Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Икенче “Пугачевский” совхозы бу!

31.03: Икенче “Пугачевский” совхозы бу!

Икенче “Пугачевский” совхозы  бу!“Азат” җәмгыятендә быел 9 мең гектарга якын мәйданда чәчәчәкләр.

Заманында республикадагы ашлыкның 1 проценты Федоровка районының даны бөтен илгә таралган “Пугачевский” совхозында үстерелгән, диләр. Аның сөренте җирләре генә дә 20 мең гектарны алып торган. Кызганыч­ка каршы, заман зилзиләләренә бәйле, бу совхоз бүген юк инде. Аның каравы, районда “Пугачевский” совхозы данын тергезү юлында максатлы һәм нәтиҗәле эш алып баручы хуҗалыклар, башкача әйтсәк, аның варислары бар. Шуларның берсе – “Азат” җәмгыяте.


Моңа кадәр җәмгыять 7 меңгә якын гектарда чәчкән булса, быел “Родина” хуҗа­лыгы җирләренең дә бер өле­шен үзләштереп, аның сөрен-теләре 8894 гектарга җитәчәк. Бу күләм дә “Азат”лыларны һич кенә дә куркытмый. Яңа техника сатып алуга һәм булганнарын сакчыл тотынуга җитди игътибар бирүче хуҗа­лыкта язгы кыр эшләрен иң кыска вакытта, ягъни тиешле агротехник срокларда башкарып чыгарга исәп тоталар.

— Март туганчы ук 19 трактор, шул исәптән ике — К-700, дүрт — Т-150, ике — ДТ-75 һәм унбер “Беларус” төзекләндерелеп, әзер­лек сызыгына бастырылды. Тагылма инвентарь һәм башка корылмалар да җитәрлек һәм барысы да төзек. Орлык, ашлама, ягулык, язгы чәчүне оешкан төстә үткәрү өчен башка кирәк-ярак та җитәрлек күләмдә туп­ланды, — ди “Азат” җәмгыяте җитәкчесе Рәфис Дашкин.

Аерым алганда, җир өлгерүгә быел хуҗалык басуларына бер “Агромастер”, дүрт “Омичка” агрегаты, СЗ-5,4 чәчкече һәм көнбагыш чәчү өчен биш агрегат чыгачак. Бу җәһәттән “Азат” җәмгыяте быел гына үлән чәчү өчен СЗТ-5,4 агрегатын, “Омичка” агрегатына биш чәчкеч, бер агулау корылмасы, бер культиватор, бер “Дон-680” мал азыгы хәзерләү комбайны, ике “Акрос” ашлык уру комбайны сатып алган.

— Уҗым культуралары 2320 гектарда чәчелде. Сабанашлык 2510 гектарны биләя­чәк. Янә килеп 350 гектарда — арпа, 400 гектарда — солы, 720 гектарда — көнбагыш, 185 гектарда — карабодай, 400 гектарда ашлыкка кукуруз, 400 гектарда — суданка, 800 гектарда берьеллык һәм 860 гектарда күпьеллык үләннәр чәче­ләчәк. Быелгы чәчү эшләре тулысынча традицион ысул белән башкарылачак. 2017 елда исә быел әйләнешкә кертеләчәк “Родина” хуҗа­лыгы басуларында якынча 2 мең гектар мәйданда җирне ноутил ысулы буенча эшкәртүгә күчәчәкбез. Мо­ның өчен якынча 20 миллион сумлык махсус техника сатып алу таләп ителә. Ел уңай килеп, көзгә безнең мондый мөмкин­лек булыр, дигән ышанычтабыз. Дөньяда киң таралган әлеге ысул безнең шартларда да үзен тиешенчә аклаган очракта, әлеге тәҗрибә бөтен хуҗалык буенча таратылачак, — ди Рәфис Сәетгәрәй улы.

