Сезне трибунал көтә!

Хәзерге Украина территориясендәге җинаятьләр турындагы материаллар «Трибунал» сайтында басылачак. Интернет-ресурс журналисты һәм Кеше хокуклары буенча совет әгъзасы Марина Әхмәдова бу хакта мәгълүматны бер урында туплау һәм барлык теләүчеләргә җыелган мәгълүмат белән танышу мөмкинлеге бирүнең мөһим булуын билгеләп үтте. Шулай итеп, Украина ягыннан күпсанлы фейкларга каршы кешеләргә дөрес мәгълүматны тәкъдим итәргә мөмкин булачак.

«Трибунал» басмасы журналистлары Донецк, Мариуполь, Волновах һәм башка торак пунктлардагы җинаятьләрнең шаһиты булды. Алар бәрелешләр урыннарына барды, андагы халык белән аралашты, барлык хәлләрне камерага төшерде. Җәмәгатьчеләр һәм журналистлар җыелган досьены халыкка җиткерергә кирәк дип саный. Кешеләр Украина неонацистларының 2014 елдан бирле ЛНР һәм ДНРдагы җинаятьләре турында белергә тиеш.

«Трибунал» иҗтимагый инициативасы сайтының «Досье» битендә «Хәрби җитәкчелек» һәм «Башкаручылар» дигән ике бүлек барлыкка килде. Андагы материаллар боевикларның гаепләрен дәлилләп, аларны судка бирү, шулай ук хөкем карары чыгару өчен нигез булачак. "Сугышта күп кенә җинаятьләр җәзасыз калганга күрә эшләнә. Һәм безнең максат - аны үзгәртү", - дип саный Марина Әхмәдова.

«Трибунал» сайты Русия Федерациясе Иҗтимагый палатасы ярдәме белән эшли башлады. 2022 елның март башында палата әгъзалары Халыкара иҗтимагый трибунал оештыру башлангычы белән чыкты. Аңа дөньяның төрле илләреннән хокук яклаучылар һәм журналистлар керде. Максат - хәрби җинаятьләрнең дәлилләр җыю, аларны игълан итү һәм бу дәлилләрне хокук саклау органнарына тапшыру. Халыкара иҗтимагый трибунал 300дән артык шаһиттан һәм милли батальоннардан зыян күрүчеләрдән сорашкан. Хәзер исбатлау базасы «Трибунал» интернет-ресурсы журналистлары материаллары белән дә тулыландырылачак.