Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Күп балалы гаиләләргә — Президент күчтәнәчләре

30.12: Күп балалы гаиләләргә — Президент күчтәнәчләре

Күп балалы гаиләләргә — Президент күчтәнәчләреИлеш районында күп балалы 24 гаиләдә тәрбияләнүче 134 балага республика Президенты Рөстәм Хәмитовның Яңа ел күчтәнәчләре таратылды. Бүләкләнүчеләр арасында 9ар бала тәрбияләүче Рсай авылыннан — Ахуновлар, Теләкәйдән — Ямаловлар, Югары Яркәйдән Нургалиевлар гаиләләре бар иде.

— Районыбыз күпбалалы гаиләләре белән элек-электән дан тота. Бүген районда күпбалалы 550 гаилә исәпләнә. Соңгы елларда шулар арасыннан 9 бала тәрбияләүче дүрт гаиләгә — “ГАЗель” автомобиле, 3 гаиләгә торак сертификаты тапшырылды. Моннан тыш, һәр Яңа ел бәйрәме алдыннан районның күпбалалы иң үрнәкле гаиләләрендә тәрбияләнүче балаларга Президент күчтәнәчләре тарату да күркәм традиция санала, — диде, тантаналы чарада чыгыш ясап, Дүртөйле районы һәм шәһәре буенча халыкны социаль яклау үзәгенең Илеш районы бүлеге начальнигы Татьяна Васильева.
Тантаналы чарага район хакимиятенең мәгълүмат-аналитика бүлеге начальнигы Рамил Нуретдинов та чакырылган иде. Ул чарага җые­лучыларны районның социаль-икътисади хәле белән та­ныштырып үтте, уңышлары турында сөйләде, район хакимияте башлыгы Илдар Мостафинның бәйрәм кот­лавын җиткерде.
Балалар бу вакытта укуда һәм балалар бакчасында булу сәбәпле, Президентның Яңа ел күчтәнәчләрен алырга аларның әти-әниләре килгән иде. Рамил Нуретдинов һәр гаиләнең тормыш-көнкүреш хәлләре турында сорашты, шатлыкларын уртаклашты.
Соңгы вакытта респуб­ликада күпбалалы гаиләләргә социаль контракт нигезендә мөгезле эре терлек сатып алуга адреслы ярдәм күрсәтелә башлады. Шуның нигезендә, агымдагы елда районда күпбалалы 28 гаилә белән шәхси хуҗалыкларны үстерүгә юнәлтелгән контрактлар төзелде. Бүләкләнүчеләр арасында әлеге программада катнашучылар да бар иде.
— Агымдагы елда социаль контракт нигезендә дәүләттән кире кайтарылмый торган 32 мең сумлык субсидия алдык. Аны терлек сатып алуга тотындык. Бүген ихатабызда ике савым сыеры бар. Аларның сөте үзебезгә дә, дәүләткә тапшырырга да җитә, — диде Иске Кыргыз авылыннан 5 бала тәрбияләүче Руслана Мө­хәммәдрина.
Теләкәй авылыннан Ямаловлар өчен агымдагы ел аеруча истәлекле булган — аларга “ГАЗель” автомобиле тапшырылган. Рсай авылыннан Ахуновлар исә мондый машинага былтыр ук ия булган.
— “ГАЗель” алгач, тормышыбыз тагын да ямьләнеп, җиңеләебрәк киткәндәй булды. Хәзер 9 балабызны берьюлы утыртып, кунакка да бара, табигать кочагына да чыга алабыз. Безнең кебек күпбалалы гаиләләрне даими хәстәрләп, эзлекле социаль ярдәм күрсәтеп торганнары өчен ил, республика, район җитәкчеләренә чын күңелдән рәхмәтебезне белдерәбез, — диде күпбалалы әниләрнең берсе Светлана Ахунова.
Киләчәктә дә дәүләт мондый гаиләләрне игъти­барыннан читтә калдырмасын, аларның тормыш-көнкүреш шартларын җиңеләйтүгә юнәлтелгән яңа программалар кабул итсен дигән теләктә калыйк. Ә иң мөһиме — сабыйлар тулы һәм имин гаиләләрдә генә тәрбияләнсен иде!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Хаклар - үргә!
22-06-2017 :: Социаль өлкә
Хаклар - үргә!
Йортыгыз котлы булсын!
21-06-2017 :: Социаль өлкә
Йортыгыз котлы булсын!
Өй туйлары булачак әле!
8-06-2017 :: Социаль өлкә
Өй туйлары булачак әле!
Бии белсәң, проектта катнаш!
7-06-2017 :: Социаль өлкә
Бии белсәң, проектта катнаш!
Алар Нөгештә ял итәчәк!
7-06-2017 :: Социаль өлкә
Алар Нөгештә ял итәчәк!
Талон заманы кайта
7-06-2017 :: Социаль өлкә
Талон заманы кайта
“Ана даны” медале — Зәлиядә!
6-06-2017 :: Социаль өлкә
“Ана даны” медале — Зәлиядә!
Балалар өчен яңа үзәк төзеләчәк
2-06-2017 :: Социаль өлкә
Балалар өчен яңа үзәк төзеләчәк








Новости русской версии сайта


Яңа номер

74 (25078)

от 27 июня 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Общероссийский проект «Россия – Моя история!»


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»