Кызыл Таң
Русский English Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
шимбә көннәрендә чыга
/ / Каргалының терәге, Благоварның бизәге алар!

30.01: Каргалының терәге, Благоварның бизәге алар!

Каргалының терәге, Благоварның бизәге алар!Ветеран педагоглар Пәүзә һәм Вилюр Мамлиевлар халыкны рухи-мәдәни агартуга зур өлеш керткән.

Һәр төбәкнең данын, тәү чиратта, аның фидакарь хезмәт кешеләре, эше белән дә, шәхси тормышы белән дә якташларына үрнәк булып торучы абруйлы шәхесләре билгели. Благовар районының Каргалы авылында гомер кичерүче Пәүзә һәм Вилюр Мамлиевларны да, һичшиксез, шундыйлар исәбенә кертергә мөмкин.


Мамлиевлар икесе дә бар гомерен иң изге һөнәрләрнең берсенә – укытучылык эшенә багышлаган бик тә хөрмәтле кешеләр. Аларның мәгариф өлкәсендә уртак эш стажы бер гасырга якын! Моңа өстәп, шуның кырык елын Вилюр Дәү­ләтша улы үз иңнәрендә Каргалы урта мәктәбе директоры йөген дә тартып алып бара, Пәүзә Мөхәм­мәтдин кызы исә 43 ел дәва­мында биредә үк балаларга урыс теле һәм әдәбияты дәресләрен укыта. Шуңа да Благовар төбәгендә Мамлиевларга һәркем зур хөрмәт белән карый, күпсанлы укучылары, тәр­бияләнүчеләре төпле белем биргәннәре, тормышта сынмаслык ныклы канат куйганнары, адашмаслык туры юл күрсәткәннәре өчен алар алдында зур түбәнчелек белән баш ия.

Баксаң, аларның шундый хөрмәт­ле һәм зур уңыш-казанышлар белән үрелеп барган хезмәт юлы башы һәм гаилә тарихы бүген инде еракта калган узган гасырның 50нче еллары азагы-60нчы елларына барып тоташа. 1936 елда Кыйгы районының Еланлы авылында дөньяга килгән, урта мәктәптән соң Башкортстан дәүләт университетын бик уңышлы тәмамлаган чая кыз һәм өметле яшь белгеч Пәүзә Мөхәммәтдин кызын юллама буенча Благовар районына эшкә җибәрә­ләр. Шушында очрата да инде ул үзенең гомерлек юлдашы – Вилюр Дәүләтша улын. Әйткәндәй, Вилюр Мамлиев, шулай ук, Башкортстан дәүләт университетын тәмамлаган белгеч буларак, бу вакытта укытучылык эшендә ярыйсы тәҗрибә тупларга өлгергән була. Һәм менә 1960 елда Благовар төбәгендәге тормышка ямь һәм нур өстәп, хезмәт һәм яшәү дәрте ташып торучы булдыклы яшьләр, уртак мәхәббәтләрен маяк итеп, гаилә учагын кабыза. Ул вакыттан инде 56 ел үтеп китсә дә, Мамлиевлар бүген дә бер-берсенә сөю-наз тулы күзләр һәм чиксез хөрмәт-ихтирам белән бага. Ә бит шушы чорда баштан ниләр генә узмаган да, ниләр генә кичерелмәгән?! Уртак мәхәббәттән җылынган гаилә кочагында дүрт бала үсеп җитеп, бүген инде үзләре тәҗрибәле әти-әни корына кергәннәр, аларның күпсанлы балалары – оныклар уңыш-казанышлары, хәстәрлекле мөнәсәбәте белән сөендерә. Балаларның һәркайсы тормышта үз урынын табуы, күркәм эшләре белән хөрмәт һәм ихтирам казануы үзе үк ата-ананың йөзен билгеләүче күрсәткеч булып тора. Шөкер, бу җәһәттән дә Мамлиевларның йөзе кызарырлык түгел. Ул-кызларының һәркайсы тормышта һәм биләгән эш урыннарында әти-әни ышанычын, төпле гаилә тәрбиясен ныклы аклаганнар!

Ә инде хезмәттә яуланган казанышларны санап чыгар өчен генә дә ярыйсы гына вакыт сарыф итәргә кирәк. 56 ел гомерен фидакарь хезмәткә багышлаган Вилюр Дәү­ләтша улы Благовар районында һәм республикада мәгариф өлкәсен үстерү юнәлешендә күпьяклы һәм үрнәкле эшчәнлеге өчен СССРның һәм РСФСРның мәгариф отличнигы, БАССРның атказанган укытучысы исемнәренә, күпсанлы медаль­ләргә, мактау грамоталарына лаек булган.

Бар гомерен балаларга урыс теле һәм әдәбиятыннан белем бирүгә багышлаган, шул рәвешле күпме буын благоварлыларга тормышта үрләр яуларга ныклы очар канат куйган Пәүзә Мөхәммәтдин кызының фидакарь эшчәнлеген дә дәүләт югары бәһаләгән. Ул РСФСР һәм БАССР Мәгариф министр­лыкларының Мактау грамотасы белән бүләкләнгән, “Өлкән укытучы”, “Хезмәт ветераны” исемнәре белән билгеләнгән. Ә бар гомерен мәгариф өлкәсенә багышлаган абруйлы педагогларның эшчәнлегенә иң зур бәһа – әлбәттә, күпсанлы укучыларының рәхмәте, аларның тормышта үз юлын табуын һәм җәмгыять үсешенә лаеклы өлеш кертүен күрү!

Бу көннәрдә Мамлиевлар йортында зур бәйрәм – барлык балалары, оныклары, туганнары, якыннары, дуслары, күпсанлы рәхмәтле укучылары һәм якташлары Пәүзә Мөхәммәтдин кызының 80 яшьлек күркәм юбилеена җыела. Әлбәттә, бу көнне аның исеменә бик күп изге теләкләр, рәхмәт сүзләре әйтеләчәк. “Иң мөһиме – әти-әниебез алдагы көннәрдә дә сау-сәламәт булып, аларга балаларының, оныклары­ның, якыннарының кадер-хөрмәтенә төренеп, тагын озын-озак еллар бәхетле, тигез, имин гомер киче­рергә язсын!” – ди бу уңайдан һәркемнең уртак теләген җиткереп уллары Ирек Мамлиев. Амин, шулай булсын!


Басып чыгарырга



  • Имя:

  • E-Mail:

  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
  • Введите два слова, показанных на изображении:



Әйдәгез сабантуйга!
22-05-2017 :: Тормыш
Әйдәгез сабантуйга!
Тукталышта ятып үлгән
16-05-2017 :: Тормыш
Тукталышта ятып үлгән








Новости русской версии сайта


Яңа номер

62 (25066)

от 30 мая 2017 Архив номеров газеты






sendmail

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Русия киносы елы


Рубрикалар


ТВ карагыз!



Антитеррор

Антитеррор

Скачать PDF-версию газеты

Материаллар архивы







Регистрация Напомнить пароль?


или через социальные сети:




Печать книг

Безнең иске сайтыбыз

Оставьте свой отзыв о сайте

Филиалы ГУП РБ ИД
«Республика Башкортостан»