Һәр сүзең өчен үзең җаваплы

Спикер үзенең чыгышын экстремислык төркемнәре һәм террорчылык оешмалары турында зур булмаган фильм күрсәтүдән башлады. Ул полицейскийларга көн саен практикада нәрсә белән шөгыльләнергә туры килүе турында сөйләде һәм 2010 елдан башлап Федераль иминлек хезмәте һәм Эчке эшләр министрлыгы хезмәткәрләренең бергәләп җинаятьчел төркемнәрне ача алулары һәм шуның белән республика территориясендә шартлауларны булдырмаулары турында конкрет мисаллар китерде. Полиция полковнигы Исламның һәм теләсә кайсы башка диннең террорчылыкка катнашы булмавын аерым билгеләп үтте.

Чара барышында Эдгар Погосян яшьләрнең ничек итеп экстремистик хәрәкәтләр вербовкасы корбаны була алуын аңлатты. Ул студентларны социаль челтәрләрдә һәм телефон аша таныш булмаган кешеләр белән аралашуның хәвефле булуы турында кисәтте. Интернет челтәрендә экстремистик материаллар тарату өчен җинаять җаваплылыгы турында сөйләде, дошманлык чакырулары өчен 5 елга кадәр иректән мәхрүм итү янавын билгеләп үтте.

Полковник ассызыклаганча, законны, терминнарны һәм чикләүләрне белмәү, хәтта хокук бозучыга нибары 16 яшь булса да, ә экстремистик юнәлештәге авыр җинаятьләр кылганда - нибары 14 яшь булса да, җаваплылыктан качарга ярдәм итмәячәк. Формаль яктан экстремизм өчен җаваплылыкның өч төре бар - административ җаваплылык, җинаять җаваплылыгы, гражданлык-хокукый җаваплылык һәм күңелсез нәтиҗәләр.

Эдуард Погосян Интернет һәм экстремизмның үзара бәйләнеше турындагы сорауга җавап биреп, Интернетта басма һәм әйтелгән сүзләр өчен җаваплылыкны аңламаган балалар, яшүсмерләр, яшьләр, өлкәннәр хәвеф төркемендә булуын билгеләп үтте.

Тулырак : https://mgazeta.com/articles/vazhno/2024-11-14/v-ufe-studentam-bagsu-rasskazali-ob-otvetstvennosti-za-ekstremizm-i-terrorizm-4008026

фото: башинформ