-21 °С
Болытлы
Гәзиткә язылуVKOKTikTokINSTAGRAM
Барлык яңалыклар
6 август 2021, 20:25

Урал аръягы даими игътибар таләп итә

6 августта Әбҗәлил районына эш сәфәре кысаларында Башкортстан Хөкүмәте Премьер-министры Андрей Назаров берничә социаль объектта булды.

Урал аръягы даими игътибар таләп итә

"Кызыл Башкортстан" совхозының Самара бүлекчәсендә 1970 елда ук төзелгән мәктәп авария хәлендә.

Быел мартта төзелеш җитешсезлеге аркасында ябу плитәсе җимерелгәннән соң укучыларга белем бирү балалар бакчасы базасында 2 сменада оештырылган. Премьер-министр бинаны ремонтлап булмавын, аны сүтеп, яңасын төзергә кирәклеген билгеләп үтте. Шуннан соң мәктәп төзелешенә проект-смета документациясен эшләргә кушты.

– Без быел ук яңа мәктәп төзелешенә керешү өчен Республика адреслы инвестиция программасына үзгәрешләр кертәчәкбез, аны без 2022 елның 1 сентябрендә ачарга ниятлибез, - диде Андрей Назаров.

*** Озерное авылында Премьер-министр авария хәлендәге «Росинка» балалар бакчасын карады. Бу бинаны ремонтлау мөмкин түгел, чөнки ул даими су басу зонасында урнашкан. Язгы ташу чорында ул биналарга барып җитә.

– Без Озерное авылында яңа балалар бакчасы төзергә карар иттек, ә демографик үсешне исәпкә алып, аны яңа мәктәп белән берләштерәчәкбез, - диде Андрей Назаров.

*** Шулай ук Премьер-министр Андрей Назаров Әскар - Әлмөхәммәт – Сибай автомобиль юлында ремонт барышы белән танышты. 18.1 километр озынлыктагы автомобиль юлын ремонтлау өч этаптан тора. Инде юлның яртысы ремонтланган, быел тагын 3 километр юл тапшырылачак.

- Бу юл 30 елга якын ремонтланмаган, - диде Андрей Назаров. - Әскар - Әлмөхәммәт – Сибай участогын ачу төбәктә транспорт хәрәкәтен сизелерлек яхшыртачак. Бу Урал аръягында яшәүчеләр өчен араны 50 чакрымга кыскартырга мөмкинлек бирәчәк, ә иң мөһиме - юл хәрәкәтендә катнашучыларның хәвефсезлеген арттырачак.

Фото: правительстворб.ру

Автор:Резеда Галикәева