Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Монда “хатын-кыз”лар гына!

13.04: Монда “хатын-кыз”лар гына!

Ферма мөдире Зиннур Йосыпов һәм зоотехник Альфред Йосыпов.Ферма мөдире Зиннур Йосыпов һәм зоотехник Альфред Йосыпов.Республикада “герефорд” токымлы таналар хәзер тулысынча Федоровка районының Коры Иҗәк авылында тупланган.

“Үзәк” МТСы Миякә филиалы Федоровка бүлекчәсенең Коры Иҗәк фермасына бер ел элек килгән вакытта безне комплекстагы азык тулы улаклар янында үз дәрәҗәләрен белеп, салмак кына күшәп торучы тоннага якын авырлыктагы “герефорд” токымлы үгезләр каршы алган иде. Дөресен әйткәндә, бу юлы да Коры Иҗәккә көр, елкылдап торучы тиреле әлеге мәхлуклар белән тагын бер сокланырбыз, дигән уйда килдек. Әмма бу юлы безне үгезләр утарында шундый ук токымлы сыерлар каршы алды. Хәер, болары да көрлеге, ашауга нык булулары һәм “дәрәҗә саклау”лары белән аерылып тора.
– Югарыдагы оешма карары нигезендә былтыр бездән симертүдәге малларны алдылар. Хәзер без фәкать “герефорд” токымлы таналар җитеш­терүдә махсуслашабыз. Шул рәвешле бүген хуҗалык фермаларында 486 баш сыер малы исәпләнә. Аларның 198е – сыерлар, 104е – башмаклар, 43 башы бүгеннән сатуга әзер бер елга кадәрге башмаклар, 133е – бозаулар.
Эш технологиясенә килгәндә, бозауларны 8 ай дәвамында имезүдә тотабыз. Сөтчелек белән шөгыль­ләнмибез. Арытаба үгез бозаулар аерып алынып, симертү өчен Миякә МТСына җибәрелә. Без исә фәкать таналарны әзерләү, алардан “герефорд” токымлы яхшы сыерлар алу өстендә эшлибез. Бу яклап караганда, бүген без республикада “герефорд” токымлы таналар тупланган бердән­бер үзәк булып торабыз, – диде, комплекс эшчәнлеге белән таныштырып, аның мөдире Зиннур Йосыпов.
Әйтергә кирәк, биредә үстерелгән “герефорд” токымлы таналар итчелек юнәлеше белән шөгыльләнүче фермер хуҗалыклары арасында зур ихтыяҗ белән файдалана икән. Бу җәһәттән, быел гына да, ягъни төп “сату-алу” сезоны башланганчы ук, 14 тананы сатып өлгергәннәр. Шул ук вакытта таналарның бәясе түбән дип әйтеп булмый, берсе якынча 60 мең сумга төшә. Аның каравы, бу токымлы сыерлардан алынган бозаулар ел ярым үтүгә үк 500 килограммга кадәр авырлык җыя һәм хуҗасына чагыштырмача тиз арада зур табыш китерә.
– Бүгеннән сатуга әзер 43 танабыз бар. Алырга теләүчеләр булса, рәхим итсеннәр. Алмасалар да кайгырмыйбыз, алар исәбенә сыер көтүен яңартабыз. Көтүне 250 башка җиткерү мөмкинлеге бар. Моның өчен азык запасы да, көтүчеләр дә, ферма куәтләре дә җитәрлек, – дип сүзгә кушылды зоотехник Альфред Йосыпов.
Өстәп, шуны да әйтергә кирәк: кайбер хуҗалыклардан аермалы буларак, ферма эшче көчләргә дә кытлык кичерми. Фәнил Хәкимов, Иван Семенов, Айрат Хәсәнов, Азат Әбҗә­лилов, Шәүкәт Раимов һәм Александр Закузников кебек алдынгы терлекчеләр биредә чын мәгънәсендә көнне төнгә ялгап эшли. Хәер, моның өчен ныклы нигез дә бар. Ферма мөдире белдерүенчә, терлек­челәрнең уртача айлык хезмәт хакы 20-23 мең сумга җитә, барлык социаль йөклә­мәләр дә үтәлә. Шулай булгач, ни өчен күңел биреп, тырышып, чат ябышып эшләмәскә?!
Язманы “Монда “хатын-кыз”лар гына” дип атасак та, бу чынбарлыкка бик үк туры килеп бетми, чөнки токымчылык эше өчен иң зур җавап­лылык биредә асралучы “герефорд” токымлы ун нәсел үгезенә йөклә­телгән. Шул рәвешле аларның тырышлыгы нәтиҗәсендә дә узган елда йөз сыердан 82 бозау алынган булса, быел бу күрсәткечне 90га җиткерү бурычы куелган. Үгезләр дә, сыерлар да, биредәге токымчылык эше өчен җаваплы алдынгы хезмәт коллективы да сынатмас һәм республикада “герефорд” токымлы таналар үстерүче бердәнбер үзәкнең даны Башкортстан белән генә чикләнмичә, тагын да ераккарак танылыр дигән изге теләктә калыйк!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Үрчем әйбәт булсын өчен...
Сегодня, 11:10 :: Авыл хуҗалыгы
Үрчем әйбәт булсын өчен...
Сарыкларның җанын кем кыя?
24-06-2017 :: Авыл хуҗалыгы
Сарыкларның җанын кем кыя?
Иң җитезләр — җиңүчеләр!
22-06-2017 :: Авыл хуҗалыгы
Иң җитезләр — җиңүчеләр!
Маллар...  “банкрот”тан   алып чыга
17-06-2017 :: Авыл хуҗалыгы
Маллар... “банкрот”тан алып чыга
Явымсыз көнне көткән чак
15-06-2017 :: Авыл хуҗалыгы
Явымсыз көнне көткән чак
“Биш”кә  эшлиләр!
8-06-2017 :: Авыл хуҗалыгы
“Биш”кә эшлиләр!








Новости русской версии сайта


Яңа номер

74 (25078)

от 27 июня 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»