+1 °С
Болытлы
Гәзиткә язылуVKOKTelegram
Барлык яңалыклар
9 май - Җиңү көне
2 ноябрь 2022, 11:55

Бакалы уңышлар белән балкый!

Биредә игенчелектә дә,терлекчелектә дә үсеш күзәтелә.

Бакалы уңышлар белән балкый!
Бакалы уңышлар белән балкый!

 Бакалы — Башкортстанның тотрыклы үсеш алган районнарының берсе. Районның 96 торак пунктында 25 меңнән артык кеше – урыс, татар, башкорт, мари, чуваш, мордва һәм башка милләт вәкилләре бер гаиләдәй тату яши. Берничә буын бакалылыларның тынгысыз, тырыш һәм иҗади эшчәнлеге районның йөзен дә, гомумән авылда яшәү рәвешен дә тамырдан үзгәртте. Район җитәкчелеге, анда яшәүчеләр бүген дә район икътисадын ныгыту, җитештерүне үстерү, авылда лаеклы яшәү шартлары булдыру өчен күп көч сала.

Биредә күптән түгел авыл хуҗалыгы хезмәт­кәр­ләре бәйрә­менә багышланган тантаналар узды. Район Мәдә­ният сарае фойесында авыл хуҗалыгы пред­приятиеләре, крестьян-фермер хуҗалык­лары, авыл биләмәләре һәм эшкәртү предприятиеләре продукциясенең бай күр-гәз­­мә­се оештырылды. Күр­гәзмә күп­төрлелеге һәм матурлыгы белән үзенә җәлеп итте. Әй­тик, басуларда үсте­рел­гән продукция үрнәклә­рен авыл ху­җалыгы пред­прия­тие­ләре тәкъдим итте. Мә­дәният хез­мәткәрләре дә тырышты, алар декоратив-га­мәли сән­гать күргәзмәсе әзер­ләде.
Бәйрәмнең рәсми өле­шен район хакимияте башлыгы Александр Андреев ачты. Александр Георгиевич райондашларын һәм кунакларны чын күңелдән авыл хуҗалы­гы хезмәткәр­ләре көне белән котлады, район­ның социаль-икътисади үсе­шенең төп күрсәт­кечләрен билгеләп үтте. Кыр һәм ферма хезмәтчән­нәре, авыл хуҗалыгы пред­приятие­ләре, фермер хуҗа­лыклары җи­тәкче­ләре һәм белгечлә­ре Русия Авыл хуҗа­лыгы ми­нистр­­лыгы­ның, район ха­ки­миятенең Мактау грамоталары, Рәх­мәт хатлары белән бү­ләк­ләнде.
Аграр тармакта район­ның икътисади потенциалын ни­гездә “Агроресурс”, “Бакалыагро”, “Нива”, “Мир­заит” җәм­­гыять­­ләре, “Марков” крестьян-фермер ху­җа­лыгы, сәнә­гатьтә “Стройальянс” җәм­гыяте билгели. “Стройальянс”, мәсә­лән, елына 38 миллион данәдән артык кирпеч җи­теш­терә. Уңышлы эшләгән “Бакалы” кулланучылар җәмгыятен район­­­ның бренды дип атарга мөм­кин. Ул экологик яктан чиста, халыкта зур сорау белән файдаланган азык-төлек җи­теш­терә һәм сата. “Бакалы” кулланучылар җәмгыяте — шулай ук районда иң күп салым түләүче дә.
— Бакалы аграрийлары быел үстергән уңыш белән горурлана ала. Оптималь агротехник срокларда язгы кыр эшләре, мал азыгы хә­зерләү, урып-җыю башкарылды. 115 мең тонна ашлык җыелды, һәр гектардан уртача уңыш 23,5 центнер тәшкил итте. Рес­публиканың Авыл хуҗа­лыгы министрлыгы, район хакимияте аграрийларга зур яр­дәм күрсәтә. Район-ның авыл хуҗалыгы продукциясе җи­тештерү­че­ләре федераль һәм республика бюджетларыннан 70 миллион сумнан артык субсидия алды, — ди район хакимияте башлыгы урынбасары, авыл хуҗа­лыгы ида­рәсе җитәкчесе Вячеслав Ташев. — Авыл хуҗа­лыгы производствосы һәм эшкәр­тү сәнә­гате — район икъ­тиса­дының мө­һим өле­ше. Бүген безнең уртак бурычыбыз — күп еллар дә­вамын­да агро­сәнәгать комплексында булдырылганны нәтиҗәле файдалану, тармакны мо­дер­ни­зация­ләү. Яздан башлап һава торышы көйсез булса да, авыл эшчәннәре, район хуҗа­лыклары җитәк­че­ләре һәм белгечләре бай тәҗрибәгә таянып һәм катлаулы шартларда эш­ләр­не дөрес оештырып, алга куелган бурычны намус белән үтәп чыкты. Басу­лар­­дан барлык уңыш югал­туларсыз