Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / 17нче елга йөз тотабыз...

30.08: 17нче елга йөз тотабыз...

17нче елга йөз тотабыз...Әмма, узган гасырдан аермалы буларак, ул халык күтәрелеше белән түгел, икътисади күтәрелеш белән билгеләнәчәк.

Мәгълүм булуынча, узган атнада Башкортстан Башлыгы Рөстәм Хәмитов республика Хөкүмәтенең төбәкнең беренче яртыеллыктагы эшчәнлек йомгакларына багышланган киңәйтелгән утырышын үткәрде. Утырышта төбәк Башлыгы иң мөһим нәтиҗә буларак күпчелек социаль-икътисади күрсәткечләрдә тотрыклылык саклануын һәм үсеш күзәтелүен атады.


— Беренче яртыеллыкта без авыл хуҗалыгында да, сәнәгатьтә дә уңай динамиканы тергезүгә ирештек. Хезмәт базарында да хәл яхшырды. Инфляция акрынлап төшеп, халыкның сатып алу сәләте яхшыра башлады, — диде атап әйткәндә Рөстәм Хәмитов.

Шул ук вакытта, Рөстәм Хәмитов билгеләвенчә, хәл итәсе мәсьәләләр дә аз түгел һәм алда тагын да колачлырак бурычлар тора. Аерым алганда, ел башында республикада беренче тапкыр уртача гомер озынлыгы 70 яшьне узып китсә, Рөстәм Хәмитов аны якын чорда 72 яшькә җиткерү бурычы куйды. Шулай ук якын елларда торакка чиратта торучы 90 мең башкортстанлының ихтыяҗларын канәгать­ләнде­рергә телибез икән, еллык торак төзелеше күләмен дә безгә әлеге 2,7 миллион квадарт метрдан якын елларда 3 миллион квадрат метрга җиткерергә кирәк. Республикада барлык социаль йөклә­мәләрнең дә тиешенчә үтәлүен сызык өстенә алып, бер үк вакытта, бюджет чыгымнарын киметү артыннан куып, опти­мальләштерү сәясәте белән дә артык мавыкмаска кушты Рөстәм Хәмитов.

— Безнең бурыч — агымдагы чыгымнар һәм үсеш арасында балансны саклау. Акыллы итеп экономияләргә кирәк. Оптимальләштерү белән артык мавыгу дөрес түгел, — диде ул.

Аерым игътибарны төбәк Башлыгы инвестицион эшчән­лекне арытаба үстерү мәсь­әләләренә юнәлтте. Бу җәһәт­тән инвесторларга респуб­ликада эшчәнлеген җәелде­рү өчен уңай шартлар тудыру дәүләт сәясәтендә төп өстенлек булуын сызык өстенә алып, бер үк вакытта Рөстәм Хәмитов эре предприятиеләр Башкорт­станның 100 еллыгына әзерлек чараларында да актив катнашырга тиешлеген билгеләде.

— Эре предприятиеләр вәкилләренә мөрәҗәгать итеп, сезнең “Башкортстанның 100 еллыгына — 100 яңа объект” проектында актив катнашуыгызны, производство, инвестиция планнарыгызга, социаль программаларыгызга юбилей чараларына әзерлекне дә кертүне сорыйм. Үз чиратында республика сезнең башлан­гычларга һәрьяклап ярдәм күрсәтәчәк,— диде Рөстәм Хәмитов. Башкортстан Башлыгы шулай ук Уфаны илнең иң күркәм шәһәрләренең берсенә әверелдерү, агросәнәгать тармагында нәтиҗәлелекне арттыру, кече һәм урта бизнес өчен уңай шартлар тудырып, аларны яңача үсеш дәрә­җәсенә чыгару буенча да җитди бурыч­лар куйды.

Әлеге бурычларны тормышка ашыру юнәлешендә Хөкүмәт дәрәҗәсендә нинди эш алып барыла? Нинди мәсьәләләр республикада аеруча көнүзәк булып тора? Аларның кайсылары дәүләт дәрәҗәсендә хәлиткеч карарлар кабул итүне сорый? Узган җомгада республика Хөкүмәте Премьер-министры Рөстәм Мәрдановның “Маяк” радио­станциясенә туры эфирда интервьюсында сүз, нигездә, шулар хакында барды.

Гомум социаль-икътисади күрсәткечләрдә беренче яртыеллыкта үсеш күзәтелүен сызык өстенә алып (сәнәгатьтә — 1 процент, авыл хуҗа­лыгында — 5 процент, реаль хезмәт хакы үсеше — 0,9 процент), Рөстәм Мәрданов төп игътибарны хәл итәсе мәсьә­ләләргә һәм алда торган бурыч-максатларга юнәлтте.

