продукциясе турында иң беренче тапкыр кайда ишеттегез һәм бу өлкәгә ничек кереп киттегез? Сүзне шул турыда сөйлә­шүдән башлыйк әле.

— 2013 елда безне Татар­стан­ның Актаныш районыннан фармацевт Ләйсән Фарис кызы белән таныштырдылар. Ул безгә “Себер сәламәтлеге” компаниясе чыгарган экологик чиста, натураль продукция турында бик мөһим һәм кирәкле мәгълүмат бирде. Шулардан чыгып, “Себер сәламәтлеге” БАДларын куллану нәти­җәләре турында сөйлә­де, бер уңайдан үз тәҗрибәсе белән дә уртаклашты. Шушы очрашудан соң, кызыксынып китеп, Интернетка кереп, бу корпорация тарафыннан чыгарылган продукция турында мәгълүмат җыеп чыктым. Продукцияләре турындагы әйбәт фикерләрне укыгач, кызыксынуым тагын да арта төште. Өстәвенә, компания­нең үзебез­неке — Русиянеке, хакларының да чагыштырмача арзан булуы ошады. Үз җитештерү производствосы булуы да уңай тәэсир итте. Ни өчен дигәндә, шу­шыңа охшаш компанияләр­нең күпләренең бүген үз җи­тештерү үзәкләре юк. Җиде кат үлчәп, бер кат кис­тем дә, тәүге эш итеп, Мәс­кәү­дә үткәрелгән халыкара семинарга барып укып кайттым. Компания турындагы әйбәт фикерләр һәм “Себер сәла­мәтлеге” БАДларын кулланып ирешелгән уңай нәти­җә­­ләр мине үзебезнең район үзәгендә “Себер сәла­мәтлеге”нең хезмәтләндерү үзәген ачарга этәрде.

Бүген килеп шуны әйтә алам, хезмәтләндерү үзәгебез дүртенче ел инде уңыш­лы эшләп килә, иң мө­һиме — “Себер сәламәт­ле­ге” чыгарган продукцияне сораучылар көннән-көн арта ба­ра.

— Гүзәл, компаниянең тәгаен кайсы продукция­ләрен халык аеруча ярата?

— Иң элек шунысын әй­тим, компаниянең төп концепциясе — ул сәламәт­ләндерүгә комплекслы якын килү. Болай дигәндә без организмны шлаклардан һәм токсиннардан арындыруны, иммунитетны күтәрүне, аны витаминнар, минераллар һәм микроэлементлар бе­лән тәэмин итүне күз уңында тотабыз. Сәламәт­ләндерүгә шушы рәвешле якын килгән­дә, организм­ның авыруларга каршы торучанлыгы арта, аны бөтен чирләр дә диярлек урап уза.

“Себер сәламәтлеге” про­дукциясенең һәркайсын яратып алалар. Шулай ук, экологик яктан чиста һәм әйләнә-тирә мохит өчен зыянсыз булган табак-савыт, кер, ванна бүл­мәсен юу, тән һәм чәч средстволарын, натураль кремнар кебек көн­күреш товарларын һәм балалар өчен чыгарылган продукт­ларны күп сорыйлар.

Компания үз ассортиментын киңәйтү һәм камил­ләштерү буенча даими эш алып бара. Иң куаныч­лысы — ул һәрвакыт заман белән бергә атлый, шуның нәти­җәсе буларак, ассортиментта яңадан-яңа БАДлар пәйда була. Мисалга, соңгы вакытта яңа продуктлардан ул “Е” коды булмаган натураль спорт азыклары тәкъ­дим итә.

Тагын бер нәрсәгә аерым тукталып узасым килә. “Себер сәла­мәтлеге” — 2019 елда Красноярск шәһәрендә узачак Кышкы универ­сиа­даның рәсми спонсоры итеп билгеләнде. Икенче төрле итеп әйткәндә, Студентлар уеннары барышында Себер йөрәгеннән чыккан про­дук­цияләр чарада катнашучы­лар­ның һәм кунак­лар­ның сәла­мәтлеге сагында торачак. Компания белән дүртенче ел хезмәттәшлек итүче кеше буларак, минем өчен монысы аеруча зур горурлык!

— “Себер сә­ламәтлеге” продукция­сенең төп өстен­леге нәр­сәдә соң? Шул турыда да бер-ике сүз әйтеп китсәгез иде.

— Корпорация продукциясе бары тик Алтай һәм Байкал урманнарында үскән дару үләннә­реннән ясала. “Себер сәламәтлеге” — ул экологик чиста продукция. Шуңа да аны курыкмыйча кулланырга була.

Тагын бер үзенчәлеге хакының чагыштырмача арзан, барлык катлам кешеләре дә алырлык булуына кайтып кала. Бу аңлашыла да. “Себер сәламәтлеге” корпо­рация­сенең төп бурычы да — Русия халкын сәламәт­ләндерү.

