Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
/ / Торналардай күккә аштылар

30.09: Торналардай күккә аштылар

Торналардай күккә аштыларЯңавылда Әфганстан һәм Чечня җирендә һәлак булган якташлар истәлегенә һәйкәл ачылды.

Әфганстан һәм Чечня җирендә үткән канкоеш илебез тарихына бик күп аналарның күз яше һәм туган төягеннән еракта ятып калган егетләрнең каны белән язылган. Тыныч тормышта илен сакларга китеп, үлем белән күзгә-күз очрашкан 18-20 яшьлек егетләрнең язмышы ул. “Локаль конфликтлар” дип аталса да, илебез киңлекләрендә бу сугышлардан читтә калган бер генә авыл һәм шәһәр дә юк.


Яңавыл районы һәм шәһәре дә искәрмә була алмады. Әфганстан сугышында бу төбәктән 108 кеше катнашкан һәм шуларның бишесе цинк табутта кайткан, бер егетнең язмышы әле дә билгесез. Яңавыллыларга Чечнядагы канкоеш та бик кыйммәткә төшкән. Анда катнашкан 357 егетнең сигезе гаиләсенә сугыш мәңге уңалмаслык кайгы алып килгән.
Яңавыллылар батырларча һәлак булган якташлары истәлеген кадерләп саклый. Туган ягына әйләнеп кайта алмаганнарга багышлап төрле мәдәни һәм спорт чаралары үткәрелә, мәктәпләрдә аларның атылган йолдыздай кыска гомерен һәм тормыш юлын чагылдыручы стендлар төзелгән.
Ил алдында изге бурычын үтәгәндә һәлак булган яугир ата-аналарының изге хыялы быел тормышка ашты. Район хакимияте һәм хәрби комиссариат башлангычы белән Яңавылда Әфганстанда һәм Чечняда башын салган якташлар истәлеген мәңгеләштерүче һәйкәл ачылды. Скульптор Халит Галиуллин төзегән һәйкәлдә кайгылы Ана карашы пьедесталдан һавага күтәрелүче торналарга юнәлгән. Бер үк вакытта тантаналы һәм кайгылы бу чарада район хакимияте башлыгы Илшат Вазигатов: “Без бүген батырларның исемнәрен искә алу белән беррәттән, ул мәхшәрдән исән кайтканнар алдында да баш иябез. Батыр, илгә тугры балалар тәрбияләгән ата-аналарга олы рәхмәтебезне юллыйбыз. Киләчәктә мондый конфликтлар булмасын, мәрмәр ташларга уеп язылган исемлек тулыланмасын өчен барысын да эшләргә тиешбез,” — диде.
Чарага мәртәбәле кунаклар да килгән иде. Дәүләт җыелышы-Корылтай депутаты, Хәрби бәрелешләр ветераннары җәмәгать оешмаларының координацион советы рәисе Наил Гыйззәтуллин әфганстан сугышы ветераннарына истәлекле медальләр тапшырды. Якташлары исемен мәңгеләштерүче һәйкәл, нигездә, урындагы бюджет исәбенә төзелсә дә, аның тирә-ягын төзекләндерүгә район предприятие-оешмалары һәм шәхси эшкуарлар да тоемлы өлеш кертте. Район җитәкчесе Илшат Әгъзам улы аларны һәм скульпторны район хакимиятенең Рәхмәт хаты белән бүләкләде.





Басып чыгарырга



Армиягә китә егетләр
Сегодня, 00:00 :: Җәмгыять
Армиягә китә егетләр
Бавырсагы телеңне йотарлык!
Сегодня, 00:00 :: Җәмгыять
Бавырсагы телеңне йотарлык!
Кабак  утыртыргамы?
Вчера, 00:00 :: Җәмгыять
Кабак утыртыргамы?
  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных









Новости русской версии сайта


Глазная клиника Ретина



Яңа номер

Вступить в нашу группу Вконтакте


sendmail


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF




Антитеррор

Антитеррор




Рубрикалар




Материаллар архивы


Гәзит номеры
Номерлар










Печать книг

Безнең иске сайтыбыз

Филиалы ГУП РБ ИД
«Республика Башкортостан»