+9 °С
Ясно
Батырлар дәвере
14 Октября 2022, 12:33
Аякларын югалткан, әмма үзен түгел!
Без гәзиттә “Горурланабыз!” дип исемләнгән рубрика ачтык. Анда Башкортстан үсешенә зур өлеш керткән хезмәт батырлары, туган ил иминлеге сагына калкан булып баскан яугирләр, күренекле шәхесләребез турында язмалар басылачак. Бүгенге героебыз – Омск фаҗигасендә ике аягын да югалтып, бөтен дөньяга батырлык үрнәге булып яшәүче Рөстәм Нәбиев.
Аякларын югалткан, әмма үзен түгел!
Казарма җимерелү нәтиҗәсендә, ул ике аяксыз калган. Рөстәм 16 операция кичергән, асылда, яңадан яшәргә өйрәнгән, спортчы һәм танылган блогер булып та танылды. Дөньяда Эльбрус (5642 метр) һәм Манаслу (8163 метр) тауларына кулларында менгән беренче кеше ул. Ике бала атасы, бәхетле ир, блогер. Рәхмәт, Рөстәм!
"Сез безнең барыбызга да үрнәк күрсәттегез, ирешеп булмаслык максат куярга һәм, теләсә нинди кыенлыкларга карамастан, аңа ирешергә кирәклеген өйрәттегез!" - дигән иде аңа Башкортстан Башлыгы Радий Хәбиров.
Бүген Рөстәмнең бер фикерен искә төшерәсе килә: "Башка илләрдә озак вакыт сәяхәт итсәм, миңа кыен, уңайсыз була башлый. Туган илгә кайтуга күңелем тынычлана. Димәк, миңа яшәү көчен туган җирем дә бирә! Бабаларыбыз, бабаларыбызның бабалары яшәгән туган нигезем…"
