Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / 1986 елда йоклап киткән... һәм 2017 елда уянган

16.03: 1986 елда йоклап киткән... һәм 2017 елда уянган

1986 елда йоклап киткән... һәм 2017 елда уянганСалават Фәтхетдиновның яңа концерт программасы һәрвакыттагыча кызыклы һәм чагу булмакчы.

1997 ел. Искиткеч матур, җылы язгы көн. Без, БДУның өченче тулай торагында яшәүче бер төркем филология факультеты студенткалары, ашкынып-талпынып мегапопуляр җырчы Салават Фәтхетдинов концертына килдек. Зал тулы. Кайда урын бар, утыргычлар куелган, утыргыч җитмәгәннәр басып карый. Тамашачы арасында яулыклы әбиләр дә, яшь кенә кызлар да, олыгаеп баручы апалар да, ир-егетләр дә җитәрлек. Артистның һәр җырын йотлыгып тыңлыйлар, һәр чыгышыннан соң чәчәккә күмәләр... Бу — Салават Фәтхетдиновның Уфадагы беренче гастрольләре иде.


Ул вакыттан соң егерме ел үтте. Ә җырчы һаман да искиткеч популяр һәм ел саен яңадан-яңа моңлы җырлары белән тамашачы күңелен яулап тора. Быел ул Уфада беренче тапкыр матбугат конференциясе үткәрде. Чара җырчының Башкортстанда “Хәзинә- Тур” ярдәме белән үтәчәк концертлары (28 март-9 апрель) алдыннан оештырылды.

Гадәттә, матбугат кон­фе­рен­цияләре бер сәгать дәвам итә. Ә Салават Зәки улы белән журналист­ларның ике сәгать сөйлә­шеп тә сүзләре бетмәде. Русиянең һәм Башкорт­стан­ның атказанган артис­ты, Татарстанның халык артисты Салават Фәт­хетдинов, бернәрсә яшер­мичә, һәм ихлас итеп, 28нче иҗат сезоны, тормышы, гаиләсе, спорт белән шөгыльләнүе, заман җырчыларына карашлары һәм башка темаларга ачыктан-ачык сөй­ләде.

– Безнең җыр театры – гастрольләрдә иң күп йөрүче театр. Бу мактану түгел, киресенчә, сәламәт­лекне какшата. Ләкин туктап булмый. Туктарга ярамый да. Яшермим, кайвакыт ял итәсе, укыту белән генә шөгыльләнеп аласы килә. Тик артист тамашачы күзеннән бер югалды икән, башкача күренә алмаска да мөмкин. Югалырга ярамый, – ди җырчы. – Ә кем ничә ел күренә ала, монысы икенче мәсьәлә. Мин тамашачыма бик рәхмәтле­мен. Аеруча гади халыкка. Иң ихлас, иң яхшы тамашачы алар.

Ә Салават Фәтхетдинов йолдызының әле эстрада күгендә озак балкыйсы көн кебек ачык. Артист, чын мәгънәсендә, кайнап яши. Бихисап концертлар куя, иҗат итә, автоузышларда катнаша. Ул – автоспорт буенча халыкара класслы спорт мастеры. Соңгы елларда афоризмнар язу белән дә шөгыльләнә. Педагогик эшчәнлеген дә күңел биреп башкара. “Талантларга ярдәм кирәк, талантсызлар үзләре дә юл табар”, дигән принцип белән эшләвен әйтте ул. Бернинди “блат”ка карамыйча, чынлап тавышы, моңы булганнар гына – аның укучылары.

Гаиләсе хакында да бик яратып сөйли җырчы. Ике кызы да кияүдә, өч оныгы бар. Улы Рөстәмгә – 14 яшь. Хатыны Ләйсән турында ул “Искиткеч акыллы, яхшы хатын, ныклы терәгем, юанычым булып чыкты. Гастрольләрдә озак йөр­сәм, аны бик сагы­нам”, – дип телгә алды. “Һәр бөек ир-егет артында бөек хатын-кыз тора”, дип юкка әй­телмәгән шул.

Икътисад, фән, сәясәт кебек үк, сәнгатькә дә караш беренче урыннарда булырга тиеш, дип саный артист. Аның сүзләре белән әйткәндә: “Телне, динне һәм милләтне бары тик язучылар һәм җыр­чылар гына саклап кала ала”.

Бүгенге заманча татар эстрадасында билгеле артистны аеруча җырларда милли яңгырашның югалуы һәм кайбер яшь җырчы кызларның тыйнаксыз киенүе борчый. Бу уңайдан Татарстан дизайнерла­рының бер-берсен кабатламаган искиткеч матур, мөселманча 60 сәхнә кос­тюмы иҗат итүенә соклануын белдерде.

Әйткәндәй, Салават Фәтхетдинов быел журналистларга игътибар бү­лүенең сәбәбен болай аңлатты: “Концертларыма кешенең күп килүен телим. Килгән беркем дә үкенеп кайтып китмәячәк. Тамашабыздан тәрбия дә, фәһем дә, рухи азык та алырлар”.

Ә Салават концертлары ел саен гади номерлар чиратлашуы гына түгел, махсус сценарий буенча җырлы-юморлы театрлаштырылган тамаша рәве­шендә үтә. Артист быел­гысының да серен чиште бераз: 1986 елда йоклап киткән бер кеше 2017 елда уянып китә һәм шаккатмалы вакыйгалар эчендә кайный башлый. Бертуктаусыз үзен Советлар Союзына кайтаруын таләп итә. Нәрсә булыр аның белән? Күрербез!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



«ХӘЕРЛЕ ТӨН» КӨН КҮРДЕ!
1-08-2017 :: Рухият
«ХӘЕРЛЕ ТӨН» КӨН КҮРДЕ!
Туган ягы кирәк кешегә!
20-07-2017 :: Рухият
Туган ягы кирәк кешегә!








Новости русской версии сайта


Яңа номер

96 (25100)

от 19 августа 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»