Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Хәлең ничек, яшь белгеч?

02.03: Хәлең ничек, яшь белгеч?

Хәлең ничек, яшь белгеч?Хәзерге балаларны укуга җәлеп итү, тыңлату авыр. Әти-әниләр белән эшләү дә җиңелдән түгел. Укыту программасы да көннән-көн катлаулана. Язмышларын мәктәп белән бәйләүче яшь мөгаллимнәр мондый шартларда эшләргә әзерме? Бүген яшь белгечләрне аңлаучы, аларга ярдәм итүче бармы? Благовар районы Күчәрбай мәктәбе укытучысы, яшь белгеч чорын лаеклы үткән Нәфилә КӘБИРОВА белән әнә шул хакта сөйләштек.

— Мәктәп тормышы, студент буларак практика үткәндә һәм эшкә килгәч, бер-берсеннән нык аерыламы?

— Әлбәттә, аерыла. Практика вакыты кыска, анда өйрәнү процессы бара. Күп нәрсәне әле аңлап та өлгермисең. Эшкә килгәч, укытучы башка чынбарлык белән очраша. Монда инде, план язып, дәрес бирәсе генә түгел, жур­нал тутырасы, балаларны төрле бәйге­ләргә, олимпиадаларга, Бердәм дәүләт имтиханына әзерлисе бар. Укытучының башка бурычлары да җитәрлек: укучыларың, коллектив, ата-аналар белән дустанә мөнәсәбәт урнаштырырга, үзара аңлашып эшләргә кирәк.

— Гадәттә, эшкә дәртләнеп тотынган яшьләр берничә елдан үз һөнәренә кызыксынуны югалта. Психологик яктан “яну” дип аталган бу күренеш сиңа танышмы?

— Бәхеткә, эшкә сүрелү дигәннәре мине урап үтте. Мөгаен, мәгариф өлкәсендә, балалар белән эшләүче кешеләр мондый күренештән азаттыр. Менә инде ничә ел мин көн саен шаян, хәрәкәтчән, һәр нәрсәдән кызык таба белүче, шул ук вакытта таләпчән, вакыты бе­лән үзсүзле дә булган яраткан укучыларым янына ашыгам. Урыс теле һәм әдәбияты укытучысы буларак, яңа тема алар өчен аңлаеш­лы, кызыклы булсын өчен эзләнәм, өстәмә материаллар укыйм, язучылар, шагыйрьләр тормышыннан кызыклы фактлар китерәм. Укытучы, бер урында таптанмыйча, эшкә иҗади яктан килсә, яңалык кертсә генә ниндидер нәтиҗәгә ирешә. Иң мөһиме — дәресне мавыктыргыч итеп оештыру балаларга да ошый. Укучыларым миңа һөнәргә булган кызыксынуны югалтырга ирек бирми.

— Хәзерге авыл мәктәпләренең матди-техник базасы бай, барлык шартлар тудырылган. Димәк, укытучыга да эшләү күпкә җиңел...

— Бүген традицион система артта кала бара. Теманы аңлатуда яңадан-яңа алымнар барлыкка килә. Безнең мәктәптә дә компьютер класслары, кабинетларда интерактив җиһаз­лар, проекторлар бар. Чыннан да, уку-укыту өчен уңайлы шартлар булу өстәмә белем бирүгә, иҗади эшләргә, төрле файдалы чаралар үткәрүгә зур мөмкинлек бирә. Белемле, көндәшлеккә сәләтле, тормышта үз юлын табарга әзерлекле, тиешле карарлар кабул итә белүче шәхес тәрбияләү өчен искечә эш итү генә җитәрлек түгел.

Шулай да укыту эше, аның сыйфаты турында заманча технологияләргә карап кына фикер йөртү дөрес түгел. Иң элек, педагог үзе һәрдаим камилләшергә тиеш. Университет белеме белән генә чикләнеп калучы, укырга яратмаучы укытучы балаларны да күп нәрсәгә өйрәтә алмый, дип саныйм.

— Мәктәпне сайлаган яшь белгеч өчен иң авыры нәрсә? Аны аңлаучы, киңәш бирүче бармы?

— Яшь белгеч өчен генә түгел, гомумән, укытучы эше — авыр хезмәт. Ул сабырлык, тырышлык таләп итә. Аңа һәрвакыт укырга, эзләнергә, яңалыкка омтылырга кирәк. Укыткан фәнеңә кызыксыну уятасың, укучыларыңның яраткан мөгаллиме буласың килсә, вакыт белән исәпләшмичә эшләргә, күп көч салырга кирәк. Иң кыены — гаиләңә, газиз сабыеңа игътибарың, вакытың җитмәүдер, мөгаен. Бу җәһәттән әти-әниемә рәхмәтлемен. Улым Илнарны тәрбияләүдә алар — төп ярдәм­челәрем. Хезмәт­тәшләрем дә һәрвакыт киңәш бирә, кайчан гына мөрәҗәгать итсәм дә, ярдәм кулы суза. Алар — кайчандыр үземә белем һәм тәрбия биргән педагоглар.

— Әңгәмә өчен рәхмәт! Һөнәреңә һәм балаларга булган яратуыңның елдан-ел артуын телим!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Укытучылар бәйге тота
3-03-2017 :: Мәгариф
Укытучылар бәйге тота








Новости русской версии сайта

sendmail

Яңа номер

34 (25038)

от 23 марта 2017 Архив номеров газеты






Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»