+24 °С
Яңгыр
9 май - Җиңү көне
6 Май 2022, 10:25
Радий Хәбиров: "Үлемсез полк"та картәтием белән катнашам"
"Быел, пандемия башланганнан соң беренче тапкыр, Үлемсез полк гадәти форматта узачак", - дип язган Радий Хәбиров социаль челтәрләрдә.
Радий Хәбиров: "Үлемсез полк"та картәтием белән катнашам"
9 Майда, Җиңү көнендә, Уфада колонна Октябрь проспекты буенча Һалле урамы киселешеннән башлап Кольская урамына кадәр барачак. Колоннаны төзү - 10.00 сәгатьтән 11.00 сәгатькә кадәр, йөреш бер минут тынлык белән башланып китәчәк.
Картәтием, рядовой Барый Латыйп улы Хәбиров белән без дә катнашачакбыз. Минем картәтием сугышны буеннан буена үтте, аны Монголиядә тәмамлады, авыр яраланды. Мин аның һәм фашизмны җиңгән бөтен халыкның батырлыгы алдында баш иям.
Русиядә үз герое булмаган гаилә юк. Үлемсез полк - ул чираттагы тапкыр Җиңү өчен әтиләребезгә, бабаларыбызга рәхмәт әйтү мөмкинлеге. Һәм безнең бердәм булуыбызны күрсәтергә кирәк. Бүген, безнең ил, безнең егетләр - хәрби хезмәткәрләр янә нацистларга каршы көрәшкәндә, бу аеруча мөһим".