Үсемлекчелек белән бер­гә терлекчелек тармагын үстерү юнәлешендә дә “Азат” җәмгыяте колачлы эшчәнлек алып бара. Биредә сыер маллары саны 1900 башка җиткән.

— Быел республика җитәкчесе Рөстәм Хәмитов башлангычы белән тормышка ашырылучы “500 ферма” программасына кушылдык. Аның кысаларында Югары Явыш авылында 200 баш сыерга һәм “Родина” хуҗа-лыгы базасындагы шул ук куәт­тәге ферма бинасы рекон­струкция­ләнәчәк, — ди Рәфис Дашкин.

Хәер, бүген үк хуҗалыкта һәр сыердан уртача 14,5 килограмм сөт савып алалар. Бу былтыргы күрсәткечтән 800 граммга күбрәк. “500 ферма” программасы кысаларында терлекчелек биналарын рекон­струкция­ләгән­нән һәм яңа базада сыерларны токымлыга алыштырганнан соң әлеге күр­сәткечнең тагы да сизелерлек артуы көтелә.

Гомумән, Фрунзе исемен­дәге хуҗалык белән ел саен беренче-икенче урыннарны бүлешүче, соңгы чорда гына техника паркын 60 процентка яңарткан, җитештерү куәтлә­рен бермәбер арттырган, сө­рен­теләрен исә 9 мең гектарга җиткергән “Азат” җәмгыятен районда кайчандыр республика, ил күләмендә дан тоткан “Пугачевский” совхозына тиң­лиләр. Хәер, зур тәҗрибәле хуҗалык җитәкчесе Рәфис Дашкин да нәкъ шундый максат куеп эшләүләрен яшерми.

— Бүген ил җитәкчелеге дә, республика җитәкчелеге дә авыл хуҗалыгында эре җитеш­терү комплекслары булдыру бурычы куя. Бу — гаять дөрес, аек акыллы һәм икътисади яктан ныклы акланган сәясәт. Без дә алдагы чорда шушы югарылыкка күтәрелеп, район­ның һәм республиканың аграр тармагын билгеләүче куәтле предприятиеләрнең берсенә әверелү максаты куябыз. Иң мөһиме моның өчен бөтен шартлар бар. Куәтле проектларны тормышка ашыру өчен анык дәүләт ярдәме күрсәтелә, район җитәк­челеге һәр башлангычны хуплап, уңайлы җирлек тудыра. Шуңа да киләчәккә зур өмет-максатлар белән карыйбыз, — ди Рәфис Дашкин.

Агымдагы елда Федоровка районы аграр конференциясе “Азат” җәмгыятендә үтәчәк. Бу җәһәттән бире-дәге алдынгы тәҗрибә бе­лән танышу райондагы башка хуҗалыклар эшчәнлегенә дә яңа сулыш бирер дияргә кирәк. Үз чиратында “Азат” җәмгыяте районга киң билгеле “Пугачевский” сов­хозының данын да, һич­шик­сез, кайтармый калмас!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Симез казның...  бәбкәсе булмый
18-03-2017 :: Авыл хуҗалыгы
Симез казның... бәбкәсе булмый
Ярминкә үтә
16-03-2017 :: Авыл хуҗалыгы
Ярминкә үтә
Киләчәктә бәрәңге ишелеп уңачак!
15-03-2017 :: Авыл хуҗалыгы
Киләчәктә бәрәңге ишелеп уңачак!
Бәрәңге үз чиратын көтә!
12-03-2017 :: Авыл хуҗалыгы
Бәрәңге үз чиратын көтә!
Малларның... үз паспорты булачак
9-03-2017 :: Авыл хуҗалыгы
Малларның... үз паспорты булачак
Бодайдан  бананга күчмәсәк иде
2-03-2017 :: Авыл хуҗалыгы
Бодайдан бананга күчмәсәк иде








Новости русской версии сайта

sendmail

Яңа номер

35 (25039)

от 25 марта 2017 Архив номеров газеты






Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»