Кызыл таң » Җәмгыять » 18-03-2017: Солдат күле тирәсендәге матурлык кемгә комачаулаган?

Солдат күле тирәсендәге матурлык кемгә комачаулаган?

Солдат күле тирәсендәге матурлык кемгә комачаулаган?“Proufu.ru» хәбәр итүенчә, 17 марттан 18енә каршы төнлә Уфаның Якутов паркында Солдат күле тирәсендәге яктылык системасына зур зыян китерелгән. Куллары “кычытучылар” күптән түгел генә урнаштырылган заманча яктырткычларның яртысын диярлек ваткан.

Әйткәндәй, күл тирәли 47 яктырту ноктасы урнаштырылган иде. Баганалардагы 31 зур һәм 16 кечкенә яктырткыч, күл тирәсенә күркәмлек өстәп, аны тагын да матурлаган иде. Кызганычка каршы, бу матурлыкны күрә белмәүче вандаллар табылды. Күпме көч, акча түгеп башкарылган эш төн эчендә юкка чыгарылды. Яктырткычларның күпчелеге ватылган, баганалар бөгелгән һәм лампочкалар борып алынган. Вәхшилектә гаепләнүчеләрне эзләү бара.

Кире күчергәБасып чыгарырга