-22 °С
Болытлы
Гәзиткә язылуVKOKTelegram
Барлык яңалыклар
7 июль 2021, 23:35

"Без - бер-беребез һәм үзебез белән танышабыз"

Бүген Конгресс-холл амфитеатрында Словакия, Панама, Грециянең иҗат коллективлары катнашлыгында концерт программасы күрсәтелде. Ә инде концертның хедлайнерларының берсе - Мәскәүнең волынчылар оркестры булды.

Бүген Конгресс-холл амфитеатрында Словакия, Панама, Грециянең иҗат коллективлары катнашлыгында концерт программасы күрсәтелде. Ә инде концертның хедлайнерларының берсе - Мәскәүнең волынчылар оркестры булды.

Уфалылар Мәскәү волынчылар оркестрының үзенчәлекле музыкасын ишетте. Журналистлар коллектив җитәкчесе, оркестрга нигез салучы һәм сәнгать җитәкчесе, мультиинструменталист һәм аранжировщик Артем Воробьев белән концерт алдыннан очрашып, сораулар бирергә өлгерде.
"Шотландиялеләр - шактый традицион халык, без башка образларны таныйбыз. Без шулай да урыс колоритлы, бөтен дөньядан килгән милли костюмнар һәм мәдәниятләрнең төрле, чагу төсләрен куллана торган урыс коллективы, - дип билгеләп үтте ул. - Русиядә волыннар һәм барабаннарның беренче профессиональ оркестры - шотланд классикасына һәм урыс музыкасына, рокка, диско һәм башка күп нәрсәләргә нигезләнгән экстремаль музыкаль шоу".

Коллективка 16 яшь, аңа 2004 елда Мәскәүдә нигез салынган. Музыкантлар Шотландиядә булган, анда Глазго көллиятендә укыган, фестивальләрдә катнашкан. Музыкантлар традицион киемне заказга тегәләр. Волынка - "мөмкинлекләре чикләнгән" инструмент, анда бөтен ноталар һәм бик тар диапазон булмаганлыктан, музыканы сайлауга бик сак булырга туры килә.
«Фикердәшләрне табу - бик сирәк күренеш. Без - кызыклы кешеләр, шуңа күрә дә безгә «сул»лар килми, — дип сөйли Артем Воробьев. - Беренче состав үзгәрде, үзгәртеп корылды. Без классик коллектив буларак эшли башладык, ә бүген бу инде чын Шотландия волынкасына мөнәсәбәте аеруча зур булмаган эксперименталь шоу. Шуңа да карамастан, безгә бу юл кызыклы. Барысы да волынкада яңгырамый, әмма яңгыраса - яхшы эшли".
Коллектив симфоник, тынлы оркестрлар, рок-төркемнәр белән уйнарга мөмкин. Әмма Уфада кичәнең хедлайнерлары тарафыннан игълан ителгән музыкантлар берничә блок белән шатландырды — шотланд, уры һәм популяр музыкадан торган бүлекләр булды алар.
«Фольклор фестивальләре һәм Фольклориада, аерым алганда, - бу бик яхшы идея, чөнки барлык кешеләргә дә, һичшиксез, халык мәдәнияте якын, нинди генә булмасын, — ди Артем Воробьев. - Игътибарлы булсак, без башка кыйтгадан килгән кешеләр беләнңбезнең күңелләр бер-берсенә тартылуын күрә алабыз. Бөтенләй чит музыка, тик безнекенә дә охшаган кебек. Яки ритмика, яки көй, башкача бирелгән, башка тышлыкка төрелгән, әмма тамырлары бер, бик тирән — алар барыбызда да яши. Без шул рәвешле дөнья һәм бер-беребез белән, үзебез белән танышабыз».

Фото: Зөһрә Исламова.
Автор:Зөһрә Исламова
Читайте нас в