Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Җәйге каникуллар имин үтсен!

31.05: Җәйге каникуллар имин үтсен!

Җәйге каникуллар имин үтсен!“Хәвефсез тәгәрмәч” конкурсы тәү чиратта шушы максатны күздә тота.

“Хәвефсез тәгәрмәч” хәрәкәте яшь инспекторлар отрядының республика слеты быел Русия Эчке эшләр министрлыгының Дәүләт автоинспекциясе хезмәте оештырылуның 80 еллыгына багышланды. 1973 елда нигезләнгән хәрәкәт үсеп килүче буынга юл кагыйдәләрен өйрәтүне төп максат итеп куя. Соңгы елларда хәрәкәт эшендә яңа алымнар кулланыла башлады, яңа эчтәлек белән баетылды. Бүген балалар хәрәкәтендә төрле яшьләрдәге 17 мең бала һәм үсмер исәпләнә. Республикада яшүсмерләр өчен 25 автомәктәп, авто, мотоцикл һәм картинг-клублар бар. Аларда 18 меңнән артык бала шөгыльләнә.


Балалар һәм яшүсмерләргә юл кагыйдәләрен өйрәтү сыйфатын күтәрү уңаеннан базалы уку биналары, балалар иҗат йортлары уңышлы эшли. Анда мәктәп укучылары өчен махсус мәйданчыклар урнаштырылган.

Олы юбилейга багышланган “Хәвефсез тәгәрмәч” конкурсы быел башкаланың Конгресс-холлында үтте. Башкортстан буенча Эчке эшләр министрлыгының Дәүләт автоинспек­циясе идарәсе белән Мәгариф министрлыгы берлектә үткәргән бәйгедә республиканың барлык район һәм шәһәрләреннән 63 команда катнашты. Конкурсның төп шартына ярашлы, укучы биредә бер тапкыр гына катнаша ала. Димәк, быел 2004, 2005 һәм 2006 елларда туган балалар теоретик һәм гамәли белемнәрен күрсәтте.

Юбилей елы буларак, чара вакыйгаларга аеруча бай иде. Анда беркем дә бүләксез, игътибарсыз калмады. Тәүдә Алексей Тихомиров җитәкче­легендәге төркемнең Европа­ның иң биек тавы Эльбрус түбәсенә уңышлы менүе турында слайд күрсәтелде, алар җиңү әләмен республиканың Баш автоинспекторы Динар Гыйльметдиновка тапшырды. Арытаба бүген туган көннәрен билгеләүче 5 укучыны, “Ягымлы кешеләр” фонды туплар белән бүләкләде.

Тантананы ачып, балаларны, кунакларны мәгариф министры Гөлназ Шәфыйкова сәламләде.

— Биредә юл кагый­дә­ләрен яхшы үтәүче, хаталарга юл куй­маучы, сынауларга баш имәүче, тырыш, сәләтле бала­лар җыелган. Алган белем­нә­регезне тормышта файдаланып, юлларда сезгә имин йө­рер­гә язсын, — диде министр.

Республиканың юл хәрә­кәте хәвефсезлеге хезмә­тенең Баш инспекторы, полковник Динар Гыйльметдинов, катнашучыларны тәбрикләп, яшь алмаш үсеп килүен, алар­ның, сынауларда югалып калмыйча, зур кызыксыну, теләк белән шө­гыльләнүен, төпле белемле булуын билгеләде. Әйткәндәй, Динар Заһит улы белдерүенчә, яшь инспектор­ларның җиденче слетында аңа да катнашу бәхе­те тигән һәм моннан бихисап еллар элек узган конкурс рес­публиканың юл хәвефсез­леге идарәсе җитәкчесенә бу юнә­лештә һөнәр сайларга этәргеч биргән.

Иганәче “Башнефтегеофизика” җәмгыяте директоры Рөстәм Адиев балаларга чын күңелдән шатлык өләшергә теләгән. Җәй буе кагыйдәләр­не истә тотып җилдерер өчен ул бәйгечеләргә велосипедлар бүләк итте. Ярышның төрле этапларын да уңышлы үткән барлык укучылар кыйммәтле бүләкләргә ия булды.

Беренче каналда баручы “Голос. Дети” җыр конкурсында, финалга үткән уфалы Марсель Сабиров исә залдагыларга музыкаль күчтәнәчләрен өләште.

Ярмәкәй районыннан кил­гән “Светофор дуслары” командасы белән танышам. Милада Куликова, Элина Ганиева, Данис Насретдинов, Рөстәм Шәйхуллин — Ярмәкәй мәктә­бенең 5нче сыйныф укучылары. Дулкынлану, шатлык хис­ләрен кызлар-малайлар яшермәде.

“Максимум” командасы яшь инспекторлары (җитәкчесе — Ильяс Шәймөхәммәтов) Балтач районыннан килгән. Айгиз Әүхәтов, Диана Гыйльметдинова, Вадим Мостафин, Гөл­шат Шәрипова да 5нче сыйныфта укыйлар. “Бергәләп юл хәрәкәте хәвефсезлеге өчен” конкурсында яшь инспекторлар призлы урын алса, Айгиз Әүхәтов “Беренче ярдәм күр­сәтү нигезләре” буенча призер булды.

“Хәвефсез тәгәрмәч” хәрә­кәте яшь инспекторлары отря­дының республика конкурс-фестивале җиңүчесе кубогына Стәрлетамак шәһәре командасы лаек дип табылды. Гран-при иясе, җиңүче команда 31 майдан 8 июньгә кадәр үтәчәк Бөтенрусия конкурсында республика данын яклаячак. Илнең барлык төбәкләреннән җыелган командалар Владивосток шәһәрендә очрашачак. Башкортстанның яшь инспекторларына анда да уңышлар телик!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:











Новости русской версии сайта


Яңа номер

95 (25099)

от 17 августа 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»