җыеп алынды, көзге культуралар чәчелде. Мул итеп мал азыгы хәзер­ләнде, фермалар кышлатуга күчте. Техника кышкы саклауга куелды. Кыскасы, бул­ган барлык ресурсларны: тәҗ­рибәне, техниканы, оештыру чараларын оста мобили­зацияләү нәтиҗә­сендә югары күрсәт­кеч­ләргә ирешү мөмкин булды. Урып-җыю кампаниясе нә­тиҗә­ләре буенча бөр­текле һәм кузаклы куль­тура­лар­ның тулаем күлә­ме башлангыч авырлыкта 120 мең тонна тәшкил итте, ягъни 2020 елга карата — 116 процент һәм 2021 ел белән чагыштырганда, 2,5 тапкыр күбрәк. Агымдагы елның 8 аенда ху­җалыкларның барлык кате­го­рияләрендә дә авыл хуҗа­лыгы продукциясе җитеш­терү бәясе 1,77 миллиард сум тәшкил ит­кән. Бу — узган елга карата 120 процент. Быел чәчү мәй­даннары 76899 гектар тәшкил итте, шул исәптән бөртекле һәм кузаклы культуралар 49,7 мең гектарда үстерелде. Район хуҗалык­ларында киләсе ел уңышы өчен ныклы нигез салынды. 8,3 мең тоннадан артык бөртекле сабан культуралары орлыгы, 48 тонна күпьеллык үлән орлыгы салынды. Уҗымнар 7500 гектар мәйданда чәчел­де. 2022 ел нәтиҗәләре буенча “Бакалы-агро” (җитәк­чесе Евгений Зуев), “Дружба” (Рәсим Шакиров), “Ни­ва” (Павел Мартынов), “Марков КФХсы” (Геннадий Марков, “Мирзаит” (Рәфис Хурамшин) хуҗалыклары аеруча матур нәтиҗәләргә иреште, — диде Вячеслав Валерьевич.
Шунысын да билгеләр­гә кирәк, терлекчелек продукциясен сатудан кергән табыш күпчелек хуҗалык­ларда — 60-75 процент. Районда иҗ­тимагый сектор буенча мө­гез­ле эре терлек­ләр саны 6037 баш тәшкил итә, шул исәптән 2355 сыер малы, 446 ат бар. Барлыгы 56465 центнер сөт җитеш­терел­гән, шуның 47368 центнеры сатылган, һәр сыердан уртача савым 3454 килограмм тәш­кил иткән. Дәү­ләтнең нәтиҗә­ле ярдә­менә, авыл эшчән­нә­ренең фидакарьлегенә таянып, районның авыл ху­җалыгы тармагы үсешкә юнә­леш тота.
Бүген районда максатлы программалар тормышка ашы­рыла. Алар тормыш дәрә­җәсен күтә­рү­гә, һәр торак пунктта яшәү өчен уңайлы мохит булдыруга, социаль өл­кәне үстерүгә юнәл­телгән. Әйтик, ел башыннан район авыл хуҗа­лы­гы товар җитеш­терү­челәре федераль бюджеттан һәм Башкортстан Республикасы бюджетыннан 70,8 миллион сумнан артык субсидия, кыска вакытлы, озайлы кредитлар һәм 335,9 миллион сумнан артык күләмдә займнар алды.
Бакалы районында төр­ле инвестиция проектлары тормышка ашырыла, тиешле программаларда катнашу нәтиҗә­сендә фермерлар хәрә­кәте ныгый һәм яңа көч­ләр белән тулылана. “Гаилә сөт терлекчелеге фермаларын Яшь фермер” программасын га­мәл­гә ашыру кысаларында 2012-20 елларда 11 крестьян-фермер хуҗа­лыгы грантка сертификат алды.
Авыл үстерү” программасын гамәлгә ашыру кысаларында крестьян-фермер хуҗалык­лары базасында 4 гаилә фермасы эшли. “ хуҗалыгы тармагы алдына куелган бурыч­ларны машина-трактор паркын мо­дер­­низация­ләмичә хәл итеп булмый. Әйтик, 2022 елда Бакалы районы хуҗа­лык­лары тарафыннан 141 миллион сумлык техника сатып алынган, шул исәп­тән лизинг буенча 79 539 мең сумлык 15 берәмлек техника кайтарылган.
Районда 4 авыл хуҗа­лыгы кооперативы уңыш­лы эшләп килә. “Бакалы” ашлык кабул итү предприятиесе дә тотрыклы эшли. Халыкка “Партнер”, “Бакалы” хәзер­ләүләр оешмалары, универсаль базар зур ярдәм күрсә­тә.
Бакалының авыл хуҗа­лы­гы предприя­тиеләре һәм эшчәннәре тулы канлы тормыш белән яши, киләчәккә өмет белән карый.

Идрис СӘЕТГАЛИЕВ,
“Кызыл таң”ның үз хәбәрчесе

Автор:Идрис Саитгалеев
Читайте нас: