Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Күзләреңә бер каравым җитә...

15.04: Күзләреңә бер каравым җитә...

Күзләреңә бер  каравым җитә...Күзләргә һәрвакыт куркыныч яный. Моннан ун ел элек күз кызарудан бик азлар гына интексә, хәзер аңа ком кергән кебек тоелу, артык талчыгу, кызару һәр икенче кешегә яхшы таныш. Табиблар да еллар үткән саен күздәге киеренкелекнең арта баруын әйтә. 35-40 яшьтәгеләр моңарчы бик әйбәт күргән булсалар, хәзер алар да күзләренең талчыгуыннан зарлана.

Табиб-офтальмологлар бу хәлне әйләнә-тирәнең агрессивлашуы белән бәйле дип аңлата. “Бүген без күзгә зыян салучы күп факторлар белән очрашабыз. Аларга каршы көрәшү өчен зур көч тә таләп ителми. Бары күзләребезгә игътибарлырак булырга гына кирәк”, – ди алар. Мәсәлән, суыту һәм җылыту системасы бүлмәдәге һаваны корыта. Шуның аркасында күздәге яшь пәрдәсе кибә. Күп вакыт кычыту, кызару да шуңа бәйле.
Озаклап компьютер алдында утыру да күзләргә зыянлы. Бу вакытта без күзне ешрак йомып-ачып алабыз икән. Күпләр монитор белән күз арасындагы ераклыкны сакламый. Бу да файдага түгел.
Тәмәке төтене һәм пычрак һава төрле инфек­цияләргә сәбәпче була. Бу очракта күз кызарып кына калмый: бертуктаусыз яшь тә ага башлый. Конъюнктивит һәм катаракта авыруларын һавадагы начар матдәләр китереп чыгарырга мөмкин.
Әйе, саклану һәркемнең үзеннән тора. Эш бүлмә­сендәге дымлылык начар булса, махсус һава дымландыргыч алырга кирәк. Һич югы гөлләр өчен кулланыла торган су сиптергеч алырга була. Күз өчен махсус тамчылар сатыла. Компьютерда эшләгәндә сәгать саен ял итеп алырга кирәк. Күнекмәләр ясау да, йөреп керү дә комачауламый. Тәмәке төтененнән дә сакланыгыз.
Эштә дә игътибарлы булырга кирәк. Мәсәлән, төзелештә, эретеп ябыштыруда эшләүчеләрнең күз алмаларына тузан, ком, төрле металл кыйпылчыгы ябышырга мөмкин. Очлы әйбер кадалу куркынычы бар. Газ, кислоталар белән эшләгәндә сак булыгыз.
Авырта башласа, күзне яхшылап су белән юыгыз. Табиблар Корнерегель кебек тынычландыра, ялкынсынуны киметә торган мазь тәкъдим итәләр. Гади генә ысулларның ярдәме тими икән, кичекмәстән табибка барырга кирәк. Зур шәһәр­ләрдәге ашыгыч ярдәм пунктларына тәүлекнең теләсә кайсы вакытында мөрәҗәгать итәргә була.
45 яшьтән соң һәр кеше диярлек укыганда, язганда, энә күзләгәндә кыенлык кичерә башлый. Күрү сә­ләте начарланмасын өчен үз вакытында күз табибына күренергә һәм күзлек яздырып алырга кирәк. Күзлек якыннан яки ерактан күрмәүчеләргә, олы яшьтә­геләргә булыша. Сезгә күзлек алырга кушсалар, табиб киңәшләрен истә тотыгыз. Беркайчан да кеше күзлеген кимәгез. Бу күрүне тагын да начарайтырга мөмкин.
Кояштан саклый торган күзлекләр олы яшьтәгеләр өчен дә файдалы. Моны замана модасы дип кенә кабул итү дөрес түгел. Андый күзлекләр кояш нурларын уздырмый һәм шунлыктан күзләрне катаракта барлыкка килүдән саклый. Җәен кара күзлек тузанлы җилне дә тидерми, бу исә яшь агуны киметә.
Соңгы вакытта күзлек урынына линзалар кулланыла башлады. Аны күзнең алмасына куялар. Нинди чималдан ясалуына карап каты, йомшак булырга мөмкин. Линзаларны махсус савытларда саклыйлар. Көн дә чистартып тору өчен сыекча кулланалар. 60 яшьтән өлкән кешеләргә линза кию тыела. Алар кератит барлыкка китерергә мөмкин. Кератит – мөгез катлауның ялкынсынуы, ә ул үз чиратында озак дәва­лана һәм кайчак күзгә ак төшүгә китерергә мөмкин.
Күзләр бигрәк тә А, С, В1, В2, В3, В9 һәм В12 витаминнарына мохтаҗ. С витамины гөлҗимештә, татлы борычта, кара карлыган, кәбестә, укроп, җир җилә­гендә күп. Тик яшелчә һәм җиләк-җимешне кайнатканда андагы С витамины юкка чыга. А витамины – каротин күз күремен яхшырта. Бу витаминны аз кулланганда күзләр кызара, кибә башлый. А витамины кишердә, петрушка, кара миләш, помидор, балан, абрикос, бавырда күп. В витамины ит ризыкларында, йомырка сарысында, бигүк куе булмаган сөттә күп.


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Билгеле табибка тактаташ ачылды
26-05-2017 :: Сәламәтлек саклау
Билгеле табибка тактаташ ачылды
Яман шештән сакланыгыз!
17-05-2017 :: Сәламәтлек саклау
Яман шештән сакланыгыз!
Йөрәкләргә  юл таба белә ул
13-05-2017 :: Сәламәтлек саклау
Йөрәкләргә юл таба белә ул
Кан басымыңны контрольдә тот!
13-05-2017 :: Сәламәтлек саклау
Кан басымыңны контрольдә тот!
Балалар  күңеленә ачкыч
13-05-2017 :: Сәламәтлек саклау
Балалар күңеленә ачкыч
Геморрагик бизгәктән сак булыгыз!
13-05-2017 :: Сәламәтлек саклау
Геморрагик бизгәктән сак булыгыз!
Кан төркемеңә карап аша!
11-05-2017 :: Сәламәтлек саклау
Кан төркемеңә карап аша!








Новости русской версии сайта


Яңа номер

61 (25065)

от 27 мая 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»