Халыктан - халык өчен

Уфада Халык фронты тәкъдим иткән «Путин командасы» гражданнар премиясен тапшыру тантанасы узды. Куркыныч һәм хәвеф булуга карамастан, көн саен Ватаныбыз хакына эшләп килүчеләрнең хезмәтен мактаулы бүләкләр белән билгеләп үттеләр, профессиональлекләрен кешеләр файдасына кулланучы Ватанының лаеклы вәкилләре - Путин командасының вәкилләре.

«Бүген без Ватаныбыз хакына намуслы һәм риясыз хезмәт иткән кешеләрне хөрмәтлибез. Халык фронты оешканнан бирле гаделлек өчен көрәшә, гади кешеләрнең мәнфәгатьләрен яклый. Сез кыюлык белән иң кискен, проблемалы мәсьәләләрне күтәрәсез, дәрәҗәләргә һәм эш урыннарына карамастан, аларны хәл итүне таләп итәсез, шуңа күрә кешеләр сезгә зур хөрмәт һәм ышаныч белән карыйлар. Халык фронты һәрвакыт иң мөһим һәм катлаулы урыннарда эшли. Халык фронты үз гамәлләре белән дөньяны яхшы якка үзгәртә торган кешеләр өчен «Путин командасы» премиясе инициаторы булды. Путин командасы әгъзасы булу - зур хөрмәт һәм җаваплылык, шуңа күрә халык премиясе абруй казанган һәм реаль казанышлары булган кешеләргә бирелә. Махсус хәрби операция барышында нацизм белән көрәш алып бара, кешеләрне госпитальләрдә коткара, азат ителгән территорияләрдә шәһәр һәм авылларны торгыза, журналистлык бурычы тугры кала, Украинада ниләр булуы, волонтерлар эшләве, гуманитар йөкләр озатуы турында сөйли. Аларның һәрберсе илебез һәм республикабыз яхшырак булсын өчен кулдан килгәннең барын да эшли. Алар, асылда, 24/7 режимында гади кешеләргә ярдәм итәләр, моның өчен рәхмәт сезгә», - диде Башкортстан Башлыгы Хакимияте җитәкчесе Максим Забелин.