-18 °С
Болытлы
Барлык яңалыклар
Күз яшьләре тик шатлыктан булсын!
Әлшәй районының Хәнҗәр авылы бик зур түгел, ләкин биредә тату һәм актив халык яши. Алар тырышлыгы белән төбәкнең оҗмахтай матур урынында урнашкан авыл елдан-ел күркәмләнә.
Әйтик, быел 8 майда биредә Ватан өчен көрәштә башларын салган яугирләр истәлегенә һәйкәл ачылды. Ул авылга кергән юлда, елга яры буенда балкып утыра. Шунысы да игътибарга лаек: әлеге обелиск фәкать авыл халкыннан җыелган акчага төзелде. Бу эштә аеруча активлык күрсәткән Радик Миһрановка, Илмир Хаҗигалиевка, шулай ук Илфат белән Илнур Зариповларга аеруча зур рәхмәтлебез.
Җиңү көне — бөек бәйрәм. Аны һәр гаилә дулкынланып көтә, чөнки һәрберсенең туганы яисә якыны сугышта һәлак булган. Минем ике картәтием дә (З. Идрисов һәм И. Хаҗигалиев) сугышта катнашкан, соңгысы Берлинга барып җиткән. Картәнием — тыл хезмәткәре һәм хезмәт ветераны. Аның өч абыйсы фронтка киткән, берсе сугыш яланнарында башын салган. Бу көннәрдә бигрәк тә аларны — Бөек Ватан сугышы ветераннарын һәм тыл хезмәткәрләрен Җиңү көне белән котлыйсы килә. Аларга ныклы сәламәтлек, тыныч күк йөзе телим. Күз яшьләре тик шатлыктан гына тамсын иде.
Җиңү көне — бөек бәйрәм. Аны һәр гаилә дулкынланып көтә, чөнки һәрберсенең туганы яисә якыны сугышта һәлак булган. Минем ике картәтием дә (З. Идрисов һәм И. Хаҗигалиев) сугышта катнашкан, соңгысы Берлинга барып җиткән. Картәнием — тыл хезмәткәре һәм хезмәт ветераны. Аның өч абыйсы фронтка киткән, берсе сугыш яланнарында башын салган. Бу көннәрдә бигрәк тә аларны — Бөек Ватан сугышы ветераннарын һәм тыл хезмәткәрләрен Җиңү көне белән котлыйсы килә. Аларга ныклы сәламәтлек, тыныч күк йөзе телим. Күз яшьләре тик шатлыктан гына тамсын иде.
Регина ЕЛИЗАРЬЕВА.
Новости партнеров