-18 °С
Болытлы
Гәзиткә язылуVKOKTikTokINSTAGRAM
Барлык яңалыклар
5 август 2021, 17:35

Таләпләргә тулысынча туры килә

"Башкортстан продукты" проектында катнашучы "Нуркаев В. М." шәхси предприятиесе «Акыллы мохит» сәүдә маркасы астында йомшак һәм каты пластиктан йорт яны, шәһәр һәм парк территорияләрен төзекләндерү өчен хәвефсез кече архитектура формалары җитештерү буенча ЭКОзавод оештырды.

Таләпләргә тулысынча туры килә

"Башкортстан продукты" проекты үз эшчәнлеге дәверендә төрле җитештерү өлкәләрендәге предприятиеләрне берләштерде. Проект кысаларында экологик юнәлешле оешмаларга ярдәм итү предприятиеләргә потенциаль сатып алучыларның киң даирәсен күрсәтергә, сату күләмнәрен арттырырга, хезмәттәшлекне ныгытырга гына түгел, ә республиканың икътисад индустриясенә дә игътибар җәлеп итәргә мөмкинлек бирә", - дип ачыклык кертте Башкортстанның сәүдә һәм хезмәт күрсәтү министры Алексей Гусев.

"Нуркаев В.М." шәхси предприятиесе Уфа районының Подымалово авылында урнашкан һәм эскәмияләр, урам кашполары, урналар, полимерлардан һәм комнан декоратив коймалар җитештерү белән шөгыльләнә.

Продукция сынаулар, ирекле экологик экспертиза узды һәм ЭКОның экологик таләпләренә тулысынча туры килә.

"Безнең предприятие "полимерпесчан" технологиясе нигезендә композит материаллар булдыру буенча уникаль ысул куллана, ул теләсә нинди формадагы һәм күләмдәге эшләнмәләр җитештерергә мөмкинлек бирә. Үз җиһазларыбыз белән эшлибез", - диде предприятие җитәкчесе Вадим Нуркаев.

Фото: правительстворб.ру

Автор:Резеда Галикәева