— Соңгы вакытта җир йө­зендәге иң куркыныч авыру­ларның берсе булган яман шештән дөнья куючылар саны артканнан-­арта бара. “Себер сә­ла­мәт­­леге” җәм­гыя­тьне шомга салып торучы менә шул чиргә каршы тәгаен нинди биологик актив мат­дәләр тәкъдим итә?

— Мондый чирләрдән иң яхшы дәва — ул авыруны булдырмау, ягъни аны алдан кисәтү. Кеше үзе­нең сәла­мәтлеге турында сәламәт чагында кайгыртырга тиеш. “Себер сәламәт­леге”нең төп максаты да шул — авыруларны булдырмау. Корпорация үз продукциясен кеше бүген һәм хәзер сәламәт булсын өчен тәкъдим итә! Барысы да бик гади генә. Организмны витаминнар, минераллар һәм микроэлементлар бе­лән тәэмин итеп, без иң беренче чиратта матдәләр алмашынуын яхшыртабыз. Ә бу инде чир­ләрне алдан кисәтү дигән сүз.

— Белүемчә, Сез төп һөнә­регез буенча табиб түгел. Кайсы авырудан нинди БАД килешүен каян беләсез?

— Әлбәттә, без табиблар түгел! Һәм дәвалау белән дә шөгыль­ләнмибез. Безнең компания дәва­лау препаратлары да чыгармый. “Себер сәламәтлеге” терлек, минераль, үсемлек чималыннан эш­лән­гән биологик актив матдәләр — БАДлар чыгару белән шө­гыльләнә. Алар төп ризыкка табигый өстәмә буларак кабул ителә. Беркемгә дә сер түгел, үзебезнең тукланган ризыклардан, супермаркетлардан сатып алынган яшелчә-җимешләрдән тулысынча витаминнарны алып бетерә алмыйбыз. Шуңа да организмны даими рә­вештә витаминнар һәм минераллар белән тулыландырып һәм тукландырып торырга кирәк. Моны һәркай­сыгыз беләдер.

“Кайсы авырудан тәгаен нинди БАД килешә?” дигән сорауга кил­гәндә, безнең компаниянең галим­нәре һәр төр авыруны кисәтү һәм дәвалау өчен махсус программалар булдырганнар. Без клиентларыбызга БАДларны шуларга нигезләнеп тәкъдим итәбез.

— Гүзәл! Сер булмаса, Сезнең кул астында бүген күпме кеше эшли? Алар арасында нинди һөнәр ияләре бар?

— “Себер сәламәтлеге” белән һәркем шөгыльләнә ала. Чөнки аны төп эш белән бергә дә алып барып була. Минем командамда табиблар, укытучылар, тәрбия­челәр. Башка һөнәр ияләре дә бар. Алар арасында инде матур гына күрсәткечләргә ирешүчеләр, корпорация тарафыннан бүләк­ләнү­челәр дә бар. Шунысын да әйтергә кирәк, сафларыбыз көннән-көн тулылана бара. Безнең күбрәк кеше­ләргә ярдәм итү мөмкинлеге арта. Мине әнә шунысы аеруча нык куандыра.

— Күренеп тора: Сез бу эш белән бик теләп, яратып шө­гыль­ләнәсез. Мөгаен, бизнесы­гызны үстерү буенча киләчәккә билгеләнгән анык максатларыгыз да бардыр?

— Әлбәттә, бар. Алда клиентлар базасын, команданы тагын да киңәйтү, күршедәге районнарда хез­мәтләндерү үзәкләре ачу күз уңында тотыла. Шушы җә­һәт­тән, безнең белән эшләр­гә теләү­челәрне хезмәт­тәшлеккә чакырасы килә. Шуны истә тотарга кирәк: үз бизнесыңны башларга беркайчан да соң түгел. “Себер сәламәтлеге” белән хезмәт­тәшлек итеп корпорация бүләк иткән машиналарда җилдерүчеләр арасында 40, 50, 60 яшьлекләр генә түгел, 25, 30 яшьлекләр дә бик күп. Кыюларны, тәвәккәлләрне, кешеләр күңеленә юл таба белгән­нәрне командабызга кушылырга чакырабыз. Белеп торыгыз: һәркем үзенә юлны үзе яра. Уңышлар тик тырыш һәм тәвәккәл кеше­ләргә генә юлдаш була!

— Әңгәмә өчен рәхмәт! Сезгә арытаба да эше­гездә уңышлар теләп калабыз! “Себер сәла­мәтлеге” ха­лык­­ның сәламәт­леген ныгытуга киләчәктә дә зур өлеш кертсен, эшсезләрне — эшле, керемсезләрне керемле итсен иде!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Уфага күпме туристлар килә?
Сегодня, 15:25 :: Җәмгыять
Уфага күпме туристлар килә?
Балаларны веспиннар чаккан
Вчера, 15:56 :: Җәмгыять
Балаларны веспиннар чаккан
Уфа кызы Сочида чыгыш ясый
Вчера, 14:48 :: Җәмгыять
Уфа кызы Сочида чыгыш ясый








Новости русской версии сайта


Яңа номер

85 (25089)

от 25 июля 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»