Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Халкыбызның шәрәфле шәхесе!

06.08: Халкыбызның шәрәфле шәхесе!

Халкыбызның  шәрәфле шәхесе!Фәрит Бикбулатов Зилаер районының Мәкъсүт авылында туган. Күпбалалы гаилә бик тиздән ятим кала, районда абруйлы судья булып эшләгән әтиләре Бөек Ватан сугышында башын сала. Өлкән абыйсы Шаһитны да армиягә чакыралар. Бәхеткә, ул сугыштан исән кайта, киләчәктә галим, күп­санлы фәнни хез­мәтләр авторы буларак танылу ала. Фәритне исә, Юлдыбай авылында җиде сыйныф тәмам­ла­ганнан соң, район комсомол комитеты халыкны мәдәни агарту эшенә юллый, егет киномеханик булып эшли.

Совет Армиясендә хезмәт итеп кайткач, Уфаның 1нче һөнәрчелек-техник училищесында токарьлыкка укый, шул ук вакытта җәмәгать тормышында актив катнаша, үзешчән сәнгать белән мавыга, шәһәр профсоюзларының хор коллективларында җырлый, “Строитель” клубының үзеш­чән театрында спектакль­ләрдә уйный. Менә сиңа токарь!
Училищены тәмамлаганнан соң, Уфа моторлар төзү заводында эшли башлый ул. Үзен яхшы яктан гына таныткан эшче буш вакытын да файдалы үткәрә: хор һәм драма түгәрәк­ләрендә дәресләр алып, завод каршында эшләп килүче Калинин исемендәге Мәдәният сараеның агитация бригадасында катнаша. Завод коллективы егет­нең талантын күрә һәм аны Уфа сәнгать училищесына укырга юллый. Һәм ул 1969 елда — учи­лищеның вокал бүлеген, ә соңрак, 1981 елда, Башкортстан дәүләт универси­тетының филология факультетын тәмамлый.

Башкала тормышында кайнап яшәве, белемен камил­ләштерүе егетнең сәләтен үс­терә, иҗади мөмкинлеклә­рен киңәйтә. 1967 елда Уфа­ның һөнәри-техник оешма коллективлары Польшага гаст­роль­гә бара, Уфа исе­меннән чыгыш ясау Фәрит Бикбулатовка йөкләтелә. Башкорт халык авыз иҗаты гәүһәрләрен тәкъдим иткән чыгышлары искиткеч уңыш яулый. Яшь җырчының чагу таланты хакында хәтта чит ил гәзитләре дә язып чыга.

Фәрит Хәйбулла улы Башкортстан дәүләт телевидение­сендә 21 ел дәвамында хезмәт сала. Диктор, мөхәррир, музыкаль редак­циянең баш мөхәррире вазыйфаларын башкара. Эш дәверендә үзен кабатланмас, гадәти булмаган шәхес, квалификацияле журналист, профессиональ җыр­чы, талантлы куючы (постановщик), көн кадагына суккан темаларга телевидение тапшырулары, кызыклы фести­вальләр, күпсан­лы конкурслар, бәйрәмнәр әзерләүче итеп таныта. Шул ук вакытта җырла­вын да дәвам итә. “Зөлхи­җә”, “Сибай”, “Урал”, “Шәүрә” һәм башка күп җырлары зур популярлык яулый.

Сәләтле яшьләрне һәм иҗат коллективларын үстерү­дә, аларга ярдәм күрсәтүдә Фәрит Бикбу­латовның өлеше зур. Аның хәйрия эшенә дә зур игътибар бүлүе билгеле. Иҗат коллективларын, яшь талантларны җәлеп итеп, ул дәваханәләрдә, балалар йортларында, мәктәпләрдә зур бәйрәм концертлары оештыра.

Фәрит Бикбулатов — башкорт эстадасы җырларын башкаручы буларак, халык сөюен яулаган, милли һөнәри сән­гать үсешенә зур өлеш керткән кеше. Аның башкаруында профессиональ һәм үзешчән ком­позитор­ларның җыр­лары шлягер булып китте. Төп сәбәбе: лирик тавышының тембры күңелгә ятышлы. Концертлары һәрчак тулы залларда уза. 1990 елда аның җитәкчелегендә “Башкортстан” иҗат клубы булдырыла.

Музыка сәнгатендә зур казанышларга ирешкән өчен Башкорт АССРының Югары Советы Президиумы карары белән Фәрит Хәйбулла улына 1978 елда — “Башкорт АССРы­­ның атказанган артисты”, ә 1986 елда “Халык артисты” исеме бирелә. Шулай ук, Фәрит Бикбулатов телерадиотапшырулар буенча СССР дәүләт комитетының, Тынычлык саклау комитеты, Уфа шәһәр Советының Мактау грамоталары белән бүләкләнә.

Җырчы, иҗат коллективлары белән гастрольләргә йөреп, башкорт халкының сәнгатен киң җәмәгатьчелеккә тарата, аңа Мәскәү, Бурятия, Татарстан, Якутия, Германия, Польша тамашачылары алкышлый. 2005 елның июнендә Фәрит Бикбулатовка “Уфа шәһәренең шәрәфле шә­хесе” дигән мактаулы исем бирелә.

Соңгы елларда Фәрит Бикбулатов тамашачылар каршына яңа сыйфатта да килеп басты. 2010 елда Аксаковның йорт-музеенда аның иҗади эшләре күргәзмәсе ачылды. Үзе әйтүен­чә, рәсем төшерү белән ныклап мавыгуы 60 яше тулганда гына башлана. Әсәр­ләренең төп темасы — туган Башкорт­станының табигате, үзе туып-үскән якларның матурлыгы. Пейзажларыннан, нәкъ җыр­ла­рындагы кебек, яктылык, наз сирпелеп тора. Профессиональ рәс­сам­нар Фәрит Хәйбулла улының эшләрен югары бәяли. Алар­ның белде­рүенчә, рәссам үз эшлә­рен башкаларга күр­сә­тергә ояла. Дуслары, туганнары соравы буенча гына ул иҗат җимешләрен киң җәмә­гать­челек игътибарына тәкъ­дим итә.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:











Новости русской версии сайта


Яңа номер

75 (25079)

от 29 июня 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»