Кызыл таң » Мең дә бер киңәш » 12-08-2017: Акча бетмәсен, дисәң...

Акча бетмәсен, дисәң...

Акча бетмәсен, дисәң...Акчагызны дөрес сарыф итәргә өйрәнегез. Бел­гечләр хезмәт хакын түбәндәге әйберләргә исраф итмәскә киңәш итә.

Модалы киемгә. Күпләр үз киемнәренең 20 процентын гына яратып кия. Билгеле бер киенү стиле булдырыгыз һәм яңа киемнәрне шуңа нигезләнеп алыгыз.
Төрле косметик чараларга. Өйдә берничә төрле лосьон, яки сабын тотуның файдасы бармы? Юк. Бу бары маркетологлар өчен генә кирәк.
Яңадан-яңа модель смартфоннарга. Телефоныгыз эшләп торганда яңасына кызыгырга кирәкми. Аларның күбесе фәкать яңа версиядә генә чыгарылган булырга мөмкин, әллә ни аермасы булмас.
Савыт-сабага. Коймакны нинди табада пешерүеңә карап, аның тәме үзгәрми.
Аксессуарларга. Арзан алка, йөзек, беләзек беркемне дә бизәми.

Кире күчергәБасып чыгарырга