— Кызганычка каршы, билге­ләнгән максатка ирешәл­мәгән өлкәләр дә бар. Бу, тәү чиратта, торак төзелешенә кагыла. Әлегә без бу өлкәдә планнан биш процент артта барабыз. Бу җәһәттән ел ахырына кадәр хәлне үзгәртә алыр­быз, дип ышанам. Социаль өлкәдә дә аерым кире күренешләр бар. Атап әйткән­дә, кайбер төр авыруларга бәйле үлем очрак­ларының артуы күзәтелә. Язын коточкыч хәлгә килгән юлларны төзек­ләндерү буенча колачлы эш җәелдердек, әмма бу өлкәдә дә капиталь ремонтны тәмам­лыйсы бар. Ноябрьгә кадәр ул ахырына җиткерелер, дип уйлыйм. Янә дә ОСАГО полисларын алалмау күп кенә гражданнарның баш бәласенә әверелде. Шулай ук торак сатып алганда алданган дольщикларга бәйле мәсьәлә дә әле ахырынача ябылмаган. Болар без иң җитди игътибар юнәлтергә һәм ел ахырына кадәр хәл итү хәстәрен күрергә тиешле иң көнүзәк мәсьәләләр, — диде “Маяк” радио­стан­ция­сенә интервьюсында Рөстәм Мәрданов.

Республика Хөкүмәте аларны чишү юлларын ничек итеп күрә соң, моның нинди механизмнары эшләнә? Мәсәлән, кече бизнес үсешенә булышлык итү, тулай төбәк продуктында аның өлешен арттыру һәм торак шартларын яхшыртуга мохтаҗлар чиратын ки­метү максатында, Рөстәм Мәр­данов белдерүенчә, махсус дәүләт программалары кабул ителәчәк. Агымдагы елның икенче яртысында ОСАГОга бәйле мәсьәлә дә “Бердәм агент системасы” проектына кушылу нәтиҗәсендә үз чишелешен табарга тиеш.

— “Бердәм агент системасына” бер төркем страховкалау оешмалары керәчәк. Бездә андыйлар – 31. Дөрес, алар барысы да турыдан-туры хезмәт күрсәтмәячәк, ә граждан те­ләгән страховкалау кампания­сенә заявкалар кабул итәчәк. Ягъни граждан үзе теләгән страховкалау компаниясенә килә, анда жирәбә буенча аңа полисы тапшырылачак страховкалау компаниясе ачыклана. Шул рәвешле чиратларсыз, тавыш-гаугасыз гражданга страховкалау полисы тутырыла. Страховкалау компания­ләре әлеге технология буенча эшләүгә җиңел һәм тиз арада төшенер һәм бу система инде якын чорда тулы куәтенә эшли башлар, дип ышанам, — диде бу хакта Рөстәм Мәрданов.

Хөкүмәт Премьер-министры белдерүенчә, “Бердәм агент системасы” әлегә ил күләмендә дә пилот проекты булып тора. Шул ук вакытта, республиканы анда катнаштыру буенча карар кабул ител­гән дә инде. Тәү чиратта ул республикада ОСАГО полислары белән хәл аеруча катлаулы булган Күмертау шәһә­рендә сынау үтәчәк. Бу эш шушы атнада башланырга тиеш. Күмертауда әлеге проект тиешле нәтиҗә биргән очракта, арытаба ул республика күлә­мендә эшкә кушылачак.

Рөстәм Мәрданов төбәккә инвестицияләр җәлеп итү өлкәсендә дәүләт дәрәҗәсендә алып барылучы эш тә уңай нәтиҗә бирүен сызык өстенә алды. Аерым алганда, аның белдерүенчә, эре финанс партнерлары ярдәмендә республикада берничә зур проектны тормышка ашыру күздә тотыла. Бу җәһәттән, республика җитәкчелеге, шәхсән Башкортстан Башлыгы Рөстәм Хәмитов федераль дәрәҗәдә алып барган күпсанлы сөйләшүләр нәтиҗәсендә “Башнефть” компаниясе акцияләр пакетын сату кичектерелүен дә Рөстәм Мәр­данов төбәкнең социаль-икътисади үсеше өчен зур казаныш дип атады.

Гомумән, Хөкүмәт Рәисе республика алдагы чорда тагын да югарырак социаль-икътисади үсешкә чыгачагын сызык өстенә алды.

— Ел ахырына кадәр без тулысынча диярлек уңай күр­сәткечләргә чыгачакбыз. Бер яисә ике параметр буенча гына билгеләнгән планга җитәл­мәвебез бар. 2017 елда исә үсеш тагын да югарырак булачак. Аерым алганда, тулай төбәк продуктын 2,5 процентка, икътисадка инвестицияләр агымын 5 процентка арттыру, барлык тармакларда да ныклы үсешкә чыгу максаты куела, —диде интервьюда Рөстәм Мәрданов.

Юраганнар юш килсен дигән теләктә калыйк. Иң мө­һиме, әлеге максатта республикада Хөкүмәт дәрәҗә­сендә колачлы эшчәнлек алып барыла, анык дәүләт стратегиясе булдырылган. Димәк, нәтиҗә­ләр дә озак көттермәс дияргә кирәк. Аннары, Хөкүмәт Премьер-министры ышандыруынча, инде көтәргә дә күп калмады. Бу җәһәттән, 2017 ел республика һәм илебез өчен чыннан да кризиска ка­дәрге үсеш темпларына чыгу елы буларак билгеләнсен иде дигән изге теләктә калыйк!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:











Новости русской версии сайта

Важная информация

Половодье-2017

* * *
Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


sendmail

Яңа номер

49 (25053)

от 27 апреля 2017 Архив номеров газеты







Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»