Агачларда - гүзәл затлар исеме

Миләш һәм алмагачлар сугышта катнашкан хатын-кызларның исемен мәңгеләштерәчәк.

26 сентябрьнең җылы шимбә көнендә Башкортстан Дәүләт университетының Белов урамында урнашкан Сибай филиалы каршындагы аллеядә шәһәр Советы депутатлары, яшь армиячеләр, предприятие һәм оешма җитәкчеләре тарафыннан торак-коммуналь хуҗалык хезмәткәрләре әзерләгән 65 миләш һәм алмагач утыртылды.

Аларга Сибайдан Бөек Ватан сугышында катнашкан хатын-кызлар исеме язылган табличкалар беркетелде. Шулай итеп, биредә «Фронт дуслары» аллеясе барлыкка килде.

- Безнең коллективның кыска вакыт эчендә әлеге табличкалар әзерләве сөенеч, - ди «Технотерра» балалар технопаркы директоры Аида Малкина. - Һәр исем - батыр язмышы ул, бу кешеләр турында балаларыбызга да сөйләячәкбез.

Эколог Ирина Горюнова сүзләренә караганда, миләш һәм алмагачлар «Фронт дуслары» клубында катнашкангүзәл хатын-кызларны гәүдәләндерә, алар шундый ук матур, нык һәм ир-егетләр белән беррәттән тыныч күк йөзе өчен көрәшкән.

Чыннан да, әлеге үсентеләр үсеп килүче буында, тирә-як мохиткә сакчыл караш белән беррәттән, патриотик рухта тәрбияләүгә дә булышлык итәчәк.

Фото: sworker.rbsmi.ru