Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Хатын-кыз башлы… бүреләр

14.03: Хатын-кыз башлы… бүреләр

Хатын-кыз  башлы… бүреләрАларның явызлыгыннан ирләр хәтта акылдан шаша икән.

Пиреней тау тезмәләренең Франциягә караучы өлешенең нәкъ уртасында, Кусеранс шәһәреннән ерак та түгел “18 үзән төбәге” дип аталучы урын бар. Нәкъ менә шушында 50 елга бер тапкыр кеше ышанмаслык хәл-вакыйгалар теркәлә. Аларның соңгысы 1972 елның сентябрендә булган.


Тургуилла үзәнен Пиреней тауларының 11 калкулыгы, тау түбәләре уратып алган. Ә шуларның нәкъ уртасында халыкны үзенең искиткеч матурлыгы, чип-чиста ачык зәңгәр суы белән шаккатыручы, сокландыручы Алет күле урнашкан. Бу урыннар турында бик күп легендалар һәм риваятьләр яши, шуларның берсенә ярашлы, нәкъ шушы тирәләрдә хатын-кыз башлы бүреләр халыкның котын ала. Шуның өчен дә кешеләрне бу алдаткыч матурлыктан сак булырга, әлеге күлгә бик якын килмәскә, бу үзәннән ерак йөрергә чакыручы кисәтү биредә буыннан-буынга тапшырылып килә, чөнки Алет­ның искиткеч матур суларында бик күпләр сәер һәм серле рәвештә юкка чыккан.

Риваятьләргә ярашлы, бу күл буенда бик мәкерле сихырчы хатын-кызлар яши. Алар соңга калган юлчыларны, мосафирларны үзләренә якынрак алдатып чакырып ала да икенче үлчәмдәге дөньяларына алып кереп китә икән. Ул кешеләрнең кайберләре берничә атнадан бу дөньяга әйләнеп тә кайта, ди, ләкин инде тышкы кыяфәтләре шактый картайган була, ә “тегендәге” тормыш турында сөйләгәннәре тыңлаучы­ларның котын ала, чөнки бик коточкыч хәлләр турында бәян итә икән алар. Аларга, әлбәттә, берсе дә ышанмаган, ә берничә айдан “тегеннән” кайтучыларның барысы да акылын җуйган, сантыйланган.

Шулай итеп, 1972 елның сентяб­рендә яшь геолог Поль Леблан төркеменнән артта кала һәм Тургуилла үзәнендә Алет күленнән ерак түгел адаша. Бик нык дулкынланган иптәшләре Польне төн буе эзли. Бу да уңыш белән тәмамланмагач, бу урыннарның һәр квадрат метрын вертолеттан да тикшереп, тагын берничә көн эзлиләр, ләкин барысы да нәтиҗәсез була.

Ике ай үткәч, Поль Гузе-Нейж дигән курорт шәһәрчеге тирә­сендә пәйда була. Урындагы халык аның сөйләү­ләреннән һәм сорауларыннан бик көчле курку, стресс кичерә. Геолог сөйләвенчә, аңа 33 яшь, әмма кешеләр аңа кыяфәте буенча илледән дә ким бирми. Ул, имеш, озак еллар храмда рухани булып хезмәт иткән, мәхәллә халкы белән берлектә үзләрен хатын-кыз башлы явыз бүреләрдән коткаруын үтенеп, Ходайга ялварган.

Поль үзенең кайчандыр геолог булганлыгын да хәтерли, әмма бу бик озак еллар элек булды, ди. Әлбәттә, аның сөйләгәннәренә бик күпләр көлеп кенә караган, аны “матчасы киткән” дип уйлаганнар, әмма ата-бабаларыннан тапшырылып килгән риваятьләр­не хәтерләүчеләр аңа ышанган. Чыннан да, элек риваять дип кенә кабул ителгән хәл-вакыйгалар чын булса, риваять тә риваять кенә булып калмый бит!

Менә шундый хәлләр, иптәш­ләр. Хатын-кыз башлы бүреләр бу тирәләрдә элек тә булганлыктан, Алет күле буенда яшәүчеләр хәзер бу хәлләрнең алдагы юбилей елын көтә. Кызыксынып та, куркып та...


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Яшен алласы акчаларны  саклаганмы?
Сегодня, 00:00 :: Серле сериал
Яшен алласы акчаларны саклаганмы?
Йортыңны яхшы урынга салдыңмы?
8-08-2017 :: Серле сериал
Йортыңны яхшы урынга салдыңмы?
Күчмә комның  куркынычы яман
3-08-2017 :: Серле сериал
Күчмә комның куркынычы яман
Гарри Тюрнерга  сәер һөҗүм
18-07-2017 :: Серле сериал
Гарри Тюрнерга сәер һөҗүм
Җан кергән робот кемнән үч алган?
25-04-2017 :: Серле сериал
Җан кергән робот кемнән үч алган?








Новости русской версии сайта


Яңа номер

97 (25101)

от 22 августа 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы











Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»